لكل مالكي الانفرتر ما هي اخطورة استخدام بطارية جافة معاه ؟

**م/مصطفى محمود** · 25-01-2015 12:00 PM

هو مبدأيا البطاريات الديب سايكل مينفعشي تتفضى للآخر ، آخرها 80 او 90 % بالكتير

الفكرة ان الدييب سايكل مصممة انها تشتغل فترة طويلة بأمبير صغير عكس بطاريات العربية المصممة تدي أمبير عالي فترة قليلة

يعني لو بطاريتين 100 أمبير ساعة واحدة ديب سايكل وواحدة starter ، هتلاقي كمية الرصاص ( المادة الفعالة ) هي هي ، الفرق انك هتلاقي عدد الالواح الموجبة والسالبة اكبر وسمكها اقل فى الstarter عكس الدييب سايكل االى هتلاقي عدد الالواح اقل وسمكها اكبر

مشكلة بطاريات العربيات ان السمك المنخفض للألواح بيخليها عرضة للتآكل اكبر بكتيير جدا من الدييب سايكل وبالتالي بتنهار اسرع

**elpilot** · 25-01-2015 11:52 PM

يعني مفيش اي حل يخلي الجهاز يفصل اوتوماتيك قبل تمام افراغ البطارية علشان انا بسافر كتير ومبكونش موجود جنبة والجماعه اللي في البيت كبار في السنت ومش هيعرفوا يتعاملوا معاه عايز حاجه اوتوماتيك تظبط نفسها

**Ramy_2R** · 26-01-2015 12:31 AM

انا مجربتش الموضوع
بس على حد معلوماتي البطاريع لما تقرب تخلص ال فولت بتاعها بيقل
ممكن اي حد بتاع أليكترونيات يعملك دايره إليكترونيه بتفصل النظام لما الفولت يقل عن حد معين و اعتقد مكونات الدايه دي سعرها مش حيزيد عن عشرات الجنيهات

**طارق _عبد السلام** · 26-01-2015 01:58 AM

المشاركة الأصلية كتبت بواسطة elpilot

يعني مفيش اي حل يخلي الجهاز يفصل اوتوماتيك قبل تمام افراغ البطارية علشان انا بسافر كتير ومبكونش موجود جنبة والجماعه اللي في البيت كبار في السنت ومش هيعرفوا يتعاملوا معاه عايز حاجه اوتوماتيك تظبط نفسها

لو هتجيب انفيرتر جاهز ماركه محترمه هندى

هو فيه حمايه للشحن الزائد وايضا حمايه من تفريغ البطاريه للنهايه.. وبعدين هو ماشاء الله مع قطع الكهرباء وتظبيط الاحمال وتضعيفها ممكن يشتغل اربع ساعات واكتر

انا ايام الازمه كانت بتقطع بالاربع مرات وبدون وقت للشحن الكامل وكان تمام جدا
المهم وقت القطع لضمان استمراره فتره طويله تخفف الحمل يعنى كفايه لمبتين مع تلفزيون وريسيفر وفى الحر مروحه بيكون تماام جدا