مشكلة فى تدوير الشاهين الصبح.....يا ريت مساعدة ضرورى

**celine_back** · 05-11-2008 07:21 AM

الصبح والعربية باردة لما ادور بتدور من اول مرة لكن بعد كام ثانية تبطل مع انى دايس بنزين عادى وتعمل كدا تلات اربع مرات وبعدين تشتغل عادى ....ولو مش سخنتها كويس وطعت بيها بدرى شوية تلاقى العربية زى ما تكون هتبطل وهى ماشية فى الاول ولا اكنها بتاخد بنزين وبعدين تمشى عادى ..... يا ترى دا عيب ايه؟انا معايا شاهين 2003 1400 سىي سى

**sherif_84** · 06-11-2008 07:31 AM

ماتقلقش ياباشا دى طبيعة الشاهين لما تكون باردة وحصل معايا الموقف ده فى الشتاء اللى فات مرتين عشان ماكنتش باكبس بنزين كفاية وانا بدور العربية يعنى لما تدور بس من غير ماتكبس شوية بنزين لازم هتبطل وبعدين ماتتحركش بالعربية الا بعد تسخينها 5 دقايق على الاقل لان الشاهين لو دورت و مشيت بيها عالطول يحصل زى ما انت قلت تحس ان العربية هتبطل منك او تحس انها بتقطع وهى ماشية
كل الكلام ده عادى عشان الموتور لسه بارد يعنى ماتقلقش مافيش حاجة وموتور الشاهين بيحب الحرارة العالية ( دى طبيعة مواتير الفيات )حتى تلاقى الشاهين بتديلك افضل اداء عند الحرارة 90

**ayman 2010** · 06-11-2008 12:08 PM

يا ريت بقا بالمرة حد من الأعضاء الكرام يقولنا الثرموستات بتاع العربية الأصلى المفروض كام لأن فية
ناس كتير مختلفة فى الموضوع دة وان اولهم

**ab_1090** · 25-11-2008 03:22 PM

انا من ملاك الشاهين الحديث وعايز اعرف هوا المفروض او الطبيعي يكون عداد rbm علي كام عشان عندي شكله مش مضبوط بيعلي ويوطي
معلش ياجماعه علي الاطاله بس بجد عمله مشكله

**smsmsmsm1983** · 11-12-2008 10:40 PM

اولا بالنسبة لفصل السيارة منك صباحا ياريت تكشف على نوع البوجيهات مناسبة للشاهين ولا لا
بالنسبة للزميل اللى بيسال عن عداد rpm عند التدوير صباحا والسيارة باردة يكون عالى اعلى من 10 حوالى 11 او 12
لكن بعد ما تسخن والزيت يتفرد بيقل ليصبح 10 او اقل