فين و بكام و مده الكورس قد ايه ؟
عرض للطباعة
فين و بكام و مده الكورس قد ايه ؟
الاختيارات كتير بس اللي أعرفه وجربته شخصيا وهو أفضلهم (على خلاف) المعهد البريطاني British Council وده الليفل الواحد بحوالي 1500 جنيه غير الكتب حوالي 250 جنيه لكل مستوى 4 ليفل
عندك 7 مستويات × 4 ليفل = 28 ليفل
الليفل الواحد 7 أسابيع ( 14 درس مرتين أسبوعيا كل درس ساعتين ونص )
طبعا لو انت مش صفر في الإنجليزي هتفوت كذا ليفل وهتعمل اختبار تحديد مستوى وتدخل على الليفل المناسب ليك مباشرة وده اللي هيحدد هتقعد وقت أد إيه على ما تخلص المراحل كلها وتدخل امتحان الأيلتس وتاخد الشهادة الدولية المعتمدة
عندك برده الجامعة الأمريكية وأميدإيست وبيرليتز دول كلهم أشهر مراكز في الموضوع ده ومنصحكش تاخد في مكان تاني غيرهم لو عايز تتعلم صح وتاخد شهادة معتمدة
هنا كل التفاصيل عن المعهد البريطاني
British Council | مصر
وهنا الجامعة الأمريكية
General English Courses
أميدإيست
AMIDEAST
بيرلتز
http://berlitz-egypt.com/
يااااااه ده الموضوع طلع كبير و هياخد فلوس و وقت كتير
انا كنت بتكلم انجلش كويس مع السياح السنين اللي فاتت و بقرأ و بكتب كويس برضه
ليا بعض الاصدقاء علي الفيس اجانب و بندردش مع بعض علي طول
حاليا بعض الافلام بتفرج عليها من غير ترجمه او بترجمه انجلش
كده انا ممكن ابقي في مستوي كام ؟ و هل ممكن اخش علي الامتحانات علي طول بدون شرح اختصارا للوقت و المجهود ؟
كده ممكن توفر 12 ليفل مثلا هيتبقالك في حدود 16 وتبدأ من أول Intermediate أو توفر 16 ليفل وتبدأ من أول Upper-Intermediate وتاخد 12 ليفل بس
طبعا كله ال Placement Test هو اللي هيحدد بالضبط
طبعا ممكن تقدم على الامتحان علطول بس ده هيكلفك 1090 جنيه فلو مستغني عن المبلغ ده في مقابل إنك تقيم نفسك وتشوف هتجيب سكور كام فيبقى كويس طبعا
ما تنزل امتحانات ايلتس وذاكرهم وبعدين قدم على الامتحان
هتلاقي حاجات كتير عن الايلتس والتويفل في ملتقى الدارين قسم تعلم اللغات
ملحوظة : صلاحية الايلتس 2 سنتين وبعدين تتجدد
متابع
معلش استاذ ابو اسر
يعني لو انا في level 15 مثلا
لازم اعدي علي باقي الليفلات و ادفع ال 1500 جنيه في كل level فيهم ؟؟؟
لو دخلت الامتحان و نجحت اخد الشهاده علي طول ؟
صديقي بروف ياريت تبعتلي لينكات للامتحانات دي علي الخاص لو تقدر
شكرا يا رجاله :))))
أيوة يا باشا
لو دخلت الامتحان ونجحت تاخد الشهادة بس أنا بصراحة معنديش خلفية عن الامتحان ده هل بيبقى في رسوب ولا مجرد سكور بتاخده أيا كان السكور ده بس طبعا عشان تهاجر دول معينة اللي بتشترط شهادة التوفل أو الأيلتس لازم تجيب سكور معين مش مجرد تاخد الشهادة وخلاص
لو جبت سكور قليل أو لا قدر الله رسبت إن كان فيه رسوب يبقى بتعمل اختبار تحديد مستوى زي ما قلتلك وده ب90 جنيه وبيتحدد بناء عليه مستواك وبالتالي بتدخل الكورس ومش شرط تكمله لآخره انت لما تلاقي نفسك مؤهل لاجتياز الأيلتس وتحقيق السكور المطلوب بتدخل عادي حتى لو مكملتش كل الليفلز
وع الخاص ليه
خليها ع العام لكي يستفيد الجميع
IELTS.Exam
IELTS Preparation Course
TOEFL
لغة إنجليزية مبتدئين
لغة إنجليزية - مستوي متوسط
اللغة الإنجليزية عام
English Conversation
English Mix Elementary