الموضوع: استفسار التامين على العربية بعد تصليحها من حادثة

المشاركة الأصلية كتبت بواسطة abdomustafa

السلام عليكم
دلوقتي انا عملت حادثة بالعربية شاريها مستعمل اودي a3 2011 وجبت قطع غيار استيراد وصلحتها برة التوكيل وعايز اامن عليها
دلوقتي ممكن التامين ف الفحص يتكلم على قطع الغيار الاستيراد ده ولا لأ والفحص بيبقى عامل ازاي ولازم تكون العربية تمام 100% قبل فحص التامين

سؤال تاني دلوقتي لو عملت حادثة لا قدر اللع بعد التامين حتى لو انا غلطان التامين هيشيل وعايز اعرف الاجرائات اللي بتم من حيث عمل محضر وال الاجرائات ده بعد الحادثة

معلش الاسئلة كتير وشكرا مقدم

وقت المعاينة كل المهم ان العربية تكون سليمة خارجيا ومش مهم اذا كانت قطع غيار جديدة او استيراد

- مندوب التأمين بيصور العربية من جميع الجهات لبيان حالة العربية وطبعا يفضل انها وقت التأمين تكون سليمة من الخارج علشان تلاكيك شركات التأمين بعد كدة

- لا قدر الله في حالة الحوادث بعد التأمين في طريقين
الاول انك تشوف ورشة بتتعامل مع شركات التأمين وتوديلها العربية وهي تخلص كل الاجراءات ودي اسهل طريقة بس عيبها انك مش ضامن قطع الغيار اللي ركبت اصلية ولا لأ
الطريق التاني ان تبلغ شركة التأمين بالحادث وبعدين يصوروا العربية ويدوك موافقة علي التصليح وانت تصلح العربية بمعرفتك وفي الاخر ترجع للشركة لاجراءات الصرف اللي ممكن تاخد حوالي شهر وممكن يخصموا من الفاتورة

شكرا ليك
طيب دلوقتي ايه الفرق بين التامين الاجباري اللي بنعملو ف المرور وده .....
هل ينفع اامن على لاعربية وهي الرخصة منتهية ولا لازم اجدد افضل