تحذير من التعامل مع رايه شوب-اونلاين ستور

**Karim_Monir** · 25-01-2015 01:02 AM

السلام عليكم ورحمه الله
كنت عايز اشتري شاشه كمبيوتر اتش دي وعشان انجز في الوقت قولت اشتريها من الاونلاين ستور بتاع رايه شوب
وللاسف كانت غلطه عمري
اكتر من 15 يوم محدش عبرني وانا اللي بكلمهم كل يوم وهانبعت ميل ونرد خلال 48 ساعه
وبعد الاسبوعين يدوني رقم البوليصه بتاعت ارامكس
عبثا احاول افهم اي بني ادام فيهم اني مش انا المالك للشحنه وبالتالي ماليش حق اكلمهم لكن مبيفهموش فعلا
عملت كومبلين وبدات المتابعه من استاذه زينب من خدمه العملاء لمتابعه الكومبلين
ارامكس حطت الوردر هولد عشان كاتبين خرجو لتسليم وملقونيش
وانا مستحيل يجيلي تليفون ولو مردتش مرجعش اكلمه
خاصه وانا مستني مكالمه تسليم
ومواعيد التسليم والعنوان ده عنوان شركتي
والاظر ان ارامكس بتيجي عندنا كل يوم مرتين الصبح واخر النهار
وبيني وبين مركز التوزيع بتاعهم 4 دقايق بالعربيه
ويوم الاربع اللي فات 21 يناير كنت قرفت فعلا وجبت اخري وكلمت استاذه زينب تاني من خدمه العملا وبلغتها تبدء تعمل ريفند للشحنه لاني مش عايزها
قالتلي وعد الصبح هاتكون على مكتبك
وطبعا عدى الخميس والجمعه والسبت النهارده وصلت لشحنه في حاله يرسى لها نتيجه انها مرميه هولد في ارامكس من يوم 13 يناير
متخيلين حجم المعاناه
انا لو مشتريها من امازون امريكا واتشحنت من الصين لامريكا لمصر مش هاتقعد الوقت ده كله
ودي كانت اول واخر تجريه ليا مع رايه ستور ودقايق وهاكتبلكم تجربه تانيه ايجابيه

**Karim_Monir** · 25-01-2015 01:25 AM

معذره انا ميخصنيش شركه الشحن ايه وطول ما الشحنه موصلتنيش وممضتش استلام الشحنه بتاعته لانه هو اللي اختار الشاحن وليس انا
انا بشتغل في المشتريات الاجنبيه من سنين
وعارف الصول صح لكن هنا مفيش اي قواعد

**EngAhmedSayed** · 25-01-2015 02:21 AM

هو دة حال اغلبية الشركات سواء شركات بتسوق منتج او شركات شحن

**Nader** · 25-01-2015 02:57 AM

ارامكس خدمتها في مصر سيئة جدا جدا جدا
قدمت فيهم قبل كدة عشرات الشكاوى في عشرات الاوردرات اللي كنت طالبها قبل كدة من أماكن مختلفة
وفي كتير من الحالات بتيجي الشحنة في حالة سيئة جدا ومرة وصلت متضرره
دايما بطلب خصوصا لو بشتري اجهزة لابتوب او موبايلات لان معاملتهم مع الشحنات غير ادمية بالمرة
واكتر من مرة ابعت لموق زي سوق دوت كوم اطلب منهم توفير شركة شحن بديلة حتى لو بمصاريف
اعلى بس على الاقل يكون للمشتري الحق في اختيار شركة الشحن اللي بيدفع مصاريفها
اخر اوردر طلبته من سوق يوم 25 ديسمبر وصل 15 او 16 يناير يعني لو كان من الصين كان وصل
فعلا والسبب ارامكس استلمت الشحنة تاني يوم من البائع وكل يوم يكتبوا خرجت الشحنة للتسليم الصبح واخر
اليوم يكتبوا تعذر الوصول للعميل لمدة 20 يوم مع ان هما 2 او 3 مندوبين توصيل اللي بيوصلوا كل مرة
وحافظين المنطقة ووصلوا لنفس العنوان عشرات المرات

بس في الاخر هرجع واقول ان البائع هو المسؤول عن الشحنة وتوصيلها وعليه تحمل النتائج وعواقب اختيارة لشركة
الشحن

**Nader** · 25-01-2015 03:02 AM

المشاركة الأصلية كتبت بواسطة a_h_m_a_d

هو بس عشان منظلمش رايه قوي ، هي فعلا المشكلة بتبقى مع شركة الشحن ، وانا بحكم اني مدمن شرا من النت عموما وسوق دوت كوم خصوصا ، احيانا بتيجي الاوردرات تاني يوم مابطلبها ، خصوصا لو شحنتها علي عنوان الشغل في المهندسين ، اما لو شحنت علي عنوان البيت في حدايق القبه هنا بيبدأ الاستهبال
وانا كان ليا تجربه مع ارامكس تحديدا اشتريت ساعه من سوق وقعدوا يأخروا في التسليم لغايه ماجبت اخري ، كانت الشحنه بقالها عندهم عشر ايام ، فقمت باعت ميل شكوي لادارة ارامكس وكل المديرين اللي فيها ، مفيش نص ساعه لقيت مسئولة كبيره من خدمة العملا بتكلمني وبتعتذر ، الكلام ده كان الساعه ٥ ، الساعه ٧ لقيت المندوب عندي في البيت بيسلمهالي وبيعتذر هو كمان ، يعني من الاخر التأخير ده بيكون ..... من مندوبي التسليم نفسهم لان البهوات بيأنتخوا ويركنوا الحاجه عندهم ويكتبوا في التراكنج انهم راحوا وملقوش حد

يا ريت تبعتلي الايميل اللي بتبعت عليه الشكاوي لان الفورم بتاع الشكاوي الموجود على الموقع بياخد لوحدة يومين عمل على ما بيتم الرد عليه

الموضوع: تحذير من التعامل مع رايه شوب-اونلاين ستور

LinkBack

أدوات الموضوع

عرض

تحذير من التعامل مع رايه شوب-اونلاين ستور - انشر الموضوع فى :

-

-

-

-

المواضيع المتشابهه

تحذير من التعامل مع ادريان الهرم

تحذير من التعامل مع محل إكسسوارات جوو اكسيسوريس

تحذير من التعامل مع بنك CITIBank

تحذير من التعامل مع محل

الكلمات الدلالية لهذا الموضوع

المفضلات

المفضلات

ضوابط المشاركة