تحذير من التعامل مع رايه شوب-اونلاين ستور

**mohamed hussei** · 25-01-2015 09:44 AM

بتوع ارامكس مش بيتصلوا اساسا مرة كنت نازل بالصدفة لقيت البواب بيناديلي المندوب بيسأل عليا

**SeiffoZ** · 25-01-2015 11:26 AM

اشتريت من امازون امريكا حاجة وشحنتها على مصر باستخدام ارامكس شوب اند شيب.

اجمالى الزمن 20 يوم

10 من امريكا لمصر، 10 ايام من مصر الجديدة للمهندسين.

**lonedoctor** · 25-01-2015 11:32 AM

نفس الموقف حصل لى مع موقع jumia اشتريت سلعة ودفعت مقدما وبعد 15 يوم لا حس ولا خبر ولا بيردوا على التليفونات وبعد كام ايميل لخدمة العملاء ظهرت المشكلة ان الباشوات بتوع ارامكس ردوا الشحنة للبائع بدون اى سبب او اتصال
انا فى السعودية لما باشترى اى حاجة فى خلال 4 ايام تكون السلعة فى ايدك فاهمين يعنى ايه؟
ولازم تجيلك رسالة على الجوال تعرفك شحنتك وصلت لفين واسم المندوب ورقم تليفونه وتتفق معاه على الوقت بالظبط اللى انت فاضى فيه يجيلك يسلمك الشحنة
ولو اشتكيته يبقى نهاره اسود
ماااسر بقت عزيمة اوى

**أبو آسر** · 25-01-2015 11:40 AM

في شركة مع إنها مش في شهرة أرامكس وفيديكس والشركات الهجص دي إلا أني تعاملت معها كتير وكانت التجربة إيجابية جدا وهي شركة ميدل إيست
بس المشكلة إن الأونلاين ستورز فعلا بيجبروا الواحد على التعامل مع شركة معينة وغالبا بتكون أرامكس !

**mk3** · 25-01-2015 02:51 PM

اللى كتير مش عارفينه ان الشركة رقم 1 فى مصر وكل شركات الشحن بتتعامل معاها من الباطن وبتسلم تانى يوم صباحا فى اى محافظه وعندها فى كل محافظه بدل المكتب 3 وعندها اسطول عربيات ضخم جدا وعندها فروع فى القاهره 24 ساعه وعندها طيران لمحافظتين الاقصر واسوان
عارفين شركة ايه : شركة ميدل ايست

**Karim_Monir** · 25-01-2015 05:29 PM

اللي خلاني متضايق جدا ان ارامكس موجوده كل يوم في شركتي وانا شحنت علي عنوان شركتي
وبقيت انزل اسئل المناتديب ليا شحنه معاكو يوقول لاء
لان في مكتب tnt جوه الشغل عندي وبيستلم شحنات المبنى كله من اي كورير
بجد من اسوء التجارب ليا