أرجو الرد يا جماعة انا محبط جدا من عربيتي الفلوانس

السلام عليكم ورحمة الله
يا جماعة أنا هروح التوكيل وعربيتي فلوانس 2014 الفئة التانية أوتوماتيك ومعملتش بيها غير 400 كيلو بس لسه شاريها في 12 /2014
العربية ممتازة وناعمة وسحبها كويس جدا ولكن ........
عند أي مطب غير مستوي على الطريق ...وأوقات على بعض المطبات الصناعية أجد صوت نقرة بتيجي من الناحية الشمال فوق راسي ....ركب مع احد الأصدقاء اللي بيفهموا في السيارات ومعاه حد فني فشلوا يحددوا هل الصوت جاي من بكرة الحزام ولا جاي منين ....اللي يحبط حقيقي إني أكون جايب عربية من المعرض واسمع فيها النقرة دي
أنا لما بسمعها كأنها بتيجي في دماغي وأنا سايق
أنا اتصلت بالتوكيل ورايح لهم ...بس أرجو منكم الإفادة ما الذي يمكن ان يكون سبب هذه النقرة التي أسمعها ...؟؟!!!
أرجو الإجابة أكرمكم الله

ﻻ تقلق . . . خير إن شاء الله . . . . الوكيل ممتاز جدآ و لن يتركك بدون أن يحل المشكله

أشكر حضرتك جدا على ردك واهتمامك...اللي يتعب يا افندم انك تجيب عربية جديدة عشان تنساها فتسمع فيها أصوات قبل ما تجيب الألف كيلو

ماتقلقش إن شاء الله التوكيل هيحل المشكله ومش هتمشي زعلان من عندهمم

في زميل كان عنده مشكلة الصوت زيك والتوكيل فشل في حلها مين اللي بيقول توكيل ممتاز لو محلوش مشكلتك اطلع على حماية المستهلك

نقرة فالسقف يعنى والا ايه ممكن يكون حد ناسى حتت عدة فالعربية اسناء التجميع

يا جماعة أن روحت توكيل العبور ، والناس بصراحة قابلوني بشكل محترم جدا وجربوا معاي العربية النتيجة أن الطقة اللي بتحصل دي كان سببها في رأيهم أن القوايم كانت محتاجة فوم عشان العزل ـ
بصراحة في المطبات الصوت اختفي بنسبة 99 في المية....ولكن أوقات نفس الطقة بسمعها لما يكون المطب ملوش حل ومزعج..نوعا ما شغلهم كان معقول وانا ان شاء الله في اول صيانة اللي هي 5000 هشوف المسألة هتصمد كده أو ممكن ترجع تاني بنفس الصوت ....وبرغم المشكلة دي واني رحت التوكيل وانا 400 كيلو بس...وبرغم أني هدفع ل 5 سنين قسط العربية وكان المفروض محسش بالمشكلة دي ....أنا مش ندمان إني جبت الفلوانس فبشكر كل حد طمني من الإخوة اللي ردوا على

انشاء الله خير ... انا كان عندى نفس المشكله بس بصراحه التوكيل شحم الابواب الخلفيه

والصوت راح بس النقرة البسيطه ديه بتبقى جايه من حامل الحزام وأكيد التوكيل هيلاقى حل بعد الشكوى ديه

فى رأى ان توكيل رينو محترمين مقارنه بتوكيلات تانيه كتير ... استمتع وانشاء الله خير

اقتباس:

---

المشاركة الأصلية كتبت بواسطة ahmed hemaid

إن شاء الله خير ... انا كان عندى نفس المشكله بس بصراحه التوكيل شحم الابواب الخلفيه

والصوت راح بس النقرة البسيطه ديه بتبقى جايه من حامل الحزام وأكيد التوكيل هيلاقى حل بعد الشكوى ديه

فى رأى ان توكيل رينو محترمين مقارنه بتوكيلات تانيه كتير ... استمتع وإن شاء الله خير

---

أشكر حضرتك جدا للطمأنة وربنا يسد عننا إن شاء الله وأنا فعلا شاكك في البكرة الحاملة للحزام وعلى صيانة ال 5000 هقولهم تاني