-
طلب من الساده الاعضاء
السلام عليكم و رحمه الله و بركاته
اقترح على الساده مشرفى المنتدى وضع جدول خاص بعمل صيانه العربيه بمعنى ان الواحد يعرف كل كام كيلو يقدر يغير الزيت سواء فرامل او موتور وخلافه
البطاريه و الباور و الفتيس و سير الكاتينه و الديانمو و خلافه من الحاجات الى بتستهلك مع الجرى و بكده كل واحد و خاصه المبتدئين يعرف امتى يعمل صيانه عربيته من غير ميفاجىء بعطل فيها و الوقايه خير من العطله :k1:
-
شوف يا باشا.. زيت الموتور ده حالة خاصة عشان حسب نوع الزيت و المسافة اللي بتمشيها بيه و في فترة قد ايه.. بتحدد هتغيره امتي..
لكن الزيوت التانية زي الفرامل و الفتيس.. فدول غالبا مش بيتغيروا غير علي فترات متباعده جدا..
و بيتهيألي ده مش بيحصل في مصر.. يعني محدش بيغيرهم.. احنا بنزودهم و نتمم عليهم لو ناقصين..
الباور زيهم.. نفس الكلام.. بس اكيد ف الكتالوجات بيبقي مكتوب الزيوت دي تتغير امتي طبعا..
بس انا عن نفسي ماعرفش..
اما باقي الحاجات الدورية..
التيل و فلتر الهوا و فلتر البنزين و فلتر الزيت.. كل دول يفضل علي 20 الف كم.. و طبعا التيل ممكن يقعد اكتر حسب مود سواقتك و دوستك للفرامل..
سير الكاتينة و طلمبة المية ف الاوبل لو الكاتينة مش حديد بيتغيروا سوا.. في الكورسات بيتغيروا علي 40-50 الف.. مش عارف الفيكترا كل قد ايه.. بس اكيد الناس اللي معاهم عارفين..
سير الدينامو.. عادة مش بيتغير غير لو عمل صوت او نسل كده و بان عليه انه هيتقطع.. لكن بما انه مش غالي.. ممكن تشتري دماغك.. و تغيره مع الكاتينة.. يعني هو تمنه مش هيزيد عن 20 جنيه..
بس ده اللي اعرفه و فاكره دلوقتي..
و اكيد الاخوة الافاضل الخبرة هيفيدوك باللي عندهم .. بس لما حد يقرا الموضوع و يكون رايق و فاضي يرد..
-
شكرا يا احمد باشا على ردك وربنا ميحرمنا من زوقك ابدا
وفى انتظار دخول باقى الاعضاء
-
"قيل لى " ان سير الكاتينة بيتغير من موديل للتاني.
"ما ذكر لى" ان شاهين 96 (سيارتي)تحتاج تغيير سير كاتينة كل 20000
الموديلات الأعلى 30000
السير عندي اصلا مختلف (اطول)
-
الفكترا بيتغير لها حاجه الصيانه كل 60الف كيلو مثل الكاتينه وتشمل السير والبليه وجميع ما حولها والفلاتر كذالك والبوجيهات
Content Relevant URLs by
vBSEO 3.6.0 PL2