و اية هي الطنابير ؟
و اية هي الطنابير ؟
انا من راي البريليانس احسن لانها:
1- الموتور اقوى واحدث وياباني
2- كماليات اكتر زي 2 ايرباج والabs
3- شكل اجمل واحدث
واخيرا الانوس خلاص اتحرقت علشان بتنزل بقالها 9 سنين بدون تغيير...... وشكرا
اقتباس:
- الموتور اقوى واحدث وياباني
المتور صيني تكنولوجية بتاعت ميتسوبيشي
علىالاقل لانوس متور امريكانى يعني دبابةبس يفضل اننا نقاطع الامريكانى يعني ولة ايه؟؟
و اظن لانوس لانها تقريبا حتكسر الدنيا لان المصريين عندهم اللانوس زي ال128 و المشكلة انهم مش بيهتموا بالمقاطعة اوى الا من رحم ربي
طول عمرى احب امشى مع عامة الشعب عشان ابقى فى المضمون
الانوس هيه 128 الجديده
هتلاقى قطع غيارها فى اى بلد لو عطلت بيك (وده مهم جدا لو انت كثير السفر) و هتفضل موجوده لسنين كتييييييييييييييييييييييي يييييير قدام نظرا لانتشارها
انا ما اقدرش انكر ان البريليانس احسن لكن مافيهاش الميزه دى على الاقل فى الوقت الحالى .............. يمكن قدام شويه
لانوس اسعار قطع الغيار معروفة
الصيانة الى حد ما بسيطة
البريليانس عموماً مش عارف السيارة دي فعلاً شداني جداً ونفسي أجربها على العكس من جميع السيارت الصيني لا يستهويني مجرد النظر اليها
الدايو انت دافع فلوس زيادة عشان منتشرة و قطع غيارها على القد (متساويش ال70 فعلا)
و البرليانس دافع على قد قيمتها و اقل كمان عشان المخاطرة بعربية جديدة و مش عارف التوكيل هيقدر على العدد اللى هيتباع دة كلة ولا العملية هتعك معاة
حد يقوللى:
مين بيبيع قطع غيار البريليانس الجديدة دى؟ غير التوكيل طبعا
سعر الفوانيس و الاكصدامات كام؟
سعر المستهلكات زى السيور و الفلاتر و البوجيهات و التيل كام؟؟
مين ميكانيكى بيصلح العربية دى؟؟
لما تبيع حتخسر كام؟
لما تيجى تبيع حتاخد وقت قد ايه؟
MMamdouh
ابعد عن الصينى و غنيله
انا صوتت للانوس
والله اللانوس دى مظلومة!
الناس فى المنتدى بتتكلم عليها كأنها عار؟؟؟؟!!!!
انا صراحة لو معايا 70
مش هجيب لانوس لانى كرهتها من كتر مبشوفها من ساعة موعيت على العربيات ..هههه
وبرضه مش هجيب برليانس لانى مش بثق فى الصينى ومتعرفش بكره هتعمل معاك ايه
ولا لما تاخد بيها سفرية كدا ولا كده تعطل بيك ، ومتجربتش ومش مضمونة واضيع فيها القرشين اللى حيلتى
ومش هشترى فيرنا للمشاكل الكتير فيها وضيقها وخفة صاجها وشكلها مش قوى
هشترى رينو لوجان ، عربية واسعة جدا وشنطة ضخمة وتوكيل رينو المحترم جدا وعربية اوروبى وفيها ايرباجز وواخده 3 من 5 فى Eurncap للامان ، عربية حلوة بالسعر ده واحسن من كل سابقيها زى ماوضحت
ده رأيى المتواضع
مع احترامى للجميع اللوجان شكلها وحش جدا جدا
http://roymacmullin.files.wordpress..../09/logan.jpeg
http://imshopping.rediff.com/pixs/pr...an-GLX-1.6.jpg
و كمان راجع الموضوع دة حتلاقى العربية مش امان زى ما انت متخيل
http://www.autoblog.com/2005/08/06/n...y-flip-easily/
MMamdouh
البرياليانس frv اكيييد انا شوفتها عند الطارق عربية ممتازة وشياكة اوى وتوكيل البافارية
العربية البرليانس لسة متجربتش بره مصر او فى مصر ولسة مش معروفة وبعدين دى ثمنها فى الصين اقل من 10000 الآف دولار وبلآمكانيات دى ان شايف ان العربية تثبت نفسها الأول قبل ماغامر بفلوسى
- تشترى عربية مستعملة "استعمال نظيف" موديل مش اقل من 2005 افضل من السيارتين .
- لو كنت عايز تركب جديد انا ارجح "لانوس" كورى - مجرب - قطع غيار رخصية ومتوفرة.
اما "بريليانس" لسه برضه جديدة والمواصفات بتاعتها "الجامدة جدا" بسعر ده
برضة مخاطرة عايزة حسبة كويس.
عليك بالاستخارة وربنا يوفقك
انا بقول البريليانس علشان امكانيتها وتصميمها والوكيل
بالتاكيد هجيب بريليانس frv
سعر منافس توكيل محترم مميزات كتير
انا زوج اخت مراتي لسه جايب لانوس مابقلوش 6 شهور
لما عرف اني حجزتها قاللي انا بفكر ابيع اللانوس واشتري ال frv
بس مشكلته انه هيخسر فيها كتير
هجيب بونتو بنفس التمن
... عربيه محترمه ..... وكفايه إنها مش واخده نجمه زي ناس
بريليانس Frv تتقدم على لانوس في نتائج استطلاع الراى بفارق كبير حتى الان
مفاجاة من الطراز الاول
لو معايا فلوس كتير ومش فارقة معايا اجيب بريليانس لو يدوبك علي ادي اجيب لانوس عشان قطع الغيار والعربية خلاص اتفقست عند الميكانيكية
يعنى ايه نجمة معلش :dاقتباس:
هجيب بونتو بنفس التمن
... عربيه محترمه ..... وكفايه إنها مش واخده نجمه زي ناس
أنا متهيألى معظم اللى اختار اللانوس هم من مالكى اللانوس وده يدل على ان السيارة عاجباهم جدا ومريحاهم وده أكبر دليل على نجاحها
ومتهيألى برضه معظم أن لم يكن كل اللى أختار frv مجربش العربية اساسا وهو من مالكى سيارات أخرى وبيقيمها من ناحية الشكل والامكانيات النظرية أعتقد لو هو ناوى يشترى مش حيشتريها
انا ممكن تعجبنى عربية جدا بس معنديش استعداد اخاطر بفلوسى وشقى عمرى فى حاجة مش متجربة بس ممكن أجربها فى غيرى هو أنا خسران حاجة :1aa:
نقلا عن "كونتاكت كارز"
"بريليانس Frv" تكتسح السوق فور طرحها
13/11/2008 11:39:52 ص
حققت "بريليانس Frv" تحفة المجموعة البافارية الوكيل الوحيد لسيارات "بيريليناس" في مصر نجاحاً ملحوظاً فور طرحها في السوق نظرا لجاذبيتها وسعرها المغري الذي لم يتجاوز 69900 جنيه.
وفور طرحها في السوق للحجز وبهذا السعر لفترة محدودة نجحت السيارة "الهاتشباك" في زيادة الطلب عليها نظرا لأنها بمحرك "ميتسوبيشي" 1600 سي سي 101 حصان ، و2 وسائد هوائية للسائق والراكب الأمامي ، وأحدث نظام فرامل.
تتميز "بريليانس Frv" الصينية الصنع بمقصورة واسعة وتصميم داخلي جذاب ومقاعد ذات تصميم مريح وفرش داخلي فاخر ينافس فخامة السيارات الألمانية.
وتتوافر "بريليانس Frv" بأبواب مدعمة بدعامات فولاذية وهيكل صلب يساعد على امتصاص الصدمات.
السيارة الجديدة متوافرة لدى جميع موزعي ووكلاء مجموعة البافارية الوكيل في مصر الوكيل الوحيد لسيارات Bmw الألمانية الفاخرة أيضا.
وتعتبر بريليانس من أعرق الشركات الصينية ، ويتم تجميعها في مصر بواسطة المجموعة البافارية في مصنعها في مدينة 6 أكتوبر.
وقد تم إنشاء المصنع على مساحة 39.000 م2 متضمناً 76 خط إنتاج بسعة إنتاج 10.000 وحدة سنوياً من الأنواع والماركات المختلفة، وذلك بالعمل وردية واحدة. ويعتبر المصنع فريداً من نوعه نتيجة للمرونة التي يوفرها من حيث ما يقدمه من مزيج لأنواع وماركات السيارات.
البريليانس طبعا علشان امكانيتها وتصميمها والوكيل بتاع بى ام
لو حد يعرف مكونات موتور البريليانس يبقى هو ده المهم
لان الصاج جيد
والتصميم ايضا ( شاسيه وعفشه...الخ)
بيتهيالى النقطه الوحيده اللى مش معروفه هى جودة الموتور
وهل يوجد نفس الموتور مستعمل فى السوق ( يابانى يعنى )
لو موجود يبقى مفيش مشكله خالص
وطبعا اللانوس ممتازه وعيبها موتور 8 صباب ( قتيل )
الكلام ده مظبوط فعلا .
موتور ( 4g18 ) نفس الى فى ميتسوبيشى لانسر 1600, متصنع فى الصين .
انا شفت علي فكره العربيه دي انبارح العصر علي الهرم و صاحبها كان مجنطها و مترخصه
بصراحه شكلها حلو بس العبره بالنهايه
اجرى مركز إماك لعمليات دراسات الرأى العام عملية مسح عشوائى لمعدل الاقبال على حجز لانوس وبيريليانس الجديدة في معارض السيارات بالقاهرة والجيزة .. وذلك بناء على طلب من جنرال موتورز مصر
وحتى يوم الخميس 13 نوفمبر كانت ارقام الحجز والاستلام الخاصة بالبريليانس تتفوق على لانوس بمعدل كبير .. يزيد على 14% رغم ان السيارة هاتش باك و كلنا عارفين عقلية المستخدم المصرى !!
معدل حجز البريليانس إلى حجز اللانوس كان 57% إلى 43% ..
يبدوا ان هناك قوى جديدة تولد هذه الأيام في سوق السيارات في مصر ..
اتوقع ان بيريليانس Frv خاصة في حالة نجاحها في اثبات اعتماديتها في الشارع المصرى خلال الشهرين القادمين .. فان تلك السيارة ستحدث نقلة نوعية كبيرة في علاقة المصريين مع السيارات الصينية وهو ما سيبدل حال سوق السيارات داخل مصر تماما !!..
ageb fiat palio 1300cc
بريليانس frv
يا ريت الناس اللى بتسال على العربية في المعارض
تقولنا ايه الاسعار اللى بيقولوها لهم سواء للبريليانس او لانوس
لان في لعب جامد في الاسعار له يومين
اشتري فيات سيينا