تقرير : صيانة الـ1000 رينو لوجان 2 + تغيير مساعد في الضمان ( فرع العبور )

بسم الله الرحمن الرحيم
السلام عليكم و رحمة الله و بركاته

تقرير عن صيانة الـ1000 فرع العبور رينو لوجان 2 + تغيير مساعد في الضمان

بداية حجزت لصيانة الـ1000 الاسبوع اللي فات و مكنش فيه يوم غير التلات و كان ده كارثة بالنسبة ليا عشان الشغ
المهم توجهت للتوكيل الصبح عقبال ما وصل للتوكيل كانت الساعة 11:30 تقريبا دخلت سجلوا العربية و الاستقبال كان كويس جدااا من اول تسجيل العربية و الانتظار للتسجيل امر الشغل و كنت رايح بعدة مشاكل ظهرت معايا من ساعة ما استلمت العربية و هي كالآتي :
- تنفيس من الشكمان
- طقطقة في المطبات من الشمال و كأن مفيش عفشة اصلا قدام
- خبطة في الشنطة ورا مع المطبات
- زنة مسموعة في التابلوه في الجزء اليمين

المهم طلع معايا م \ فؤاد و وجد فعلا كل المشاكل ديه ماعدا الطقطقة مظهرتش اوي غير لما اخدنا اول مطب لكن قالي هنبص عليها برده للتأكيد
المهم رجعنا و أكد ع الحاجات اللي في العربية و علم عليها في امر الشغل و هيتم حل كل المشاكل ديه بالاضافة لصيانة الـ1000 و هي تغيير زيت و فلتر زيت و تربيط عفشة و كشف سوائل و هكذا و ابلغوني هخلص الساعة 2:30 و ديه كانت كارثة و يا ريتها كانت الكارثة الوحيدة و انتظرت في الاستراحة و شوفت الفني بيجرب العربية
و الوقت بيعدي قولت ادخل اسال ع اسعار قطع الغيار و لقيت الاسعار معقولة للعربية بالنسبة لتوكيل المهم لقيت العربية طلعوا 2 فنيين يجربوها تاني بدأت اقلق قولت جايز بيأكدوا و الساعة جت 2:30 و لسه العربية مخلصتش و لقيت المرة ديه م \ بهجت طالع بيجرب العربية بنفسه مع الفنيين كده قلقت بقي قولت شكل فيه مصيبة روحت اسأل ابلغوني بحل كل المشاكل ماعدا الطقة و السبب المساعد الشمال قدام فيه عيب صناعة و هيتغير حالا في الضمان و مضيت ورقة الضمان و قالي في اقل من ساعة و كان الفني بالفعل بدأ يحل المساعد القديم اول ما اكتشفوا الموضوع و بعد حوالي ساعة كانوا طالعين يجربوا العربية و ابلغوني استلم
بداية فحصت العربية و راجعت ع السوائل طبعا انا مشوفتش المساعد الجديد و هو بيركب بس بصيت ع الحالي لقيت الفرق بين المساعدين واحد جديد و واحد قديم و طلعوا جربوا معايا مرة
تقريري عن العربية اختفاء المشاكل اللي واجهتها ماعدا التنفيس من الشكمان و ابلغوني انها هتتحل بعد 20,000 ك لتكون الكربون في العلبة و هيختفي الصوت ده بالرغم اني مش مقتنع لكن هفضل وراه لحد ما اشوف حله
صوت الموتور هدي عن الأول بس برده مش حاسس بانه الاداء اللي هو و بالتالي هستني بعد 3000 ك حسب ما الدليل بيقول ان افضل اداء للعربية بعد 3000 ك

و اخيرا سعيد بالتعامل مع التوكيل ده كأول تعامل ليا معاه من خلال رينو لوجان و انهم فضلوا يجربوا و مرضيوش العربية تمشي الا لما المشاكل تتحل و بالشكل اللي انا شوفته ده اديله من وجهة نظري 9\10 و الدرجة الناقصة ديه لشوية حاجات بسيطة محتاجة تتظبط زي عامل الوقت و اللي يعتبر سبب لي مشكلة في الشغل شوية و حاجات جانبية

و انتظروا تقارير اخري عن العربية

بالتوفيق للجميع ان شاء الله

اقتباس:

---

المشاركة الأصلية كتبت بواسطة amr axel

بسم الله الرحمن الرحيم
السلام عليكم و رحمة الله و بركاته

تقرير عن صيانة الـ1000 فرع العبور رينو لوجان 2 + تغيير مساعد في الضمان

بداية حجزت لصيانة الـ1000 الاسبوع اللي فات و مكنش فيه يوم غير التلات و كان ده كارثة بالنسبة ليا عشان الشغ
المهم توجهت للتوكيل الصبح عقبال ما وصل للتوكيل كانت الساعة 11:30 تقريبا دخلت سجلوا العربية و الاستقبال كان كويس جدااا من اول تسجيل العربية و الانتظار للتسجيل امر الشغل و كنت رايح بعدة مشاكل ظهرت معايا من ساعة ما استلمت العربية و هي كالآتي :
- تنفيس من الشكمان
- طقطقة في المطبات من الشمال و كأن مفيش عفشة اصلا قدام
- خبطة في الشنطة ورا مع المطبات
- زنة مسموعة في التابلوه في الجزء اليمين

المهم طلع معايا م \ فؤاد و وجد فعلا كل المشاكل ديه ماعدا الطقطقة مظهرتش اوي غير لما اخدنا اول مطب لكن قالي هنبص عليها برده للتأكيد
المهم رجعنا و أكد ع الحاجات اللي في العربية و علم عليها في امر الشغل و هيتم حل كل المشاكل ديه بالاضافة لصيانة الـ1000 و هي تغيير زيت و فلتر زيت و تربيط عفشة و كشف سوائل و هكذا و ابلغوني هخلص الساعة 2:30 و ديه كانت كارثة و يا ريتها كانت الكارثة الوحيدة و انتظرت في الاستراحة و شوفت الفني بيجرب العربية
و الوقت بيعدي قولت ادخل اسال ع اسعار قطع الغيار و لقيت الاسعار معقولة للعربية بالنسبة لتوكيل المهم لقيت العربية طلعوا 2 فنيين يجربوها تاني بدأت اقلق قولت جايز بيأكدوا و الساعة جت 2:30 و لسه العربية مخلصتش و لقيت المرة ديه م \ بهجت طالع بيجرب العربية بنفسه مع الفنيين كده قلقت بقي قولت شكل فيه مصيبة روحت اسأل ابلغوني بحل كل المشاكل ماعدا الطقة و السبب المساعد الشمال قدام فيه عيب صناعة و هيتغير حالا في الضمان و مضيت ورقة الضمان و قالي في اقل من ساعة و كان الفني بالفعل بدأ يحل المساعد القديم اول ما اكتشفوا الموضوع و بعد حوالي ساعة كانوا طالعين يجربوا العربية و ابلغوني استلم
بداية فحصت العربية و راجعت ع السوائل طبعا انا مشوفتش المساعد الجديد و هو بيركب بس بصيت ع الحالي لقيت الفرق بين المساعدين واحد جديد و واحد قديم و طلعوا جربوا معايا مرة
تقريري عن العربية اختفاء المشاكل اللي واجهتها ماعدا التنفيس من الشكمان و ابلغوني انها هتتحل بعد 20,000 ك لتكون الكربون في العلبة و هيختفي الصوت ده بالرغم اني مش مقتنع لكن هفضل وراه لحد ما اشوف حله
صوت الموتور هدي عن الأول بس برده مش حاسس بانه الاداء اللي هو و بالتالي هستني بعد 3000 ك حسب ما الدليل بيقول ان افضل اداء للعربية بعد 3000 ك

و اخيرا سعيد بالتعامل مع التوكيل ده كأول تعامل ليا معاه من خلال رينو لوجان و انهم فضلوا يجربوا و مرضيوش العربية تمشي الا لما المشاكل تتحل و بالشكل اللي انا شوفته ده اديله من وجهة نظري 9\10 و الدرجة الناقصة ديه لشوية حاجات بسيطة محتاجة تتظبط زي عامل الوقت و اللي يعتبر سبب لي مشكلة في الشغل شوية و حاجات جانبية

و انتظروا تقارير اخري عن العربية

بالتوفيق للجميع ان شاء الله

---

كنت مستنى تقريرك ... ولية كام سؤال
كنت قلت قبل كدة ان العربية ثباتها من الخلف هو اللي سئ فعلا و محتاجة تعديل بسيط يعنى اية؟
لو رجعت بيك الايام تشتريها تانى ولا لسة ما كونتش رأى كامل ؟
عرفنى اقصى سرعة وصلتلها و كان فى ثبات ...
وشكرا

أنت روحت العبور فضل فرع صيانة فى رينو حاول ما تغيرش و ألا حتندم أنك أشتريت العربية أصلا صيانة ريتو فى التوكيل = فرع العبور و بالتوفيق أن شاء الله

العبور فعلا احسن فرع للصيانة في توكيل رينو ومشكلته في الوقت بسبب انه عليه ضغط وزحمة
مبارك عليك يا باشا وعقبال صيانة 1000000 كيلو
وشكرا على التقرير الوافي

اقتباس:

---

المشاركة الأصلية كتبت بواسطة ahmed_kh81

كنت مستنى تقريرك ... ولية كام سؤال
كنت قلت قبل كدة ان العربية ثباتها من الخلف هو اللي سئ فعلا و محتاجة تعديل بسيط يعنى اية؟
لو رجعت بيك الايام تشتريها تانى ولا لسة ما كونتش رأى كامل ؟
عرفنى اقصى سرعة وصلتلها و كان فى ثبات ...
وشكرا

---

بداية كلامي لا يعني سئ بالنسبة لشخص عادي بالعكس هو كويس و بالذات لجوة المدينة لكن سئ بالنسبة ليا كشخص من هواياته السواقة اساسا و متعود ع سيفيك و بيحب يقضيها مناورات طول مهو ماشي :)

اقصي سرعة 100 عشان التليين طبعا و الحمد لله فاديت بيها عربية وقفت فجأة ع الطريق الدائري و عدلت تاني و الحمد لله العربية ما شاء الله كانت ماسكة نفسها

لو رجعت بيا الايام و بفكر في الفئة من 90-120 كنت برده هشتريها و مش هدور ع غيرها و فكرت لو حبيت اعلي شوية الفئة هيبقي اما فلوينس او بي ام

و انتظروا تقارير تانية

اقتباس:

---

المشاركة الأصلية كتبت بواسطة adel_edrees

أنت روحت العبور فضل فرع صيانة فى رينو حاول ما تغيرش و ألا حتندم أنك أشتريت العربية أصلا صيانة ريتو فى التوكيل = فرع العبور و بالتوفيق أن شاء الله

---

اقتباس:

---

المشاركة الأصلية كتبت بواسطة mkaram84

العبور فعلا احسن فرع للصيانة في توكيل رينو ومشكلته في الوقت بسبب انه عليه ضغط وزحمة
مبارك عليك يا باشا وعقبال صيانة 1000000 كيلو
وشكرا على التقرير الوافي

---

فعلا التوكيل خلاني افكر لو حبيت اعلي يبقي رينو برده بس المهم يستمر ع كده و ميسوئش
و لسه مكلمني من شوية في التوكيل يسالوني ع حل المشاكل و رأيي

اقتباس:

---

المشاركة الأصلية كتبت بواسطة amr axel

فعلا التوكيل خلاني افكر لو حبيت اعلي يبقي رينو برده بس المهم يستمر ع كده و ميسوئش
و لسه مكلمني من شوية في التوكيل يسالوني ع حل المشاكل و رأيي

---

لأ هم كده بقالهم ثلاث سنين بس عندهم عيب و ميزة فى نفس الوقت أنه بيفلى العربية علشان يتلكك يخرجك بره الضمان أو علشان يغير حاجة ممكن تقعد شوية لكن من ناحية العميل أنت بتبقى خارج من عندهم و أنت مطمن أن مافيش الهوا فى عربيتك

اقتباس:

---

المشاركة الأصلية كتبت بواسطة amr axel

فعلا التوكيل خلاني افكر لو حبيت اعلي يبقي رينو برده بس المهم يستمر ع كده و ميسوئش
و لسه مكلمني من شوية في التوكيل يسالوني ع حل المشاكل و رأيي

---

لأ هم كده بقالهم ثلاث سنين بس عندهم عيب و ميزة فى نفس الوقت أنه بيفلى العربية علشان يتلكك يخرجك بره الضمان أو علشان يغير حاجة ممكن تقعد شوية لكن من ناحية العميل أنت بتبقى خارج من عندهم و أنت مطمن أن مافيش الهوا فى عربيتك

اقتباس:

---

المشاركة الأصلية كتبت بواسطة amry axel

بداية كلامي لا يعني سئ بالنسبة لشخص عادي بالعكس هو كويس و بالذات لجوة المدينة لكن سئ بالنسبة ليا كشخص من هواياته السواقة اساسا و متعود ع سيفيك و بيحب يقضيها مناورات طول مهو ماشي :)

اقصي سرعة 100 عشان التليين طبعا و الحمد لله فاديت بيها عربية وقفت فجأة ع الطريق الدائري و عدلت تاني و الحمد لله العربية ما شاء الله كانت ماسكة نفسها

لو رجعت بيا الايام و بفكر في الفئة من 90-120 كنت برده هشتريها و مش هدور ع غيرها و فكرت لو حبيت اعلي شوية الفئة هيبقي اما فلوينس او بي ام

و انتظروا تقارير تانية

---

اولا شكرا انك رديت بس ما وضحتليش معني الجملة اللي قولتها ..
طيب لو انا بسافر بيها يعني مش جوة البلد. ...اية?
اهم حاجة اول ما تعلي السرعة تقول الاخبار اية انا تقريبا بسأل كل واحد معاه نيو لوجان السؤال دة و ابقي عاوز اجابة مباشرة. .شكرا لردك و صبرك

كما تعودنا منك يا عموووووره
تقاريرك الجامده بس المره دى من غير صور
ربنا يباركلك فيها ويكفيك شرها