الام في العظام والمفاصل ( إستشارة طبية )

السلام عليكم ورحمه الله
بقالي كام يوم بحس بالام في الظهر وناحيه مابين اعلى الذراع والرقبة وضيق في التنفس وكإن الضغط فيه مشكله
ومش عارف بصراحة ده ايه
مع العلم باني بلبس تقيل وبتغطا كويس جداا
قست ضغط ومفيهوش مشكلة
أخدت حقنة ايبيكوتيل ٢٠ مجم مضادة للالتهابات والروماتيزم كمسكن للالم ويادوب قللت الالم شوية ومافيش فايدة
مع العلم ان كان عندي مشكلة من سنين خاصه بالجهاز المناعي
والتهاب وورم الارجل والاذرع بمجرد ااقل مجهود من استخدام مفك او قصافه ايدي بتورم
لو سندت ايدي لفترة على حاجه مطرح ايدي بينتفخ وبيورم
ترددت على د امراض دم مع شوية تحاليل وفحوصات
ونسبة ال lupus anti coaugulant , lupus anticardolipen
كان فيهم مشكلة كانت بوسيتيف بنسبة عالية
وماشي على جرعة sulpred 20 mg , asprin protect
واستمريت سنة اتابع كل شوية تحاليل وكشف والنسب كانت بتقل ببطىء شديد جداا
وفضلت مع نفسي اسحب الكورتيزون من جسمي عن طريق تقليل الجرعاات
لغايت مازهقت وبطلت العلاج بقالي سنتين والتعب والمشاكل كانت لاتوجد نهائي
بل بالعكس كنت بنزل جيم وتمارين والحياة فل
تفتكرو ان المشكلة اللي عندي بسبب الجهاز المناعي ولا اجهاد وبرد في العظام
ولو امكن حد يدلني على د أمراض دم شاطر يبقا كتر خيره
وربنا يشفي جميع مرضى النسلمين

أنا مش طبيب بس معلوماتى العامة البسيطة إن فيه بعض تحاليل لازم تتعمل فى الحالة ديه قبل اى كلام وهى
esr
rf
ana
accp
دول بتروح بيهم لدكتور روماتيزم
وفيه بعض معايير خاصة بعدد المفاصل المتأثرة وتماثل اصابة المفاصل ( يعنى إصابة المفاصل المتماثلة ) الالم
وإصابة المفاصل الكبيرة ولا الصغيرة (زى الاصابع ) ومدة بدء الاصابة بالالم وهل بيحصل تخشب صباحى والالم بيكون اشد عند الاستيقاظ ويقل بعد كده هل سبق الم المفاصل التهاب الحلق او اللوزتين .. الخ
ده من خبرتى كمريض مش كطبيب ( فالمرضى إيضا يتعلمون عن مرضهم لكن تظل الكلمة العليا الموثقة للطبيب الاقدر على التشخيص ووصف العلاج )
إن شاء اخواننا الاطباء يخشوا يفيدوك بالمعلومات الموثقة
وإن شاء يكون موضوع بسيط ويخف بسرعة
واوصيك ونفىسى بتقوى الله والتوبة و صدقة السر وكثرة الدعاء والاستغفار فوالله إن فيهم اسرار وعجائب خبرنا منها بانفسنا وسمعنا عنها من غيرنا الكثير
إسال الله العظيم رب العرش العظيم إن يشفيك ويذهب عنك البأس ويكون مرضك طهورا لك من كل ذنب
اللهم أمين