قلب مفتاح الباب لفيكترا b1

**ghamry** · 24-01-2015 09:42 AM

هل ممكن تغيير قلب مفتاح الباب لو اتكسر من جوه لانه بيلف فى اتجاه الفتح على الفاضى ولم يفتح اللوك ولو تم تغيره ممكن يتظبط على نفس المفتاح الاصلى بتاعها ولا لابد من تغير الكونتاكت والشنطه معه وفاتيح جديده ياريت لو كان اتكسر من جوه يتم تغيره او اصلاحه على نفس المفتاح ولو حد يعرف حد كويس يعمل يصلح قلب المفتاح على نفس المفتاح يرسل رقمه او عنوانه علشان مش عايز ادخل فى موضوع تغير الكونتاكت والشنطه والمفتاح الاصلى وشكرا للزملاء المشاركين

**sunsonson** · 24-01-2015 03:24 PM

بيلف علي الفاضي بس بتحس ان المفتاح بيعشق في البنزات الداخليه يبقي القلب سليم وممكن يكون الوصله من القلب للطرمبه بتاعه الباب قطمت او سقطت من مكانها .
انما لو المفتاح ناعم قوي او ممكن تدخل اي مفتاح مكانه ويلف عادي يبقي القلب نفسه وده بيتباع استراد ب ١٠٠ جنيه وبتوديه لبتاع مفاتيح يشفرهولهك علي المفتاح بتاعك وبياخد بتاع ٥٠ جنيه بس اشرط عليه يركب الست شفرات مش اتنين تلاته عشان تكون اكثر حمايه .

**ghamry** · 24-01-2015 04:11 PM

المشاركة الأصلية كتبت بواسطة sunsonson

بيلف علي الفاضي بس بتحس ان المفتاح بيعشق في البنزات الداخليه يبقي القلب سليم وممكن يكون الوصله من القلب للطرمبه بتاعه الباب قطمت او سقطت من مكانها .
انما لو المفتاح ناعم قوي او ممكن تدخل اي مفتاح مكانه ويلف عادي يبقي القلب نفسه وده بيتباع استراد ب ١٠٠ جنيه وبتوديه لبتاع مفاتيح يشفرهولهك علي المفتاح بتاعك وبياخد بتاع ٥٠ جنيه بس اشرط عليه يركب الست شفرات مش اتنين تلاته عشان تكون اكثر حمايه .

متشكر ليك جدا ان شاء الله لما افتح العربيه هاأقولكم عملت ايه وطلعت المشكله فى ايه ويارب مايكون القلب اتكسر من الداخل وتكون حاجه بسيطه لانى مش عايز اغير مفاتيح العربيه الاصليه
الف الف شكر لك ياأخى الفاضل

**ghamry** · 24-01-2015 04:16 PM

أسف ياجماعه على السؤال التافه ..كيف يتم فتح الشنطه بالمفتاح هل لازم نلف المفتاح فى اتجاه معين

**elpasha1** · 24-01-2015 04:21 PM

ممكن حل نفس المشكلة فى اوكتافيا
بمعنى ان المفتاح بيفتح الكونتاكت بس لكن الابواب والشنطة لا

ولو عاوز اغير جميع البيبان والكنتاكت بمفتاح جديد بتكون الموضوع سهل ولا صعب والتكلفة اد اية

**sunsonson** · 24-01-2015 07:41 PM

المشاركة الأصلية كتبت بواسطة elpasha1

ممكن حل نفس المشكلة فى اوكتافيا
بمعنى ان المفتاح بيفتح الكونتاكت بس لكن الابواب والشنطة لا

ولو عاوز اغير جميع البيبان والكنتاكت بمفتاح جديد بتكون الموضوع سهل ولا صعب والتكلفة اد اية

امامك حل من اتنين تجيب طقم كامل بالمفاتيح كونتاكت وباب وشنطه بس هيكلف ....
او تجيب قلب الباب وقلب للشنطه وتشفرهم علي المفتاح وطبعا متجيش جمب الكونتاكت طالما شغال بالمفتاح عادي .

**sunsonson** · 24-01-2015 07:43 PM

المشاركة الأصلية كتبت بواسطة ghamry

أسف ياجماعه على السؤال التافه ..كيف يتم فتح الشنطه بالمفتاح هل لازم نلف المفتاح فى اتجاه معين

طبعا تضغط وتلف يمين او شمال علي حسب فتحت القلب .

**medosalah** · 25-01-2015 03:27 AM

المشاركة الأصلية كتبت بواسطة elpasha1

ممكن حل نفس المشكلة فى اوكتافيا
بمعنى ان المفتاح بيفتح الكونتاكت بس لكن الابواب والشنطة لا

ولو عاوز اغير جميع البيبان والكنتاكت بمفتاح جديد بتكون الموضوع سهل ولا صعب والتكلفة اد اية

انا كان عندي الشنطه مش بتفتح يمفتاح العربيه

رحت لواحد في السابع بتاع ابواب ومفاتيح وفك قلب الشنطه وقعد يغير في اجزاء فيه والمفتاح بتاع الكونتاكت بقي يفتح الشنطه عادي