سؤالي للمرة التانية عن زيت الفيتيس

**felash** · 23-01-2015 03:58 PM

السلام عليكم
انا كنت سالت قبل كده عن زيت فيتيس النترا 2007 اوتو
كنت عاوز اعرف النوعيه الكويسه ومواصفاتها ايه
وبتاخد كام لتر وهل لازم اغير الفلتر ولا لا
... كنت سمعت كلام من ناس بتقول انه متغيرش ولكن بتزوده فقط
الكلام ده صح ولا غلط
يا ريت رجاءاً ردوا عليا علشان انا مسافر بالعربية فعاوز اظبط الموضوع ده قبل ما اسافر
يا ريت تردوا عليا

**alizahran5** · 23-01-2015 05:24 PM

غير صحيح .. زيت الفتيس بيتغير كل 40000 الف كيلو والفلتر برضو الافضل يتغير مع الزيت
اما نوعية الزيت فالافضل تشتريه من محل معتمد قطع غير هونداى

**seri0us** · 27-01-2015 09:18 AM

ممكن تجيب من ليكوي مولي و ده الماني و ممتاز جدا .. اسمه top 1100 اللتر ب 80 ج و انت هتحتاج 4 عبوات يعني 320 ج و لازم تغير فلتر زيت الفتيس .. بس ما اعرفش الالنترا ليها فلتر فتيس زي الماتريكس ولا لاء ؟؟
و بالمناسبة .. فيه برضه زيت روعة و سعره ممتاز بالنسبة لجودته حيث انه مستورد و تعبئة الامارات و مش بيتباع الا في محطات امارات مصر .. اسمه ترانس ماكس و سعر اللتر ب 40 ج اخر مرة جبته من عندهم .. على الدائري ما بين غبور و نفق السلام فيه محطة ليهم .. بالتحديد بعد نزلة مسطرد من ع الدائري .. هتكمل شوية قدام هتلاقيها على يمينك بلون اخضر ..
اما الليكوي مولي فليهم فروع كتيرة ممكن تعرفها من على صفحتهم ع الفيس .. و احدث فرع تبعهم فتح و فيه امكانية تغيير الزيت اسمه فاست سرفيس في مدينة نصر و العنوان بالضبط على صفحتهم ع الفيس fast service ..