أشتغل ف مجال إي يفيدني بعد كدة وأقدر أرتفع وظيفيا بيه أو افتح مشروع !؟؟

**Mahmoud Naguib** · 22-01-2015 05:56 AM

أنا بكالوريوس علوم زراعية وحابب أدخل ف مجال غير مجالي تماما أقدر بخبرتي اللي هآخدها فيه إني أسافر على شغل كويس
أو أشتغل هنا ف شركات كبيرة أو يبقى ليا شغلي الخاص !!

ياريت أشوف آراؤكم

**Mahmoud Naguib** · 22-01-2015 03:01 PM

محدش عنده أي معلومات أو خبرات يفيدنا بيها !!

بجد يعني الله يرحم أيام ما كان الواحد مش بيلاحق ع الردود من ناس بتساعد بدل ما تشاهد وتمشي !!

**هيثم مجدي** · 22-01-2015 03:31 PM

انا قلت لحضرتك قبل كدا مجالك دا ممتاز جدا انت محتاج بس تحبه وتعرف ازاي تطور نفسك فيه.
وليك فرص في كل بلاد العالم المتقدمة لأن مفيش بلد متقدم مش مهتم بالزراعة والعلوم الزراعية, المهم ازاي تطور نفسك. جرب تروح الكلية و تشوف معيد او استاذ تكون عارف انه ممكن يساعدك على بداية الطريق في تطوير دراستك و شوف على الانترنت المصادر باللغة الإنجليزية, و كمان هتلاقي منح مجانية في اكثر من دولة, لو انت بتعرف شوية انجليزي

لازم كمان تعرف ان متطلبات اي سفر للخارج بشكل انجليزي و كمبيوتر. يعني TOEFL و ICDL
من غيرهم مفيش سفر.

الموقع دا بيقدم منح مجانية احيانا و اعرف واحد سافر منه :

موقع منحة - منح دراسية

وفيه مواقع تانية بس انت محتاج تدور و تعرف ازاي تلاقي المواقع دي. و محتاج يكون عندك صبر انت لسه صغير و الفرص هتجيلك كتير بس لازم تكون مستعد عشان لما الفرصة تيجي تبقى قدها.