رحلة البحث عن ميجان 2 او سي 4 كوبيه
السلام عليكم جميعا،
انا زميل قديم و طول عمري كان نفسي اركب سيارة فرنيسة سواء ميجان 2 او ستروين سي 4 كوبيه لحبي الشديد لها. و دايما كان في حاجة بتشدني للفرنساوي. لكن في ذات الوقت دايما كان في ناس بتخوفني منها و ظروف بتمنعني اني اجيبها و اجيب حاجات اقل منها و بفلوس اغلي منها بكتير.لحد ما اخيرا تشجعت و قررت اني اعملها و ابقي رينوهاوي او سيترويناوي علي حسب :)
لكن المشكلة بقي اني بادور علي حالة معينة، باختصار شديد نفسي في واحدة من الاتنين تكون زيروووو، عداد قليل، هاي لاين و فابريكة، و مش مهم الموديل، لو حد منكم يعرف يدلني علي واحدة بجد اكون شاكر جدا ، جراكم الله كل خير مقدما
