تقرير صيانة ال 130000 لعربيتي الفيرنا بمركز speed service
بداية أشكر المهندس هاني علي الحرفية العالية في الشغل والأمانة اللي مشفتهاش في أي مركز تاني
في الأول قبل الصيانة إشتريت قطع الغيار المطلوب تغييرها :
1- طقم دبرياج أصلي بـ 650 جنيه
2- عوامة بنزين أصلي بـ 145 جنيه
3- طقم تيل أمامي أصلي ب 175 جنيه
4- زيت شيل 5w-40 بالتكنولوجيا الجديدة pure plus بـ 325 جنيه ودي أول مرة أشتريه وبعد تجربته حاسس ان صوت الموتور عادي ومش حاسس بفرق يذكر في النعومة ممكن نقول تحسن طفيف
5- علبتين زيت فتيس موبيل 80w-90
6- فلتر بنزين وفلتر هواء
رحت المركز يوم السبت اللي فات الساعة 12 الظهر والفنيين عن المهندس هاني ابتدوا يشتغلوا فيها حوالي 12:30 وتم تركيب كل قطع الغيار اللي أنا كاتبها مع رجلاش الفرامل الخلفية وغسيل الموتور و خلصوا العربية الساعة 3 طبعا وقت قياسي جدا لأن تغيير طقم الدبرياج ده لوحده بياخد وقت جامد والمهندس هاني مشكورا بعتني لصنايعي شكمانات غيرلي العلبة الخلفية بعلبة تانية الومونيزد وظبطلي العربية وصوتها بأه أهدي كتير عن الأول وفي نهاية اليوم حاسبت المهندس هاني وكانت مصنعية الصيانة 200 جنيه فقط علي كل الشغل اللي اتعمل ده
شكرا للمهندس هاني مرة تانية وربنا يكرمه ويوسع عليه كمان وكمان