بيجو 2008 - إستفسار عنها وعن التوكيل والمراكز

السلام عليكم
أنا إن شاء الله ناوي أشتري بيجو 2008 ... بس للأسف متردد جدا بسبب إني مش لاقي العربية في الشارع (عارف إنها لسة مكملتش سنة في مصر :) ) ... إنما الفكرة مش لاقي أي موضوعات وأي تقيمات لملاك العربية ... فلو حد هنا من ملاك العربية أتمنى إنه يجاوبني على الآتي عشان أنا حاسس إني شوية وحوقف الناس إللي سايقاها في الشارع أسألهم عنها :hug3: :

1- تقيمه للتوكيل ومراكز الخدمة في الفترة الحالية ... وأي فرع أو مركز يعتبر الأفضل ؟

2- تقيمه للعربية كآداء وعزل وتسارع وتقفيل واعتمادية

3- أسعار قطع الغيار المستهلكة كالتيل والفلاتر والفوانيس ... إلخ ... ومدى توافرها في التوكيل وخارجه ؟

4- أبرز المشاكل إللي قابلته في العربية ؟

5- أتمنى الرد من الملاك أو من يعلمون هذه السيارة جيدا ... عشان فيه مثلا ناس قالوا إنها ضيقة بس أنا ركبتها لقيتها واسعة ما شاء الله ...

وشكرا جزيلا مقدما

متابع

ارجو مرجعت موضوعاتي وهتلاقي كل حاجة عنها

أنا صراحة إستفدت من كلامك يا أخ nav man
بس فيه أسئلة كتير لسة محتاج إجابات عنها :)
أخبار قطع الغيار إيه .... أنا معايا عربية بروتون ساجا .... وعانيت في البداية في قطع غيارها وتوكيلها إللي زي الزفت فمش عايز أكرر التجربة
برضه فيه لانسر معانا في البيت ... التوكيل مش أد كدة بس مفيش أي مشكلة أبدا في قطع الغيار :)

وهل فيه جروب على الفيس بوك مثلا رابطة مالكي البيجو ... بيحث الواحد يستفسر منهم .... زي العربيات التانية ؟

قطع الغيار كويسة واسعارها مقبولة جدا وارخص من الياباني الجديد وان شاء الله اكتبلك قطع الغيار اللي اخدتها من التوكيل،،،،، اللي فاكروة فانوس امامي 1600 ورفرف امامي 900 تقريبا ، انا يوم وهكتبلك الاسعار.

صيانة ال 10 الف ب 675 في التوكيل يعني مافيش ارخص من كدا، كانت تغير زيت موبيل وفلتر وكشف كامل علي السيارة.

ربا يكرمك ياباشا ويجازيك خير :)

معلش برضه لو تقولي مراكز الصيانة أماكنها فين :)

لرفععععععععععع

أنا لسة ماجيبتش العربية ... لسة محتار جدا ... خايف بس من التوكيل عشان عز العرب عملي عقدة في حياتي فمش ناوي أكرره ... ومحتار بين الهاي لاين والأكتيف :)

هوا الناس إللي معاها الهاي لاين ... السينسور باركينج فيه كاميرا ؟ أصل المعرض بيقول إنه بيشتغل على الشاشة :)

وأنا كنت أخدت صورة من أسعار قطع الغيار بتاعها في التوكيل .. إن شاء الله حرفعها لما أروح ( مش فاكر الورقة فين ههههه )

مش كاميرا بس شكل العربية وبيبين المسافة انما مش كاميرا

ربنا يكرمك ياباشا ... تعبتك معايا :)

هيا العربية 3 سيلندر ولا 4 ؟

4سلندر.1600 سي سي.120 حصان

لو سمحت عايز اعرف نوع البنزين المستخدم في بيجو 2008 و حجم الأستهلاك في الطرق السريعة لسرعة فوق 140

هيا الهاي لاين مافيهاش إنذار ؟ وهل فيها إيمبولايزر ؟

مافيش انذار.وانا كنت ماشي علي الصحرواي سرعة بين ال 150 و 160 استهلاك تقريبي 22 او 25 لتروكانت الشاشة بتكتبلي استهلاك من 9،5 الي 15 لتر حسب الشد او لو الطريق طالع او نازل.هي استهلكها كويس اوي في البنزين.والحمد لله.عامل بيها 21400 ومافبش اي مشاكل الحمدلله.

ربنا يكرمك ياnav man
ممكن أعرف مراكز الخدمة بتاعة العربية فين ؟
وأخبار صياناتها إيه :)
وأنا بعتلك رسالة على الخاص :)

اولا صيانة ال 2500 كان تشك كامل علي العربية بدون اي مصاريف.بعدها ال 10 الف وكانت تغير زيت وفلتر زيت بس وتشك كامل علي العربية وكان ب 670 تقريبا.ال 20 الف وكانت زيت وفلتر وفلتر هواء وحاجة كمان مش فاكر وكانت ب 1200 تقريبا.اسعار كويسة جدا.بلمقارنة ببقي السيارات في نفس الفءة.معلش انا اعرف بس مركز الصيانة اللي في صلاح سالم في القاهرة.معلش انا من اسكندرية.