استفسار عن سيات ابيزا ٢٠١٥ من ملاك السيارة

**mahmoudsaad87** · 24-01-2015 02:04 AM

السلام عليكم و رحمة الله و بركاته
نويت ان شاء الله ان اغير العربية عشان فيها مشاكل
و فكرت كتير و ناس نصحتنى بسيات ابيزا
و كنت عايز اسئل على حاجات فيها و ياريت اللى معاه موديل حديث منها يفيدنى
١- سمعت ان فى مشكلة فى الفتيس dsg بتاع السيات ابيزا ان دايما بيعمل مشاكل و خاصة فى الزحمة او زيادة درجة الحرارة
٢- تصنيع العربية اسبانى ولا المانى
٣- قطع الغيار اسعارها كويسه ولا غالية
٤- التوكيل بتاعها كويس ولا لآ
٥- هل فى مشكلة فى الفرامل بتاعتها
٦- تفضل ايه غيرها فى نفس الفئة السعرية و تكون افضل طبعا
٧- عفشة العربية ناشفة ولا ناعمة
٨- علو العربية عن الارض كويس بالنسبة للمطبات الفظيعة اللى عندنا
٩- تقفيل العربية كويس ولا لآ و خامات التابلوه و الفرش حلوة ولا لآ
اسف انى طولت عليكم بس اعذورونى انا عايز عربية مريحة و مشاكلها مش كتير

**ahmed.Elashy** · 24-01-2015 06:54 AM

الفتيس دا بتاع مجموعه فولكس واسكودا وسيات مش الابيزا لوحدها ومبقاش بيحصل منه مشاكل من تلات سنين فاتت بعد م اتعدل
التقفيل اسباني لان سيات اسبانيه المنشا. ولكن الموتور وجميع الاجزاء الماني .
قطع الغيار معتدله مقارنه بالكوري
التوكيل معقول مقارنه بالاخرين
لا بالعكس الفرامل ممتازه والحمد لله . الماني برده الفرامل
مفيش حد ف نفس سعرها ينفع تقارنها بيه الا البولو الهاتشباك و مبقتش بتنزل
العفشه مش ناشفه بس مش طريه اوي
العلو بتاعها كويس جدا
التقفيل جيد ومفيش تزييق غير نادرا فبر الباب
الخامات هتعجبك وابقي شوفها واحكم بنفسك هتلاقي كلها خامات نضيفه
احسن حاجه تروح تشوفها بنفسك وتعمل تست درايف
بالتوفيق