الكاسيت عندي بتاع العربية بيطلع power=4*25
عايز اركب سماعات خلفية من غير gm
تنصحوني بي سماعات ايه لان انا معيش فلوس اغير الكاسيت ولا اركب gm
عرض للطباعة
الكاسيت عندي بتاع العربية بيطلع power=4*25
عايز اركب سماعات خلفية من غير gm
تنصحوني بي سماعات ايه لان انا معيش فلوس اغير الكاسيت ولا اركب gm
متااااااااااااااااااااااا بع
مبدئيا الكاسيت ضعيف ولو كاسيت العربيه والله واعلم نوع العربيه ايه الموديلات الحديثه ولا تحت 2000 هيبقي الكاسيت مفيهوش اوبشن انك تسمع صوت كويس منه وعموما افضل سماعات للخرج بتاع الكاسيت ده جيب السماعات البايونير 400 وات لو مش هتغير في المستقبل ولا هتجيب جي ام والسماعات ال 400 بتطلع خرج 60 rms وعندك ال 500 كويسين بردو وخرجهم 80 للموديل القديم و90 للجديد بس انا شايف ان ال400 كويسين عشان فرق الفلوس وخصوصا انت كاتب الميزانيه انها متسمحش وبالنسبه للاسعار ال500 كان اخر سعر ليها 320 جنيه وال400 ب 260 او اقل حاجه بسيطه
بص يا باشا لو عاوز نصيحه انت ممكن تجيب ال 500 وات بايونير دي كويسه وانا شايف السعر الفرق مش كتير لان ال 400 زي مقولت 260 او اغلي 20 جنيه خليك في ال 500 واتوكل علي الله كويسين فعلا وصوتهم حلو بس للعلم عمرك معتطلع الصوت زي الكاسيت البايونير اللي فيه اوبشن ده حاجه والكاسيت اللي بيجي مع العربيه حاجه تانيه بس هو هيمشيك وانا شايف ان لو ناوي تغير حاجه بسيطه وعاوز تسمع صوت نقي من غير تكلفه عاليه هات السماعتين ال500 ومشي حالك لحد متجيب كاسيت بايونير بدء من 500 جنيه وهيبقي صوت يتسمع في المعقول وبيز هادي جو العربيه ورايق وللعلم انا اول مفكرت اركب عده صوت عملت زي مقولتلك بس الواحد لما ودنه ببتعود علي النغمه بيحب يغيرها للاعلي وهكذا :) المكان لو انت من مصر ارخص محلين هتلاقيهم في التوفيقيه الارخص و ارخصهم وده وده محل موثوق فيه شوف انت ناوي عي ايه وقولي دماغك وانا معاك ويارب اقدر افيدك
خلاص انا هعمل زي ما حضرتك نصحتني...بس يا ريت اعرف المحلات الموثوق فيها و لو تعرف البايونير صنع ايه علشان متخمش بس .... و شكراااا جدا لرد حضرتك
المحلات اللي موجوده في التوفيقيه محلين اللي بتعامل معاهم ارخصهم و الارخص دول في شارع في اول التوفيقيه وعندك محل فانتازيا في جسر السويس وعندك كلاريون في اول دور ف مول التوفيقيه بس مش عارف بيبيع بايونير ولا بس عموما لو التوفيقيه قريبه منك روح عند ارخصهم وجبهم هناك عاملين 320 الموديل الجديد والصناعه فيتنامي مش هتلاقي طبعا القديم اللي كان تايلاندي ده من زمان اوي مش معني كده ان الفيتنامي وحش لا طبعا وانا ال 4 سماعات عندي فيتنامي شوف بقا هتعمل ايه وقولي :)
بص يا يا باشا
هاتل سماعتين كينود 400 وات او 500 وات القديم الاندونيسى او الشكل الجديد افضل من البايونير بكتيييييييير
لان السماعات البايونير الفيتنامى الشكل القديم مش بتنزل دلوقتى خالص ولو لاقيتهم هتلاقيهم ب 550 جنيه تقريبا اما الفيتانامى الشكل الجديد مش كويسين خالص دور على الشكل القديم الفيتنامى اما التايلاندى مستحيل تلاقيه اساسا او الافضل ليك من ناحية الصوت والخامات والاداء طبعا الكينود حاول تلف لفه فى التوفيقيه عند محل اسمه البركه او هتنزل توكيل كينود فى المهندسين وهات سماعتين كينود 400 او 500 اندونيسى وبعد كده متفكرش فى اى شئ تانى هيبقه عندك احلى نقاء صوت واحلى اداء ولو حبيت بعد كده تجيب جى ام صغير تشغلهم عليه هتلاقى الصوت بقه اعلى وافضل بكتييييييييير
هو اكيد استاذ بودي بيتكلم صح وخبرته اكتر مني كمان لاني مسمعتش البايونير الجديد انا معايا الموديل القديم وفعلا في محلات موجود عندها لسه من فتره سالت عليهم عاملين 500 جنيه بس الموديل القديم انا شايف انه شبه صوت الكينود لان انا مركب كمان سماعتين 600 كينود دبل وشايف ان البايونير والكينود لما قفلت البيز مفيش فرق او يمكن فرق بس مش باين اوي يعني لكن البيز طبعا اعلي من الباييونير وانقي وعموما كده اتفق معاه في الكينود في السماعات العاديه الاندنوسي والمشكله بردو ان التوكيل نفسه لما سالت علي الاندنوسي قال مش موجود كان زمان ف مش عارف هتلاقيهم فين