الألنترا 2009 - 2010 - 2011

**kamal_87** · 23-01-2015 11:22 PM

السلام عليكم انا عضو جديد معاكم وبصراحة استفدت جدا من نصائحكم فى جميع الاقسام وبالاخص قسم هيونداى انا باذن الله مقبل على شراء سيارة الانترا تكون من موديل 2009 ل 2011 وبحثت كتير جدا عشان انا بدور على حاجتين يهمونى جدا فى السيارة اولا الايموبلايزر ثانيا abs شوفت طبعا سيارات كتير معروضة وواجهت مشاكل كتير بسبب سؤال المشترى عن الايمبولايزر وفية ناس كتير متعرفش اية هو وطبعا فى الايام اللى الواحد عايشها دى لابد من وجود ايموبلايزر دة عشان زيادة الامان بس مش اكتر فى الاؤل والاخر الحامى هو الله فعاوز نصائح الاعضاء الكرام ملاك السيارة بتوجيهى فى كيفية الشراء يعنى ادور مثلا فى الفئات الخليجى بس اللى هيكون فيهم abs وايموبلايزر ولا ادور فى وكيل انا متئكد انهم كان بينزلوا فى بعض الفئات الخليجى انما الوكيل واضح انه مكنش بينزل فيهم دى هتكون اول عربية جديدة ليا فمش عاوز ابقى بدور على حاجة مش موجودة فكرت كتير فى الزيرو بس انا ميال اوى للانترا الشكل دة وشكرا جزيلا :)

**shiko85** · 24-01-2015 12:26 AM

وعليكم السلام ورحمة الله وبركاته
حضرتك هتلاقى عربيات فيها abs كتير لان الـ abs بينزل ففئات كتير خليجى و وكيل لكن immobilizer مش موجود كتير
فرأى الشخصى حضرتك دور على عربيه فيها abs و لو فيها airbag كمان يكون افضل و الـ immobilizer له بدائل زى فصل المحرك او فصل طلمبه البنزين او الـ 2

**kamal_87** · 24-01-2015 12:57 AM

شكرا لحضرتك بس الايموبلايزر بقى شىء اساسى فى اى عربية دلوقتى والله الواحد بقى بيشوف العجب ناس معارفى كتير جدا اللى معاة كيا واللى معاة النترا الشكل الجديد والاوبترا والفيرنا وغيرة اتسرقوا بدبة مفك فانا متمسك بيه جدا لان ربنا عالم بالواحد تعب فى الفلوس ازاى وللاسف المنطقة اللى انا فيها مش هعرف اركن العربية قريبة منى ومفيش جراج خاص قريب فلا بد من وجود ايموبلايزر انا شفت كذا عربية فيها بس مش كتير من الموديلات المذكورة بس فعايز اعرف ادور فى انى فئة الخليجى والا الوكيل واتمنى من ملاك السيارة يساعدونى بالبحث فى انى فئة بالظبط

**shiko85** · 24-01-2015 01:16 AM

المشاركة الأصلية كتبت بواسطة kamal_87

شكرا لحضرتك بس الايموبلايزر بقى شىء اساسى فى اى عربية دلوقتى

العفو, الشكر لله وحده
انا عارف انه مهم و اقصد ان بدائل الايموبلايزر هتقوم بنفس الوظيقه بتاعته و ممكن تكون افضل كمان لانها ممكن تتعمل بأكتر من طريقه مع الأنذار او بمفتاح مستقل او بريموت تانى غير بتاع الأنذار وهكذا
يعنى هتدور على عربيه فيها abs لانه مش هينفع يتركب و بعد كده تأمن العربيه بأنذار محترم و وحدات الفصل اللى هى نفس فكره الايموبلايزر

**adel1212** · 24-01-2015 02:02 PM

المشاركة الأصلية كتبت بواسطة shiko85

العفو, الشكر لله وحده
انا عارف انه مهم و اقصد ان بدائل الايموبلايزر هتقوم بنفس الوظيقه بتاعته و ممكن تكون افضل كمان لانها ممكن تتعمل بأكتر من طريقه مع الأنذار او بمفتاح مستقل او بريموت تانى غير بتاع الأنذار وهكذا
يعنى هتدور على عربيه فيها abs لانه مش هينفع يتركب و بعد كده تأمن العربيه بأنذار محترم و وحدات الفصل اللى هى نفس فكره الايموبلايزر

+1
الكلام ده من الاخر الله ينور عليك يا ا/شيكو
تحياتي

**AHMEDJUDDY** · 25-01-2015 07:49 PM

السلام عليكم ورحمه الله وبركاته ...
للاسف يا باشا البراند ده مافيهوش ايموبلايزر
ممكن تلاقي خليجي او وكيل عاليه شويه فيها الabs وبسمع انه في الكوري نظام فاشل
لكن الايموبلايزر متوجعش دماغك لانه منزلش في الموديل ده بالكامل
انا كان معايا واحده فضي مانيوال 2010 زيرو وغيرتها وجبت واحده اوتوماتيك سوداء 2011 زيرو
وبصراحه العربيه مافيهاش عيب . صاروخ ارض ارض . تكييف ثلاجه . صالون واسع .عاليه الي حد ما عن الارض.
كنت بقفل ال200 كم بصباع رجلي الصغير والله العظيم وتقول عايزه تاني لحد ال220ك.بس ال200 دي جربتها مره واحده علي الصحراوي بالليل . واعطالها نادره جدا .
عيبها الوحيد استهلاك البنزين عالي شويتين من 160 الي 170 كيلو في الصفيحه .

**holiel** · 25-01-2015 08:21 PM

لأ فية ايموبلايز فى الموديل دة الى هو هاى لأين خليجى ايرباج فتحة سقف جنوط اسبور سنسر ركن اشارات فى المرايات زورار تعلية النور وطبعا اوتو وعندى سيارة 2010 لكنabs منزلش منها فى مصر ولا الخليج جايز نزل فى امريكا او اوروباspecial order

**kamal_87** · 26-01-2015 01:16 AM

المشاركة الأصلية كتبت بواسطة ahmedjuddy

السلام عليكم ورحمه الله وبركاته ...
للاسف يا باشا البراند ده مافيهوش ايموبلايزر
ممكن تلاقي خليجي او وكيل عاليه شويه فيها الabs وبسمع انه في الكوري نظام فاشل
لكن الايموبلايزر متوجعش دماغك لانه منزلش في الموديل ده بالكامل
انا كان معايا واحده فضي مانيوال 2010 زيرو وغيرتها وجبت واحده اوتوماتيك سوداء 2011 زيرو
وبصراحه العربيه مافيهاش عيب . صاروخ ارض ارض . تكييف ثلاجه . صالون واسع .عاليه الي حد ما عن الارض.
كنت بقفل ال200 كم بصباع رجلي الصغير والله العظيم وتقول عايزه تاني لحد ال220ك.بس ال200 دي جربتها مره واحده علي الصحراوي بالليل . واعطالها نادره جدا .
عيبها الوحيد استهلاك البنزين عالي شويتين من 160 الي 170 كيلو في الصفيحه .

هو انا شوفت كذا عربية فيها ايمبولايزر بس مش كتر بس اغلبهم خليجى وطبعا انا اخترت الالنترا بعد مقارنات كتير فى رينج المبلغ اللى معايا ورسيت عليها فربنا يكرم بعربية تكون حالتها نضيفة وفيها اللى طالبة اما بالنسبة لاستهالك البنزين فغريبة جدا بالعكس العربية دى من احسن العربيات فى توفير البنزين لانها مع واحد صاحبى وموفرة جدا معاة سواء داخل البلد او فى السفر

**kamal_87** · 26-01-2015 01:19 AM

المشاركة الأصلية كتبت بواسطة holiel

لأ فية ايموبلايز فى الموديل دة الى هو هاى لأين خليجى ايرباج فتحة سقف جنوط اسبور سنسر ركن اشارات فى المرايات زورار تعلية النور وطبعا اوتو وعندى سيارة 2010 لكنabs منزلش منها فى مصر ولا الخليج جايز نزل فى امريكا او اوروباspecial order

شكرا لرد حضرتك يعنى ادور فى الهاى لاين الخليجى ولا الخليجى بشكل عام وياريت راىء حضرتك ادور فى انى موديل بالظبط من 2008 ل2011

**holiel** · 26-01-2015 07:22 AM

المشاركة الأصلية كتبت بواسطة kamal_87

شكرا لرد حضرتك يعنى ادور فى الهاى لاين الخليجى ولا الخليجى بشكل عام وياريت راىء حضرتك ادور فى انى موديل بالظبط من 2008 ل2011

طبغا تدور فى الهاى للاين خليجى ومن 2007 الى2011 ودة تلفونى لو عايز اى استفسار 01147043623 د.مصطفى هليل

الموضوع: الألنترا 2009 - 2010 - 2011

LinkBack

أدوات الموضوع

عرض

-

-

-

المواضيع المتشابهه

ستائر كبس 5 قطع جديدة لنيسان صنى 2009 - 2010 - 2011

ستائر كبس 5 قطع جديدة لنيسان صنى 2009 - 2010 - 2011

مطلوب لادا 2009 ,2010 , 2011 روسي فقط

إيه الفرق بين سيفيك 2009-2010-2011؟

هام : الي مالكي لانوس 2009 و 2010 و 2011

الكلمات الدلالية لهذا الموضوع

المفضلات

المفضلات

ضوابط المشاركة