ان شاء الله معرض اوتوماك للسيارات سوف يبدأ 2015/3/12 في ارض المعارض بمدينه نصر
واتمني ان يكون المعرض احسن واشمل وفيه ماركات اكثر عن السنه الماضيه .
عرض للطباعة
ان شاء الله معرض اوتوماك للسيارات سوف يبدأ 2015/3/12 في ارض المعارض بمدينه نصر
واتمني ان يكون المعرض احسن واشمل وفيه ماركات اكثر عن السنه الماضيه .
ان شاء الله
بس المهم ان المعرض يكن فعلا فيه خصومات جيدة بعد الزيادات المتكررة فى اسعار السيارات وكمان ارتفاع سعر الدولار
ناخد فكرة و نشترى بكرة
السعر ده لا بأيدي ولا بأيدك ... سعر الدولار هو اللي بيحدد
ومتتوقعش خصومات كتير نظرا لانهيار الجنيه المصري الاصيل
كل النظريه ان المعرض السنه اللي فاتت حسيت لما روحت انه تعبان
عن كل سنه .. ومش كل الماركات كانت مشاركه
قبل الثوره كان المعرض ده مقسوم لاثنين .. فورميولا ... و اوتوماك
ونظرا لظروف الثوره ضموا الاثنين علي بعض ...
السلام عليكم ورحمة الله
انا كنت بفكر اشترى فانتازيا من 2010 ل 2012 تكون استعمال محترم بس كتير قاللولى خليك فى التويوتا علشان حتى مصاريف قطع الغيار والصيانة ارخص ... تنصحونى باية بأمانة
بكل امانه .. انا كان معايا فانتازيا 2012 اول فئه وعرضتها هنا علي المنتدي للبيع والحمد لله بعتها
وكنت في حيره الي ان وقعت علي فانتازيا ثاني فئه 2012 برده كانت ماشيه 40000كم وصياناتها كلها في ارتوك اوتو بالفواتير وكمالياتها تزيد عن اول فئه الزينون والحساسات الخلفيه والجنوط الاصلي والحمد لله سواء العربيه الاولي او الثانيه الحمد لله عربيه ممتازه اعطالها تكاد تكون معدومه لو بتعمل الصيانات في التوكيل في ميعادها
بس جربها الاول علشان هي عايزه سواقه هاديه الي حد ما . لو فرك والحاجات دي يبقي بلاش منها
علشان متتضايقش منها وتهينها . كل اللي سوقته قبل كدا كان كوري فكونت مستغرب سواقتها في اول ما ركبتها بس بعد كدا اتعودت عليها . الكوري خفيف وبتاع جري بس بعد ال120كم مش ثابته . لكن دي تقيله شويه نظرا لوزنها 1350ك بس ظلطه علي الارض وعفشه مالتي لينك ثبات اكثر من رائع وبرده بتجري جامد علي ال sport mode وموفره جدا في البنزين .بتعمل في الصفيحه داخل المدينه حوالي 200 الي 210 ك حسب سواقتك . الالنترا كانت بتعمل معايا في الصفيحه 160 الي 170ك فقط . وفي المطبات انسي الموضوع ده خالص عاليه جدا عن الارض .
واسعار الصيانات عاديه عدا صيانه ال60000كم .تقريبا صيانه كل 10000كم من 1300 الي 1600جم .
ومره زمان جربت معاها بنزين 95 ايام ما كان ب 2.75جم حاجه تانيه خااالص
بس لما تجيب هات الفتيس العادي مش موديل 2013 ال dsg واتأكد من صياناتها كلها بالفواتير ..
والله الموفق
سلام عليكم . هو من حسن حظي اني شاريها من واحد قريب في العائله ومن ساعه ما كان بيفكر يشتريها وانا كنت معاه وسواقته هاديه وركبت فيها معاه كذا مره وانا معاه علي طول . فلم اضطر الي الكشف عليها . بس مره سألت في ارتوك التجمع علي سعر الكشف الكامل علي السياره لقيت السعر 350جم
تقريبا علي ما اذكر . اما بالنسبه للسعر الفئه الثانيه علي كونتاكت تقريبا من 160 الي 175 الف
والهاي لاين من 175 الي 190 الف تقريبا حسب الحاله و ماشيه كام كيلو . اهم حاجه الصيانات في التوكيل الاصلي او توكيل معتمد بالفواتير وبص في الكيلو متر اللي مكتوب في كل فاتوره . والكلام ده طبعا بعد الكشف عليها بالكامل في التوكيل .... والله الموفق
الله ينور