| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
النتائج 1 إلى 8 من 8

  1. #1

    الصورة الرمزية al_manara

    رقم العضوية : 1746

    تاريخ التسجيل : 14Aug2007

    المشاركات : 3,208

    النوع : ذكر

    الاقامة : القاهرة

    السيارة: .......

    السيارة[2]: Hyundai Excel GLS

    دراجة بخارية: .......

    الحالة : al_manara غير متواجد حالياً

    Post حادثة 25 يناير (مقاله) - Facebook Twitter whatsapp انشر الموضوع فى :

    hasad">

    أتذكر عنوان مقالى يوم 25 يناير 2011 فى جريدة «الشروق»: «كم يكفى لإحداث ثورة؟»

    ويبدو أن الإخوة الثورجية افتكرونى سأؤيدهم أياً ما كان قرارهم حتى لو ضد مصلحة البلد، فكتبت فى نفس الجريدة فى 8 أبريل 2011 قائلاً: «آخر عمود فى البيت» بأقول لهم فيه إوعوا تكونوا فاكرين إن الثورة تعنى هدم كل المؤسسات، بما فيها الجيش. الجيش آخر عمود فى البيت والتعامل معه يكون بحرص شديد.

    وفى استفتاء مارس 2011 على تعديلات دستور 1971 قلت «نعم» وأوضحت أن دستور 71 بيمنع قيام الأحزاب على أساس دينى أو بمرجعية دينية يعنى المفروض، بفرض العقلانية والمنطق، أن من يدافع عن بقائه مع تعديلاته هم المدنيون والليبراليون ولكنهم قالوا «لا لترقيع الدستور» وبعدين «رقعونا» دستور هم الآن يشتكون منه ويقولون يا ريتنا كنا حافظنا على دستور 1971 وعدلناه مثلما فعلت دول كثيرة أخرى غلبت الاستمرارية المتطورة على التغيير المتعجل.

    ساعتها، ما كانش يفرق معايا نمشيها «برادعى» أو نمشيها «بشرى» يعنى الدستور أولاً وفقاً للبرادعى (مع أنى مش عارف ده كان هيحصل إزاى لأن الدستور فى كل الأحوال سيكون لاحقاً على تحديد من يكتبه أو يعدله) أو الانتخابات أولاً وفقاً للبشرى. المهم اللى نتفق عليه ننفذه. لكنها لا مشيت «بشرى» ولا مشيت «برادعى»، دى مشيت «طنطاوى». وصدر الإعلان الدستورى العظيم اللى خلانا نمشى بخطوات «نعم» بس بسرعة «لأ» وتساوت «نعم» مع «لا» والشعب المصرى أخذ أحلى سكحاية.

    ولما وصل الإخوان للسلطة، كان الإبداع فى قمته. رئيس عجيب، ونخبة غريبة، وشعب مخه دوحس، والإعلام يصوّت، والرجالة تحدف طوب، والستات تعيط، والشعب يريد إسقاط النظام، وحبة فوق وحبة تحت، وأنا لما ألاقى الغباء سيد الموقف أحط الجلابية فى سنانى وأجرى.

    وأى حد عاقل فى الفترة دى وما كانش شرب من نهر الجنون كان بيتقال عليه كل حاجة وعكسها: إخوانجى، أمنجى، وعسكرجى، وبردعاوى، ومتلون، ورمادى، وبيلعب على كل الحبال، وتجيبها كده تنور وتجيبها كده تنور والأربعة بأربعة صاغ. والشعب دماغه انضربت فى الخلاط.

    بس فيه تطور ملحوظ حصل للشباب بتوع الإخوان «المسلمين» ومؤيديهم اللى كانوا بيخشوا يسبوا «الدين» على الصفحة بتاعتى توقفوا. أنا قلت يمكن الدنيا برد، أو اتقبض عليهم، أو عشان أنا لما قلبت الصورة بتاعتى على الفيس بوك (أنا قلبت الصورة وبقت دماغى تحت ورجلى فوق، قلت عشان أفهم). غالباً هُمَّ فهموا إن أنا قلبت الصورة عشان أقول إنه «انقلاب» بس مكسوف أقول مثلاً.

    سألتنى «أم ميئش»، قطتى العزيزة السؤال التالى: «يا موع موع: هو 25 يناير ثورة ولا مؤامرة؟» فقلت لها بلا تردد: «هو حادثة». مصر عملت حادثة فى 25 يناير.

    حادثة طلعنا كلنا منها مصابين. وبعد ما خفينا سألنا أنفسنا «هو فيه إيه؟» وكانت النتيجة أننا عملنا ثورة شبهنا، فيها ما فينا من عشوائية وارتجالية ولا منطق. وعلى هذا بدأنا نرجع إلى الناس اللى كانوا بيحكمونا قبل الثورة عشان نتمنى عليهم أن يخلوا تلاميذهم واللى اتعلموا على إيديهم يحكمونا. ومن هنا أطلق عليها «موع موع»: «أعظم ثورة دائرية فى التاريخ».

    بعد أن عشنا وشاهدنا وشاركنا فى حادثة 25 يناير وما ترتب عليها، أسألك سؤالاً: بفرض أن الأحداث عليها «Pause» قبل 25 يناير بيوم، أى إن شريط المباراة متوقف، مين من مصلحته أن يشغل المباراة لتنتهى إلى ما انتهينا إليه، من الآخر مين طلع كسبان من كل اللى حصل ده؟ «البرادعى» ورفاقه، «حمدين» ورفاقه، «مبارك» ورفاقه، «الشاطر» ورفاقه، «طنطاوى» ورفاقه، «أم محمود» بتاعة الخضار ورفاقها. مين هيطلع كسبان، لو ضغطنا «play»؟!

    ولا حد، عشان كده هى «حادثة» غير مقصودة هى «توء سفاهم» كبير (سوء تفاهم يعنى). البلد وقعت فى بعض، ومات اللى مات، واتحرق اللى اتحرق، وضاع اللى ضاع. ولو كانت ثورة، فهى أعظم «ثورة دائرية فى التاريخ» ولو كانت حادثة: نحمد الله على السلامة يا مصر.

    لكن فى كل الأحوال: ما تعملوش كده تانى.

    انتظروا المزيد من الكلام الفاضى ده فى كتابى المقبل: «حادثة 25 يناير: أعظم ثورة دائرية فى التاريخ». والعنوان ممكن يتغير لأن «أم ميئش» لسة مش موافقة عليه.


    http://elwatannews.com/news/details/647289


  2. #2

    الصورة الرمزية mostafabakry

    رقم العضوية : 798

    تاريخ التسجيل : 27May2007

    المشاركات : 1,591

    النوع : ذكر

    الاقامة : Qena

    السيارة: Peugeot 505 station1982

    السيارة[2]: Renault Logan MCV 2009

    دراجة بخارية: لا يوجد

    الحالة : mostafabakry غير متواجد حالياً

    افتراضي -

    معتز عبدالفتاح !! من الناس اللي انا اتخدعت و اتصدمت فيها

    لم أعد اثق في احد

    ياااااااااااااا رب


  3. #3

    الصورة الرمزية MaZaGAngeE

    رقم العضوية : 19004

    تاريخ التسجيل : 14Sep2008

    المشاركات : 5,735

    النوع : ذكر

    الاقامة : El-menya

    السيارة: Lancer 1993 & VW 1964

    السيارة[2]: نيسان صني فيس لفت

    دراجة بخارية: هانكو 150

    الحالة : MaZaGAngeE غير متواجد حالياً

    افتراضي -

    25 يناير حادثة ....
    بقى خروج الشعب على لصوص العسكر و التخلف و الموت بالمبيدات و الفساد وانهيار التعليم و الرشاوي و المجاري و الجمارك و الصناديق الخاصة و الضرايب و ضريبة المبيعات و الضريبة العقارية و المياه الملوثة و الطرق الخربانة و .........

    كل ده كان حادثة ؟
    الحادثة فعلا هيه ان شوية مرتزقة زي معتز و غيره من نشطاء السبوبة افتكؤناهم رجالة و شرفاء و في الاخر طلعوا العيال بتوع عباس ...

    [mshosh2]http://www.4shared.com/photo/lCkSz74F/morsee.html[/mshosh2]


  4. #4

    الصورة الرمزية abou-yahia

    رقم العضوية : 13633

    تاريخ التسجيل : 26Jun2008

    المشاركات : 5,636

    النوع : ذكر

    الاقامة : Cairo

    السيارة: Optra 2007 AT

    السيارة[2]: Pegeout 406 2004

    دراجة بخارية: لا يوجد

    الحالة : abou-yahia غير متواجد حالياً

    افتراضي -

    راجل يتصف بالموضوعية والمنهجية الفكريه

    Sent from my SM-N900 using Forum Runner



    afrtow سابقاً
    [B]
    [gdwl] الإمام الشافعي
    إني رأيت وقوف الماء يفسده * * * إن ساح طاب وإن لم يجرِ لم يطبِ
    والأُسد لولا فراق الأرض ما افترست * * *والسهم لولا فراق القوس لم يصبِ
    والشمس لو وقفت في الفلك دائمة * * * لملّها الناس من عربٍ ومن عجمِ[[/gdwl]/B]


  5. #5

    الصورة الرمزية 4fun14

    رقم العضوية : 140160

    تاريخ التسجيل : 10Apr2013

    المشاركات : 976

    النوع : ذكر

    الاقامة : مصر

    السيارة: لانسر شارك

    السيارة[2]: دايو لانوس

    الحالة : 4fun14 غير متواجد حالياً

    افتراضي -

    ايه التخريف ده؟! وعاوز يقول ان مفيش حد كسب من 25 يناير؟ اصل انا اعرف طرف كسبان.. والكل عارفه مش انا لوحدي.. مش هكلف نفسي اضغط اللينك عشان اعرف مين حمار الجر اللي هفلط الهفلطة دي


  6. #6

    الصورة الرمزية tkamal

    رقم العضوية : 91

    تاريخ التسجيل : 23Apr2007

    المشاركات : 584

    النوع : ذكر

    الاقامة : الرياض

    السيارة: نيسان

    السيارة[2]: كورولا

    دراجة بخارية: لا

    الحالة : tkamal غير متواجد حالياً

    افتراضي -

    اللى فى الحكم حاليا طبعا هو اللى هيحب يدوس "play "


  7. #7

    الصورة الرمزية TIGER@21

    رقم العضوية : 170517

    تاريخ التسجيل : 10Jan2015

    المشاركات : 173

    النوع : ذكر

    الاقامة : مـصر

    السيارة: لايوجد

    السيارة[2]: BMW 2013

    الحالة : TIGER@21 غير متواجد حالياً

    افتراضي -

    الظلم بين قوى
    نظام مبارك رجع بقوة بفضل المخدوعين عبر وسائل الاعلام

    عليه العوض

    فى انتظار ثورة من عند الله علشان الناس تفوق


  8. #8

    الصورة الرمزية hugan

    رقم العضوية : 25254

    تاريخ التسجيل : 15Nov2008

    المشاركات : 11,512

    النوع : ذكر

    الاقامة : القا هره

    السيارة: شاهين 1400 /97

    السيارة[2]: 516.2008 تيجو2013

    دراجة بخارية: دايون 150

    الحالة : hugan غير متواجد حالياً

    افتراضي -

    hasad">

    مفيش فايده
    عليه العوض ومنه العوض

    ياتقول كلام في محله يا تقول حلو ياحلو
    http:///photos/a.879931698703941.107...370587/?type=1



 

المواضيع المتشابهه

  1. 25 يناير - 28 يناير - 11 فبراير هتبقى اعياد ايه السنة الجاية ؟
    بواسطة elbeheri في المنتدى المنتــــــدى الاجتمــاعى
    مشاركات: 8
    آخر مشاركة: 10-01-2012, 12:58 PM
  2. مقاله بلال فضل
    بواسطة abou-yahia في المنتدى المنتــــــدى الاجتمــاعى
    مشاركات: 10
    آخر مشاركة: 28-07-2011, 03:06 AM
  3. فورميلا الأهرام 2008 - 24 يناير - 28 يناير
    بواسطة cpt_shawky في المنتدى المنتــــــدى العـــــــــــام للسيــارات
    مشاركات: 45
    آخر مشاركة: 03-02-2008, 03:39 PM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2