-
مش عارف يامحمود اثبت ايمانك ولا اثبت ايمانى !!! استغفر الله العظيم
انت فى لحظة حرجة جدا يامحمود اثبت يا اخى وثبتنا معاك الله يكرمك !
ركز فى أختك ووالدتك ومتفكرش فى حاجة تانى .
محدش هيحس باللى انت حاسه بس احنا اخواتك ومعاك يامحمود
لما ربنا نجاك من اللودر وعواميد النور اتنرفزت من اللى حصلك وعملت موضوع مصر مش امى مصر مرات ابويا , بس المرة دى انا مش عارف اعمل ايه !
ربنا ثبتنا على الايمان بك رغم كل حوادث ******** !!! استغفر الله العظيم
-
لا حول ولا قوه الا بالله..ربنا يقومها بالسلامه وينتقم من اللى كان السبب بجد انا مش عارف اقول ايه انا اتصدمت وانا بقرأ اللى انت كاتبه ايه ده هو فيه كده يا نهار اسود
ماقدرش اقول غير حسبى الله ونعم الوكيل بس
-
ربنا يقومها بالسلامة ان شاء الله
وقدر الله وما شاء فعل
وما تقلقش
حقها هييجي بإذن الله (في الدنيا والآخرة)
ربك يمهل ولا يهمل
بصراحة حال الناس في البلد بقى يقرف
اهمال ولا مبالاة وتسيب
ده انا الصبح وانا مروح شفت حادثة على طريق الواحات (ليبرتي سودا دخلت في ميكروباص)
والناس اتحشرت وعمالين يصوتوا والحمد لله قدرنا نخرجهم - وشوف المهزلة بقى
سواق الميكروباص فيين ؟؟؟؟؟ - نزل من الميكروباص وعدى الناحية التانية وهرب
اتصلنا بعربية اسعاف وقعد الاخ الظريف العامل بتاع السويتش يسأل اسئلة مالهاش لزمة (اسمك الثلاثي - رقم بطاقتك - عنوانك - رقم تيليفونك) وهلم جرة
الحاجة اللي تفرس بقى بجد وتخليك تشق هدومك وتلعن ابو اليوم اللى خلاك تعيش في البلد ديه:
بعد اقل من 1 كيلومتر - على طريق الفيوم - فيه نقطة اسعاف وكمين
نخش على الوحدة بتاعت الاسعاف ونقولهم في حادثة وناس متعورة يقولك فين - نقول على طريق الواحات - فيقولك انا مليش دعوة انا مهمتي هيا الحوداث على طريق الفيوم وبس
نخش على الكمين والظابط اللذيذ ونعيد نفس الكلام - برضه مش مشكلتي (كان الله في عونه عشان تحصيل رسوم الجباية من الغلابة على الطريق)
انا بصراحة مشيت قبل ما ارتكب جريمة واخسر مستقبلي ومستقبل عيالي
فعلا بلد تيييييييييييييييييييييييي ييييييييييييييييييييييييي ييييييييييييييييييييييييي يييييييييييت
-
-
يا صاحب الهم ان الهم منفرج ... ابشر بخير فان الفارج الله
اليـأس يقطـع احيانـا بصاحبـه ... فلا تيأسن فان الكافى الله
اذا بليت فثق بالله وارضى ... فان الذى يكشف البلوى هوالله
الله يحدث بعد العسر ميسرة ... لا تجزعن فان الصانع الله
والله ما لك غير الله من احد ... فحسبك الله فى كلٍ لك الله
-
ندعو الله ان يشفيها ويخفف عنها الامها ويعافيها من هذة الحادثة. معلش يا محمود انا بجد حاسس بالحرقة اللي انت حاسس بيها لاني جربت حاجة زي دي من قبل. انا مش عارف هي البلد دي رايحة بينا علي فين؟ هو لية احنا بقينا سلعة رخيصة كدة؟ المفروض ان البية وزير الصحة اللي فاكر نفسة دكتور بجد يوفير حاجة اسمها الاسعاف الطائر يعني يكون فية طائرات هيلوكبتر تقوم بالتحرك تجاة مكان الحادث اللي يتعذر الذهاب الية بسيارات الاسعاف ودة شئ طبيعي لان البلد زحمة والطرق صعب الحركة فيها.
كمان تصرف الشعب المصري تجاة اي مصاب في حادث اصبح تصرف حقير جدا ودة مش عارف لية؟ هو اية اللي هايجري لما نقوم باسعاف المصاب؟
ربنا يرحمنا،،،،
-
ربنا يعافيها ويكتب له الشفاء ان شاء الله
للاسف ده حال البلد فى كميه الاستهتار والتسيب والفساد من اول شباب الجامعات فماطالع
-
يا ريت يا محمود تبقي تطمنا اول بأول على اختك و يا رب يكرمها بشفاء لا يغادر سقم
انا والله ما عرفت انام بجد و اعصابي تعبانة جدا و ضغطى على اوى
يا رب يثبتك يا محمود و يكون في عونكو والله
بجد لو في ايدي اى حاجة اعملها قولي بجد مش هتأخر انت زى اخويا الصغير و اختك برده اختى قولي بس على اى حاجة و والله مش هتأخر
-
ربنا يتم شفاها على خير
ربنا يصبرك
-
لا حول و لا قوة إلا بالله...
ربنا يجعل ألمها و مرضها ده في ميزان حسناتها و يشفيها و يعافيها قريباً و ترجع أفضل من الأول.
بالنسبة للبني آدم و أنا أسف إني بقول بني آدم اللي خبطها فأحسن حاجة تقول منه لله و الله هو المنتقم الجبار.
Content Relevant URLs by
vBSEO 3.6.0 PL2