موقف حصل قدامي وعايز اعرف ايه سببه

من حوالي اسبوع تقريبا كنت في مشوار وكان ماشي علي الطريق عربية سكودا اوكتافيا a5 بس صاحبها كان بيجري بغباوة اوي هي كان واضح انها لسه جديدة وصاحبها فرحان بيها المهم بعد شوية لقيت ميكروباص تويوتا كان ماشي وراه شاورله بايديه وصاحبنا بتاع الاوكتافيا ده ركن علي جنب وبعدين ببص اشوفه وقف ليه لقيت فردة الكاوتش اللي ورا علي الشمال مطلعة دخنة شديدة جدا فانا عايز اعرف ايه السبب اللي يخلي الكاوتش يدخن بالصورة دي ؟؟؟؟ وياتري لما يحصل الموضوع ده ايه اللي ممكن يتعمل علشان نوقف الدخان ؟؟؟؟؟؟
ياريت اعرف ايه السبب في الموضوع ده علشان لا قدر الله والواحد اتحط في موقف زي ده يعرف يتصرف

تيل الفرامل افيش نتيجة السرعة العالية ولو حصل كدا معاك اترك الكاوتش لم يبرد وامشى واحدة واحدة الى لم تصل الى اقرب ميكانيكى

دة ممكن تكون الفرامل بسبب كثرة الفرملة القوية و دة طبعا خلى الفرامل تسخن جدا تطلع دخان


و دة بيحصل فى اى عربية فى العالم حتى عربيات السباق

و حتى دائما الفرامل السبور بتبقى مخرمة علشان التهوية تبقى احسن و كمان الجنوط الكبيرة بتساعد على تهوية الفرامل بصورة افضل و فية جنوط بتبقى مصممة انها تدى هواء فى اتجاة الفرامل ( شفتها فى عربية لامبورجينى على برنامج توب جير )

فا دة عادى جدا و لما يحصل كدة لازم تسيبها تبرد عادى و اوعى تحاول ترش عليها مياة او حاجة

يا جماعة هو ممكن يكون كان ناسى فرامل اليد شغالة وبالتالى حصل احتكاك شديد
ولو حظه نحس يكون الزيت بيسرب وده اقرب حاجة ممكن تكون حصلت بس هى الفكرة انها عربية جديدة دى a5

عادى جدآ انا مرة كنت ماشى على 130 و فرملت لحد 20 وقفت فى ثانيه و لاحظت العجل بيطلع دخان مكان التيل

اقتباس:

---

المشاركة الأصلية كتبت بواسطة linkin2008

يا جماعة هو ممكن يكون كان ناسى فرامل اليد شغالة وبالتالى حصل احتكاك شديد
ولو حظه نحس يكون الزيت بيسرب وده اقرب حاجة ممكن تكون حصلت بس هى الفكرة انها عربية جديدة دى a5

---

انا رايي من رايك ممكن يكون ناسي الهاند بريك

مش لازم يكون ناسيها لو بيجرى جامد و بيهدى و يجرى طبيعى بحصل كده و بعدين الأوكتافيا فرامل اليد بتاعتها جامده فالعربية مش هتتحرك من مكانها لو مشدودة

شكرا يا جماعة علي الاهتمام

ههههه فكرتنى بموقف مش هنساه

يوم ما كنت لسه جايب العربيه ( قريب ) كنت ماشى والهاندمرفوع برده ( غشوميه ما بعدها ) وبرده واحد شاورلى و شفت دخان وقلق طبعا كنت قلقان موت العربيه لسه جديده يا جدعان و بشوكها و بتولع ههههههه بس قالى كله عشان الهاند المنسيه دى و التيل قفش ومع السرعه حصل اللى حصل

هو اكيد ده السبب ياباشا فعلا

هههههههه دايما الحاجت دي بتحصل لما يكون الواحد لسه اول مرة يركب عربيات انا كان حصل معايا برده الموضوع ده كنت لسه اول مرة في حياتي اسوق عربيتي الفيرنا وكان المفروض اني حادخلها المحطة علشان تتغسل اول غسلة في حياتها وكانت الهاند مرفوعة الاقي العربية مش راضية تتحرك والراجل بتاع المحطة واقف مستنيني اتحرك لكن لا حياة لمن تنادي اهم حاجة الواحد مايكررش الحاجات دي تاني والا العربية حاتتدمر بالطريقة دي
بس عموما انا ماعتقدش انه ناسي الهاند والا كانت العربية ماتحركتش نهائي من مكانها لان العربية كان واضح جدا انها لسه جديدة وكانت معلقة النمر الجديدة