رينو فلوانس 2015 ام كيا سيراتو 2015 مع اعتبار ان الفئتين المقارن بينهم ب 165 الف

**kh_yn** · 20-01-2015 03:10 AM

حيره كبيره

مبدأيا انا هشترى زيرو

ايهم افضل من حيث

الثبات
الاعتماديه
سعر اعاده البيع
الصيانه ؟

فلوانس ام سيراتو ؟

مع الاعتبار ان الفلوانس فئه ال 165 دا عرض نازل عليها وبدون فتحه سقف

والسيراتو خليجى فئه فاتحه سقف و abs و ايرباج من معرض فى مصر الجديده

**scientist9508** · 20-01-2015 11:35 AM

ﻻ تحتاج إلى تفيكر . . . أو تردد . . . أو حيره . . . . الفلوينس تكتسح و بإستحقاق و جداره

**ENG.MaRk** · 20-01-2015 11:42 AM

حرام بجد تقارن السيراتو بالفلوانس !!!
الفلوانس أحسن في كل حاجة ماعدا السحب و إن كان مش فارق كتير عن السيراتو !!!
الفلوانس عفشة أنعم و ثبات أعلي و أوسع و عربية فخمة و بحر كماليات مش السيراتو اللي كاتبين فيها abs علي أساس إنه من الكماليات -_- !!!
يمكن السيراتو شكلها أحلي (مع العلم إني شايف إن الفلوانس أحلي) و ديه مسألة نسبية مش بتفرق !!!
الفلوانس أعلي و مش بتحك في مطبات !!!
السيراتو شكل التابلوه بتاعها أشيك و لكن الفلوانس أفخم كمواد !!!

**marwanragab** · 20-01-2015 11:50 AM

فلوانس طبعااااااااااا

**M.Radwan** · 20-01-2015 12:03 PM

انا اتفرجت على الفلوانس والسيراتو عشان كنا عايزين عربية لأخويا في نفس الفئة السعرية دي..عايز أقولك أول ما قعدنا في العربيتين قررنا فورا وبدون تردد: فلوانس E3s!

**abdulkhaleq** · 20-01-2015 02:10 PM

من امتى كانت فتحة السقف عامل مقارنه ياباشا ؟؟
فلوانس بدون تردد وبدون كلام كمان
كاعتماديه وكثبات...الخ
اسعار العربيات كللها مبالغ فيها عندنا بس بالتأكيد مش هدفع مبلغ زي ده في كوري معلش يعني

**kh_yn** · 20-01-2015 06:08 PM

المشاركة الأصلية كتبت بواسطة abdulkhaleq

من امتى كانت فتحة السقف عامل مقارنه ياباشا ؟؟
فلوانس بدون تردد وبدون كلام كمان
كاعتماديه وكثبات...الخ
اسعار العربيات كللها مبالغ فيها عندنا بس بالتأكيد مش هدفع مبلغ زي ده في كوري معلش يعني

يا شباب محدش اتكلم عن سعر اعاده البيع خاااااااااااااااالص ؟!!!!!!!!!!!!!!

**ahmedbasto** · 20-01-2015 06:29 PM

فلوانس طبعا

**Ammpage** · 20-01-2015 06:56 PM

فلوينس بدون تردد ، الفرنساوي بدأ من فترة في الانتشار .
من جانب اخر الفلوينس تقارن بالكورولا التركي علي الأقل .

**drcobra** · 20-01-2015 07:16 PM

فليوانس وانسى
كل حاجه فيها
توكيل -عاليه فى المطبات- تقفيل محترم-ثبات-اوبشنز اعلى - شكل خارجى وخامات- اعتماديه

من الاخر فليونس عملت اصعب معادله وهى الاعتماديه مع الفخامه والاوبشنز الكتير