عندى استفسار انا عايز اعمل صيانة 150.000 لنيسان تيدا 2009 فحد يقدر يساعدنى اية الى هايتغير فى الصيانة دى , و هل تنصحونى انى اجيب قطع الغيار من مراكز بيع قطع غيار نيسان زى مثلن محمد جابر و اركبها برة التوكيل . شكرا
عرض للطباعة
عندى استفسار انا عايز اعمل صيانة 150.000 لنيسان تيدا 2009 فحد يقدر يساعدنى اية الى هايتغير فى الصيانة دى , و هل تنصحونى انى اجيب قطع الغيار من مراكز بيع قطع غيار نيسان زى مثلن محمد جابر و اركبها برة التوكيل . شكرا
هتلاقى فى الدليل الحاجات اللى المفروض تتغير بس طبعاً اهم حاجه ان سير الكاتينه لو عدى من 40 لـ 50 الف كم من اخر مره غيرته قيها يبقى غيره وطبعا الزيوت والفلاتر وبقية السيور
ولو كده كده بتعمل صيانه بره يبقى هات القطع المؤثره من التوكيل زى سير الكاتينه
شكرا استاذ amr011111 على رد و اهتمامك,
هوة انا اقدر اشترى اى قطع غيار من التوكيل حتى لو انا مش هاركبها عندهم؟
وهل فى فرق مبين قطع غيار التوكيل و مراكز بيع قطع الغيار من حيث السعر؟
شكرا
طالما هتركب فى التوكيل يبقى هتشترى من التوكيل انما انا ردى كان على انك تشترى من بره وتركب بره
التيدا سير الكاتينة بتعها حديد مش بيتغير علي 50 الف كم
دة بيعيش و ماسمعتش عن حد غيرة
ممكن تكشف علية و تتاكد
تقدر تشتري من التوكيل حتى لو مش هتغير عندهماقتباس:
المشاركة الأصلية كتبت بواسطة scorpion_81
قطع الغيار الأصلية ممكن تشتريها من التوكيل او من الموزعين المعتمدين زي محمد واحمد جابر
بس عيب محمد جابر انه بياخد الحاجة من التوكيل هنا في مصر ويبيعهالك بنفس السعر
في محل اسمه العالمية بيستورد بنفسه القطع الأصلية من اليابان فبيبقي سعرها ارخص بكتير جدا
ده ممكن تجيب من اي حاجة للعفشة زي المقصات والمساعدين وكده
السيور والبوجيهات خاصة تجيبها من التوكيل
كل الي اقدر اقولك عليه بالنسبة لعربية 150 الف :
بوجيهات لو مكنتش غيرتها قبل كده ودي تبقي مصيبة
سير مجموعة بيعمل حوالي 190 جنيه
زيت فيتس اواتوماتيك ضروووري جداا
فلتر هواء
تنظيف دورة التبريد كلها وتغير المياه بنوع كويس مش اقل من موبيل ( بلاش الجراكن الخضرا الغريبة المجهولة الهوية )
بص عالتيل الخلفي ضروري لو مكنتش غيرته
استاذ Omar_4ever شكرا جدا على المعلومات دى و على مساعديتك , بالنسبة للبوجيهات انا غيرتها مرة واحدة فى التوكيل تقريبا فى صيانة 60.000 الف , بالنسبة لى محل العالمية دة ممكن اعرف عنوانوة علشان اروحلوة , و هل هوة عندوة كل حاجة للتيدا, لا بصراحة انا عندى مشكلتين كبار فى العربية لو تقدر تساعدى فيهم,
1- عندى الانارة بتاعت عداد السرعة و البنزين مش بينورو تقريبا اتحرقوا مش عارف و روحت للتوكيل قلولى مش عارفين اية السبب ممكن نغير علبة الدركسيون(كلام مش مقنع)
2-الشكمان عندى فى مشكلة فعملى مشكلة فى سحبت العربية و استهلاك البنزين عالى و روحت للتوكيل قالولى عندك خبطة فى الشكمان فطبعا التوكيل مش بيصلح فقولى الشكمان كلوة بيتغير و مش موجود عندنا لو عايزوة هايجيلك بعد شهرين. فهل فى مكان كويس اقدر اروحو يصلحلى الشكمان دة. شكرا و اسف على الاطالة
مكان محل قطع الغيار في شارع دمشق مصر الجديدة
مكان مركز الصيانة في الحرفيين مش هعرف اوصفلك مكانه بالظبط، بس انت لو رحت الحرفيين وسألت هنعرف توصل
حضرتك متعرفش اسم المركز اية بحيث لما اروح الحرفيين أسأل علية؟ , و دة مركز موثوق فية و ناس كويسة ؟
اللى اعرفه ان البوجيهات بلاتنيوم بتتغير كل 100 ألف كم
انا كمان محتاج كاوتشة كوبلن.. متابع معاكو بتركيز