اللي يقول انه اتوقف واتحول للتحقيق واتعمله الجلاشه ورموه من فوق البرج
ياريت يجيب لينك للخبر فيه اسمه ورتبته واسم السواق
غير كده يبقى مجرد خبر فشنك ولا اتوقف ولا حاجه
عرض للطباعة
من امن العقاب اساء الادب
وهو ده اللي انا بتكلم فيه
ما هو بعد ما اتشالو ع الاكتاف كانو بيمشو عريانين ايام الثورة وكانو بيخافو يلبسو الميري !
بالظبط ! اخرتها هيتنقل لمكان تاني ومش بعيد بعد كام شهر حد يتوسطله ويرجع اسكندرية تاني , مش بعيد لما يرجع يتح في مكان احسن من اللي كان فيه اصلا
احنا بقا نفسنا نوري الظباط ان صحابهم اللي بيغلطو بياخدو بالجزم
زي ما بيقولو اضرب السايب يخاف المربوط
اديني جيت ياحاج مصطفي ..صباح الخير ..طبعا سلوك مشين ومش كل الضباط بيتصرفوا كدة وعلي فكرة الضابط اتوقف وهيتجازي وجزاء صدقني اي ضابط يخاف يعمل كدة والاخطاء دى ممكن حدوثها من الضباط الصغار لكن مش هتلاقي عقيد او عميد او لواء بيعمل الكلام دة ولا حتي مقدم او رائد ....مماتحكمش علي تصرف ضابط شاب وتقول ضباط الشرطة وبيتعالوا وبيتنططوا ...للا دول اغلب من الغلب وربنا اعلم بظروف افراد وضباط الشرطة والجيش وناس بتتبهدل وتسيب اسرها وبيوتها علشان اها البلد تنام وترتاح .. مصطفي شغل الميري مش مريح ابدا ومش لذيذ وتحياتي لك وللجميع
ياطباح الفل ياعم بطوط ....مين قال بيرجع تاني وكوسة وكلام الاعضاء الجميل ...وواحد غلط وسيبك من ظابط اي اتنين بيتخانقوا في حادثة بيتعمل معاهم اية ..يياراجل حادث مروري وسواق التاكسي يعني مش الغلبان المسكين الطيب الهادي ولا ماعمالتوش حوادث قبل كدة مع سواقين تاكسي وميكروباص وتوكتوك كمان...سسيدي الفاضل القانون واضح وشجار بسبب حادث هو توصيف الواقعة واي محامي وبلاش انا يقولك عقوبة الحادث اية بالاضافة للجزاء الاداري من الوزارة..ييعني وعلشان نيقي عارفين الضابط بيتجازي مرتين جنائي واداري ومش معني انة مااخدش اعدام علشان كلبش السائق المسكين الطيب يبقيي مااتجازاش واللي يضحك ان فية اعضاء عايزين اسم الضتبط وسنة وجزاؤة وفصيلة دمة علشان حادث ....بالذمة دة كلام عاقل ولا يتقال اية والخبر علي النت وحادث وكام حادث بيحصل كل يوم .....االغلط في الاساس لقانون المرور وجميع القوانين المصرية والتي تحتاج للتغيير ومنها تعديل مواد العقوبات وتغليظ وتشديد بعضها زي مثلا ادراج عقوبة الاعدام لكل من يتعامل مع المخدرات بالبيع او التعاطي مثلا مش هتلاقي واحد بيقرب من المخدرات زي ما حصل في الصين وكذلك مع الاغتصاب والسرقة بالاكراةوموااد قانون المرور من مخالفات السرعة والسير عكس الاتجاة ورمي مخلفات البناء علي الطرق والقتل الخطا ووقوع الضرر علي الغير ...للما يتغير معيار العقاب كل مصري حيبقي مصري مش ظابط ومواطن ....ممادة مصري ودة مصري ..ببس بلطجة الحوار وتعاملتنا مع بعض هي المشكلة ....ااكرر تحيتي :b4_611:
ليا واحد صاحبي ابوه ظابط في الجيش
عمل اكتر من كده في امين شرطة مش مواطن عادي كمان :)
ولما دخل القسم مجرد ما قال عقيد فلان الفلاني : الف تعظيم سلام ويا باشا الامين د يتعمله محضر يودي امه في داهية !
يا صباح العسل يا اخ kaza
مبدأياً انا معاك في كل الكلام ده !
بس فيه كذا نقطة
الفكرة في موضوع انه بيرجع تاني مش في انه يتعاقب والقانون ياخد مجراه والخ الخ
الفكرة ان ممكن التحقيق نفسه يمشي كوسة ووسايط ! والظابط يطلع مش غلطان اصلا
والموضوع يتعكس عن طريق ثغرة ان مفيش محضر اثبات حالة ويقولك التاكسي كان هو اللي جي عكس والظابط كان ماشي صح وحاجات تانيه بس طبعا معنديش علم بيها لان دي بتبقى من اختصاص الوسايط مع بعضها وحضرتك عارف..
وبتحصل و حصلت مع ظابط قريبي كان متخانق مع وكيل نيابة والموضوع مشي وسايط وبالحب !
دي نقطة !
تاني حاجة انا مش هرد على نقطة السواق الطيب الغلبان
انا هخلي حضرتك اللي ترد !
شوف الفيديو , وشوف منظر الراجل و سنه
كنت قريت في خبر ان السواق عنده 68 سنه
تفتكر لو واحد عنده 68 سنه حصل معاه الموقف ده , هل من حكم سنه وحكمته هينزل يشتم شاب قد ابنه ممكن لو اداله قلم ينيمه ع الارض ؟
:arab:
المشكله مش في كل ده
المشكله اننا مش عايزين ظابط الشرطة او الجيش -ايا كانت رتبته- يعمل حاجة تأذي مواطن عادي بحكم انه ظابط ومعاه كارنيه !
يعني قانون ميري من بتاع الجيش يتنفذ في حالة خطأ ظابط الشرطة او الجيش !
يبقى الظابط هيمشي ع العجين ميلخبطوش
تحياتي لك وأحييك على اسلوبك المحترم في الرد-
ما اسلام نبيه اللي حط غصاية في مؤخرة عماد الكبير بعد ما اتسجن رجع لشغله تاني
عادشي خالص
ايه يعني يتوقف له كام يوم
في انتظار المبرراتي اللي هينزل لي بفيديوهات عنف الشرطة في بقية انحاء العالم