-
عطل غريب فى البور
السلام عليكم استفسار لاهل الخبره فى بور دريكسيون النوبيرا 2 انا كنت مسافر وبعد حوالى 80 كيلو العربيه ماشيه كويس جدا فوجئت وانا بميل بالسياره شمال لاقيت الريكسيون تقيل قمت لفيته بايدى جامد فحود وجيت اجرب اليمين لاقيته مفيش حاجه قلت خلاص اغير الزيت لما اوصل وفعلا غيرته ولاكن المفاجئه انى لما غيرته صوت الطرمبه ظهر والمشكله متحلتش والصوت خفيف لايذكر المهم قلت لما امشى بيها شويه هتتعدل وده كان حصل معايا قبل ذلك عندما غيرت الزيت المره اللى فاتت ولاكن المشكله ان العربيه وهى وقفه الدريكسيون يعتبر كويس يعتبر وليس مثل الاول بس مع المشى فوجئت ان الدركسيون مش عمليه تقيل لا انما لما اجى احود يمين او شمال احس انه مش خفيف مثل الاول وكمان فيه دردره او كل ربع لفه يقف خفيف ويكمل وهكزا غيرت نوع الزيت نفس المشكله روحت للعفشجى قال لى نغير الطرمبه والاسكترا يعنى المجموعه كلها يعنى بيريح دماغه فطبعا ده صعب شويه من جه التكاليف فارجو من الساده الافاضل مساعدتى ولو فى تجربه معينه اعرف بيها المشكله فين ياريت حد يقولى لو سمحتم ايها الافاضل او لو مرت هذه المشكله مع حد يدلنى لو سمحتم وشكرا جذيلا واسف على الاطاله عليكم وعلى فكره مفيش اى ترشيح زيت من اى مكان كله سليم والزيت كان مظبوط قبل ما اغيره
-
معقوله 210 مشاهده ومحدش رد هى المشكله عويصه للدرجه دى عموما انا فى انتظار ردود الاعضاء
-
-
شكرا للرد انا فعلا خدت الهواء من الدائره وهى انى بدور العربيه واحود الدريكسيون يمين سم الى اليسار اكثر من مره وشكرا
-
طريقة اخذ الهواء كدا غلط
بتلف الدركسيون يمين وشمال اكثر من مرة والعربية مش دايرة ويكون غطاء القربة بتاعة الزيت مفتوح
التقل عندك في الجهتين ولا في جهة واحدة وبتقول وهيا واقفة بيبقي كويس
يبقي راجع علي سير المجموعة عندك وبخاصة طنبورة الطرمبة بتاعة الباور
-
انا شاكر جدا لرد سيادتك وانا وجدت العيب وحو الصليبه طاعت بايظه او بمعنى اصح بليها مصدى ودى عرفتها بالصدفه جت فى دماخى ازيت الصليبه وبالفعل فوجئت انها بقت حرير ووجدت بعد ما مسيت بيها نعمت اكثر ودى نتيجه ايام الشتاء الماضيه جت عليها مياه وصدت لانى مشيت بيهع فى الشتاء ثم قمت بغسيلها وركنتها لبعد الشتاء ودى كانت فرصه للصداء انه يتواجد ومر اخرى شكرا لسيادتكم جدا جدا
-
هي فين الصليبه دي يا باشا؟
-
-
الصليبه بتاعه الدريكسون دى فى ضهر الدريكسون امتداد اكس الدريكسون تحت خذنه الفرامل صليبه صغيره ولما تيجى تلف الدريكسيون بتلف معاه هى اللى موصله اكس الدريكسون بالاسكاترا وعلى فكره كل العربيات فيها صليبه دركسون
-
Content Relevant URLs by
vBSEO 3.6.0 PL2