Gen2 و لا بيرسونا مع العلم إن البيرسونا عبارة عن Gen2 سيدان

أنا عارف إن أغلب الناس هتفتكر إنى بهزر بس حقيقى انا محتار بجد و نفسى حد يساعدنى آخد قرار صح. أنا مقتنع تماما بالبروتون و الGen2 بالتحديد للى سمعته عنها هنا و من أصحابى اللى اشتروها و كنت خلاص قررت أشتريها بس لما البيرسونا نزلت السوق صحت جوايا رغبتى الدائمة و حبى للسيارات السيدان لأنها أكبرحجما و تعطى إحساس أفضل بفخامة ما تركب كما أنها تصلح أن تكون عائلية بشكل أفضل بجانب أنها تحتوى درج تابلوه مغلق و هو ماتفتقده الGEN2 و هو ما يهمنى كثيرا لأن عربيتى دى بعتبرها بيتى التانى و بشيل فيها حاجات كتير مهمة.
الموجود فى الGEN2 و مش موجود فى البيرسونا
الفرق بينهم كأوبشنز :1- Fog Lights
2- الفرامل الABS
3- الزجاج و المرايات الكهرباء
4- الجنوط السبور
5- الكاسيت سى دى بس من غير إم بى ثرى
و الفرق الكبير اللى مخلينى محتار آخر حاجة إن البيرسونا أرخص 5000 جنيه كاملة و بأكدلكوا هيفرقوا معايا كتير.
عموما:1- الFog Lights على الرغم من معرفتى معناها إلا إن أهميتها بالنسبة لى مش قوية.
2- الجنوط السبور حاجة مكملة للشكل و بس و العربية تحفة لوحدها مش محتاجة.
3- الزجاج و المرايات الكهرباء أكتر حاجة صعبانة عليا بس برده هما أكتر حاجة الناس بتشتكى منها فى الGen2 من إنهم بيعلقوا و بيعطلوا كتير.
4- الفرامل الABS بالنسبة لى مجرد تقنية مش فنى عشان أفهم الفرق الوهمى اللى بينها و بين الفرامل العادية.
5- أما موضوع الكاسيت ده فلو بشرائط عادية مش هتفرق أصلا.
أما الحاجات اللى لسة مخليانى محتار و مخلى الGen2 فى دماغى اللون اللى نفسى فيه مش موجود فى البيرسونا، و شكل الGen2 عموما شبابى أكتر، مش واثق كمان 100% إن مميزات الGen2 كلها من ثبات و متانة و كل الكلام الحلو اللى اتقال عليها لازم ينطبق على البيرسونا.
و يعنى برده ال4 فروق اللى قلتهم مخلينى بفكر أنا مش كل يوم بشترى عربية عشان أحسبها على 5000 جنيه
أرجو لو حد عنده رأى مقنع ممكن يخلينى أحسم الموضوع تماما بالنسبة لواحدة منهم يشاركنى رأيه أرجوووووووووووووووووووووو وووووكم