تجربة سيئة لشراء سيارة نيون 97 للمتابعه
السلام عليكم ورحمه الله وبركاته
بصو يا شباب هحكى تجربتى النهرده
رحت اشترى عربية نيون 97 من واحد عارضها وقعد يشكر فيها ويقول مغير كل حاجه عشان بنتى بتركبها بتروح بيها الجامعه وصارف عليها ومظبطها فوق ال 5000 أول مشتريتها
المهم انا قلت الحاله كده تبقى اكيد نضيفه :3_3_102[1]:
بصراحه انا عشان مظلمش الراجل سدقته وقلت اتوكل على الله واشترى المهم قلتله هرفعها عند ورشة وعشان هو ساكن فى المقطم اخترت ورشه قريبه فى صقر قريش وياريتنى مرحت
للحاج سيد الى بيشكرو فيه للاسف حصل التالى :I_angr1[1]:
اول مشاف صاحب العربية طلع يعرفو وكان بيصلحها عندو
انا قلتله يبص على الميكانيكا قعد يشكر ف العربية وهى اصلا شوربه لما رفعتها فى البنزينه
الى عايز اقوله مهما كانت سمعه ميكانيكى العربيه انه رقم 1 واستاذ
هو اصلا استكلف يبص على تفاصيل المكنه :arab:
عم سيد يدوب بص على الموتور من بره وخد لفه ورجع
وقال الصوت عالى عشان الدينامو فيه بليه هتتغير وطبعا مذكرش اى حاجه عن حاله الموتور كل الى قاله طابق رقم الشاسيه لو مش نفس الرقم يبقى مغيره موتور:fdsa::fdsa:
طيب يعنى سؤال يعم الحاج انا جايلك من اخر الدنيا عشان تقولى الكلمتين دول ولا ترفع ولا تنيل ولا تاخد بيها لفه وشكرا
المهم الخلاصه عم سيد شكر فى حاله العربيه وقالى رنجها من 25 ل30 وبالحاله دى عشان ناقصه تكييف انزل معاه ل28
طبعا الكلام ده هرى ولا له ريحة اللازمه بالنسبالى انا كل الى قلته اشوف ميكانيكى متخصص فى العربيه دى عشان يكون ليه نظره خاصه عن حالى العربيه بالنسبه للميكانيكا وعيوب الكهربا الى اكيد هو عارفها طبعا بحكم خبرته ويبص على العفشه ويقيم تقييم مبدئى
طبعا كل الكلام ده محصلش وزيارتى لعم سيد غرامه على الفاضى ولا زودت ولا نقصت حاجه:I_angr1[1]::I_angr1[1]::I_angr1[1]::I_angr1[1]::I_angr1[1]::I_angr1[1]:
طلعت على بنزينه شل وكانت النتيجه كالاتى
كبس الموتور 70 % بس صوت خشن ومش طبيعى وكله قالى لا متخدهاش الصوت بتاعها خشن حتى لو كبس الموتور عالى
رفعت العربيه وشوفت المصيبه الى تحت
اولا زيت من كل ناحيه فى الموتور
الموتور مفتوح من تحت وميعلم بيه الا ربنا غير عيوب تانيه كتير غير القواعد المكسرة
الى شوفتها بعينى ( عرفتو ليه بقول عم سيد مشى بنظرية زبونى عربيته تحفه ولو فيها العبر :arab: )
ده غير البهدله الى جوا العربيه فى الشكل العام وغيره وسقف واقع و مصاريف تانيه وما خفى كان اعظم
الخلاصة زى ما الكل قال يا تاخد عربيه نضيفه والحاله ممتازه ومحدش يبالغ فى الاسعار لان اصلا رنجها 25 ل30 مش الارقام الهلاميه الى بشوفها فى الاعلانات على ايه مش عارف
ثانيا لما تحب تشترى خد ميكانيكى معاك حتى لو مش شغال فى نفس العربيه ولوارتحتلها لازم برده ترفعها فى بنزينة
ثالثا التاجر الى بيبيع لو قالك بنتى جوز خالتى بيركبها ولا حد ابويا ولا يفرق معاك الكلام ده
رابعا اياك تشترى عربيه معيوبه مهما كانت عيوبها الى ظاهره بسيطه خصوصا فى الموتور عشان العربيه دى رغم ان موتورها معمر الا ان الشغل فيه هيكلفك كتير
وطبعا ده مش فى حسبانك وانت بتشترى عشان المفروض اخرك صيانه بسيطه وتركب
مش تخش فى دوشة موتور
اسف للاطاله ودعواتكم ليا الاقى عربيه حلوه عشان انا حبيت العربيه دى ومش هكرهها بسبب واحد معندوش ضمير وبعد كده انا مش رايح عند سيد ده هشوف ميكانيكى افضل فى الحرفيين