الموضوع: اقتراحتكم في نوع العربية المناسبة و جنسية السائق

المشاركة الأصلية كتبت بواسطة moustafa_saad

علاقة الجنسيه وده اللى كتبته فى التعليق الاول ان الاستقدام بالنسبه للسائقين والخادمات مسموح فقط للسعوديين وليس الاجانب علشان كده بسال
يعنى الاجنبى المقيم اللى زيى ما يقدرش يعمل استقدام لسائق او خدامه الا فى حالات معينه لو كانت مستثمر كبير مثلا وليها شروط اعتقد صعبه
لكن طالما جوزك سعودى يقدر يعمل استقدام لسائق او لو صاحب شركه او مؤسه فالموضوع اسهل كمان
بس دلوقتى كمان منعوا استقدام الافراد السعوديين للسائقين والخادمات وخلوا الموضوع كله عن طريق شركات بيتعاقد معاها السعوديين ويبقوا على كفالة شركة الاستقدام ويشتغل عند السعودى براتب شهرى تضمنه الشركه
وده بسبب سوء سمعة المملكه فى موضوع حقوق الوافدين فحبوا يغيروا من الوضع ده لان معظم المشاكل ناتجه من الكفالات الفرديه
افضل جنسيه حتريحك فى الموضوع ده عن تجربتى فى التعامل مع مختلف الجنسيات فى شركتنا هنا هى الفلبينى لانه منظم جدا وملتزم ودقيق فى كل حاجه بيعملها ومؤدبين جدا وبيعرفوا يتكلموا انجليزى ممتاز يعنى ممكن تتعاملى معاهم بسهوله غير الباكستانيين والهنود وكمان مالهومش الريحه العجيبه بتاعت الهنود والباكستان بس بشرط وحطى تحت شرط دى 100 خط انك تتعاملى معاه بالمللى يعنى تلتزمى بعقده تمام وتفتحيله حساب بنكى تودعى فيه راتبه كل شهر ومتتاخريش عن مرتبه نهائيا ولو يوم
وتلتزمى معاه بكل بنود التعاقد غير كده حتلاقيه بيستهبل معاكى وممكن اوى يروح السفاره يجيبلك مندوب فى ايده وتلاقيه جاى يعملكم قلق والسفاره بتاعتهم محافظه على حقوقهم تماما غير سفارتنا خالص
احنا دفعنا 10000 دولار غرامه لتلاته فلبينيين علشان انهينها عقدهم قبل مدته بسنه

بالنسبه للعربيه الهيونداى هنا واكله الجو دلوقتى ممكن تشوفى الينترا او سوناتا حتلاقيها فى حدود القسط اللى انتى محدداه
البنزين رخيص يعنى كبيرك 100 ريال فى الشهر وصيانه العربيه كل 10000 كيلو فى التوكيل بحوالى 500 الى 800 على حسب نوع الصيانه
مرتبه على حسب الاتفاق معاه واعتقد مش حيعدى 2000 ابدا
ساعات العمل الرسميه لمكتب العمل 8 ساعات يوميا بس طبعا السائق الخاص ده ملوش مواعيد ثابته ولازم يبقى فاهم كده

بالتوفيق

بشكر حضرتك على الإفادة و هفكر في الهيونداي مع انها مش عجباني زي الفيات

بس بخصوص موضوع الجنسية لو زوجي بنفس مؤهلة اجنبي هيقدر يستقدم سائق خاص عادي

لان الاجانب بيستقدموا عادي خدم لو مهنته مهندس او دكتور

والمرأة الاجنبية لو عندها ابن او بنت او ابناء سعوديين ومطلقة او ارملة من حقها تستقدم سائق على اسمها