فى المنتدى اكثر من موضوع عن الماهيندار....
ممكن يبحث وهيعرف وجهات النظر المختلفة حول هذه السياره
ما بين مؤيد ومعارض للسياره
انا نصحته من وجهة نظرى .........
و هقولهاله تانى بلاش الماهيندار وليك الرأى الاخير بس اطلع على ما كتب فى المنتدى عن السياره
عرض للطباعة
انا احد ملاك الماهيندرا شارى العربية من فترة قريبة
انا معايا 2011 اتوماتيك سولار ماتور 2200 سى سى
العربية فى السفر حلوة لحد 120 كم بعد كده مينفعش تاخد مناورة لانها صعبة
الفرامل انا عندى abs وده تمام ومخليها حلوة بس بشتكى انها بتكفى لقدام
السفر بسافر مسافات طويلة بحكم شغلى ومش يتقصر معايا
سبب شرائي ليها انى زيك بدور على عربية تكون جيب وفى نفس الوقت عالية وتشيل وتحمل
وانا عن نفسي جربت حطيت فيها شغل كتير وماتور اوبل فيكترا والحمد لله طول ما انا بتعامل معاها بالراحة مفيهاش مشكلة
العربية فى الهند محققة مبيعات كتيرة وبقالها فترة طويلة واصحابها الهنود بيشكروا فيها جدا
انا قبلها كان معايا داتشيا نوفا البروفيل بتاعها كله على نايل موتورز فانا اسم العربية مش مهم معايا وبرضة اشترى ليك وللسوق مش شغالة معايا
مشكلتها الوحيدة ملهاش قطع غيار برة التوكيل زى الماتور (الجاز) البنزين عند اى حد بتاع رينو هتلاقيها وارخص من التوكيل كمان
الابواب الرفارف الاكصدامات واسعار التوكيل عالية جدا
الخامات الداخلية مش حلوة تحس انها بلاستيك كده والتابلوه بتاعها فقير
الشكل الخارجى مش مقبول مع بعض الناس مع انها مسالة اذواق
فى المرور بيرخم على العتب وانا اضطريت اشيله علشان ارخص
بالنسبة للرشاشات
الرشاشات عندى لما اشتريت العربية كان عندى مشكلة فى رشاش رقم 4
طبعا روحت البفارية وسمعت سعر الرشاش هناك 3000 جنيه على ايه مش عارف
طبعا سالت عليه بره طلع برضة بتاع ايسوزو انا مكنش عندى مشكلة غير استهلاك السولار الى كان زايد معايا اوى فى كل سفرية خصوصا انى اشتريت العربية وسافرت على طول بورسعيد
والحمد لله روحت سالت ميكانيكى راما وترامكو على موضوع الرشاش وكان رده انى روحت لحد فى البدرشين عنده جهاز بيكشف على الرشاشات والموضوع كله اتكلف 20 جنيه بس كان الرشاش محتاج يتركب صح ويتلف عليه تيفلون لمنع التسريب ولحد دلوقتى مفيش فيه مشكلة
بعض المعلومات الاضافية
العربية العفشة بتاعتها متوفرة برة التوكيل بس هاتجيب الحاجة بالشبه يعنى التيش الدريكسيون والمساعدين والجلب والحاجات هتفك وتاخد لفة وهتعرف فين
عايز تخلص على طول يبقا التوكيل على طول وهتاخد معاهم وقت
قطع غيار السولار موجودة بالنسبة للماتور والاقرب هوة ماتور الايسوزو بس هوة على رشاشات وماتور
ال2200 سي سي رشاشات كهربا
تكييف العربية اقدر اقول عليه ممتاز بجد وهوة زرار على الدرجة البسيطة وزرار للدرجة العالية low /HI وده ممتاز جدا
السرعة تسارع العربية سريع جدا وممكن تمشي بالعربية على سرعة 120 كم على RPM 2 وده برضة بالنسبة للعربية مش وحش
بالنسبة انك تشيل فى العربية حاجات هيا زى ماقال الاستاذ احمد فهمى هيا عربية نقل متقفله جيب يعنى شيل براحتك ولايهمك اى حاجة
الضريبة للسولار غالية شوية انا دفعت 2200 جنيه ضريبة للعربية فى السنة يعنى كل سي سي بجنيه تقريبا وده كتير جدا فى الضريبة
انا اولا بعتذر عن المتابعة لعدم وجودى على المنتدى لظروف عملى فتقبلو اعتذارى
ثانيا اشكر كل من شاركنى فى موضوعى بمعلوماتة المفيدة وعلى اهتمامة بالموضوع ومتابعته
ثالثا انا صرفت نظر على الماهيندرا لعدة اسباب اهمها اننى اتصلت على التوكيل وسالت على اسعار بعض قطع الغيار فاتضح انها مبالغ فيها جدا وبالرغم من هذا انها غير موجودة وهم فى انتظارها من الهند على سبيل المثال كرسى النص والفوانيس امامى وخلفى وعرفت كمان ان معدش بينزل منها زيرو وده موضوع يقلك وده خلانى اعيد التفكير فى حاجة تانيه
واكرر شكرى لكم جميعا على مجهودكم فى خدمة اخواتكم فى المنتدى
ولى رجاء ترك الموضوع مفتوح للنقاش والى عنده معلومة يقولها حتى يكون مرجع يساعد كل من هو يفكر مثلى لكى يقيم احتاجه من السيارة وياخذ قراره
اسف جدا على الاطاله واترككم فى حفظ الله ورعايته