استيراد عربية نصين بنفسك

**sohbamody** · 24-01-2015 04:18 AM

يا جماعه سؤال ليه مستوردش انا عربية من برة نصين لنفسى ؟

بتكون ارخص من التجار طبعا ولما عربيتى تجيب اخرها اخد منها قطع غيارها لعربيتى مش الموضوع انك تضرب ورق او خلافه يعنى مثلا العربية كرايسلر نيون قطع غيارها نار والتجار بتوعها جشعين ليه منشتريش عربية من بره استيراد ونخليها قطع غيار فى حاله ان الموتور فوت مثلا معاك انت بتركب الموتور بتاع النص القدامانى بكل مشتملاته ارخص بكتير من انك تاخد من تاجر استيراد النص وخصوصا فى العربياات الامريكانى لان العربيه دى اصلا ببلاش برة

مثال تانى العربيات الاوالبولو وغيرها لو عربيتك جابت اخرها ليه مشتريش نص كامل من بره واركبه عندى واو اجيب العربيه كلها والباقى ابيعه قطع غيار لواحد عامل حادثة لقدر الله من ورا
او افضى الفوانيس الهلفيه والشنطه وكل الى فيها فى عربيتى وكل ده بتمن النص القدامانى بس فى الحرفيين

**م أحمد** · 24-01-2015 07:02 AM

ليه مصر مش بتصنع عربية ؟

يع بعد تفجير احدى مديريات الامن و القرار بعدم استيراد انصاف السيارات تم التراجع عن القرار ؟

لو عرفت اجابة السؤالين تعرف امكانية اللى بتقوله و مدى سهولته

و لتسهيل الاجابة :

انها فسادستان

**alzelafy** · 26-01-2015 04:26 AM

فى تجار بيعملو كدة اللى هما اصلا بيوزعو الشغل على الحرفيين و هى دى وظيفتهم بيسافرو و يقطعو كام عربيه و يشحنوهم و ييجوا مصر و يبيعو للتجار و بيكسبو كويس بردو .... انا شارى من سنتين باسات موديل 2000 ب 8500 ج عربيه كامله بس مقطوعه نصين خدت منها الموتور و العفشه و باقى العربيه مرميه فى المخزن .... و العامل اللى كان شغال مع الراجل قالى عربيتك جايه من ايطاليا بما يعادل 3500 جنيه مصرى و هو ادهالى ب 8500 و كان عامل نفسو خسران و كان جاى معاها طقم جنوط 16 الاصلى ابو 3000 ج ..... طبعا الكلام دة كان من بورسعيد ........ز انتا تسال مين بيسافر فى الحرفيين و تروحلو و تتفق معاة و يقطعلك العربيه اللى انتا عاوزها

**Emadalkhwaga** · 15-03-2015 01:10 AM

سوال محتاج لمساعدة
العربيه عندى فيها شغل سمكره كتير اوى + الزوايا كل ماظبطها تخلف وكمان العفشه عايزه تتغير كلها
فنصحونى اغير نص كامل
هل اغير النص العربيه هتبقا كويسه وكدة ولا اعمل ايه

**MaZaGAngeE** · 15-03-2015 05:03 AM

ايوة… .. ازاي بقي ندخل العربية متقطعه مصر ?
ايه الاجراءات القانونية ?

**amr011111** · 15-03-2015 07:50 AM

متابع

**ahmed_eng2001** · 16-03-2015 09:32 PM

على حسب معلوماتى القديمة ... فيه قرار بمنع استيراد العربيات نصفين ... هل القرار ده لسة شغال و لا اتلغى ؟؟؟

**MaZaGAngeE** · 17-03-2015 07:10 AM

القرار ده اتعدل من منع للسماح بالاستيراد بشرط ان الموتور يكون لوحده مش راكب علي شاسيه…

**ahmed_eng2001** · 17-03-2015 08:51 AM

المشاركة الأصلية كتبت بواسطة mazagangee

القرار ده اتعدل من منع للسماح بالاستيراد بشرط ان الموتور يكون لوحده مش راكب علي شاسيه…

جميل جدا

اهم حاجة ان حضرتك تعرف احد الاشخاص فى البلد الى حتجيب منها العربية .... و ده فى الغالب بيكون تاجر متخصص ....علشان هو الى حيشترى العربية ... و يقوم بنزع الزجاج الامامى و الخلفى و الابواب ... و الموتور ( طبقا للتعديل ) .. ده فى حالة العربيات الى على شاسيه ... زى عربيات الدفع الرباعى .... و مش عارف ايه اخبار العربيات الى مش على شاسيه ....و هو من يقوم بالشحن فى احد الكونتينرات ... و حضرتك تستقبلها فى الميناء و تقوم بدفع الجمرك
و فى انتظار بقية الاراء