استفسار عن اجهزة التتبع و فصل السيارة.

**sinkort** · 23-01-2015 03:22 AM

السلام عليكم

انا كنت عاوز اعرف ايه افضل جهاز تتبع موجود في مصر لاني قريت مواضيع كثير بس مافيهاش حاجة مفيده ... و ياريت لو حد عنده تجربة يقولي عليها
و يقولنا اسم الجهاز و الشركة - بعد اذن الادارة طبعا.
و ايه الاحسن تركيب جهاز تتبع و لا زرار فصل طرمبة البنزين او فصل المارش او باستخدام زرار ريموت الانذار للفصل؟

و هل في مشكلة ممكن تحصل للعربية في الكومبيوتر او طرمبة البنزين او كهرباء او اي ضرر تاني باستخدام اي حاجة من الطرق دي؟

سرقات العربيات رجعت تاني و ربنا يستر و الحرامية تقريبا بقي عندهم دراية بكل الطرق دي.

انا مركب قفل الدبرياج و طبعا انذار العربية. بس عاوز امان اكثر

انا كنت بفكر اركب ايموبلايزر بس مش عارف ينفع عندي و لا لا.
انا عربيتي هيونداي نيو اكسنت ٢٠١٠.

و لكم جزيل الشكر.

**aymanshebl** · 23-01-2015 09:53 AM

افضل جهاز من وجهة نظرى tk103b او tk106 و ممكن تلاقيهم فى موقع سوق طبعا بيفصل العربية من البنزين او الكهربا و ليه حساس صدمات لو ركبته ممكن يديك رسالة ان حد خبطها و ديه فعال ان لو حد عمل اى حاجة فيها تعرف على طول زى الانذار لما يزمر كده و تقدر توقفها لو حد مشى بيها و تبعتلك رسالة لو باب العربية اتفتح او دارت و انت مش فيها طبعا و ليها ريموت خاص بيها علشان تفعل الانذار بتاع جهاز التتبع يعنى من الاخر الجهاز ده هيريح بالك من اى حاجة تانية بس مشكلته لو ما فيش شبكة او ما فيش ارسال قمر صناعى فقط لا غير

**sinkort** · 23-01-2015 01:47 PM

المشاركة الأصلية كتبت بواسطة aymanshebl

افضل جهاز من وجهة نظرى tk103b او tk106 و ممكن تلاقيهم فى موقع سوق طبعا بيفصل العربية من البنزين او الكهربا و ليه حساس صدمات لو ركبته ممكن يديك رسالة ان حد خبطها و ديه فعال ان لو حد عمل اى حاجة فيها تعرف على طول زى الانذار لما يزمر كده و تقدر توقفها لو حد مشى بيها و تبعتلك رسالة لو باب العربية اتفتح او دارت و انت مش فيها طبعا و ليها ريموت خاص بيها علشان تفعل الانذار بتاع جهاز التتبع يعنى من الاخر الجهاز ده هيريح بالك من اى حاجة تانية بس مشكلته لو ما فيش شبكة او ما فيش ارسال قمر صناعى فقط لا غير

تمام يا باشا ... انت مركبه عندك مظبوط؟