السلام عليكم,
انا مقبل انشالله على شراء اول سيارة لية بس عيزها تبقى معمرة جدا (تقعد معايا 10 سنين لو مش اكتر) بدون مشاكل ملحوظة فا هل الهيونداي النترا بالتحديد معمرة كدة؟ لو لا فا انهي هتعيش اكتر لانسر شارك او فلوانس
عرض للطباعة
السلام عليكم,
انا مقبل انشالله على شراء اول سيارة لية بس عيزها تبقى معمرة جدا (تقعد معايا 10 سنين لو مش اكتر) بدون مشاكل ملحوظة فا هل الهيونداي النترا بالتحديد معمرة كدة؟ لو لا فا انهي هتعيش اكتر لانسر شارك او فلوانس
معظم العربيات معمره
يعنى بص على الهيونداى 2005 هتلاقيها شغله زى الفل
و بص على ميجان2005 هتلاقيها شغاله برده مع وجود عيوب متعلقه بلموديل دا اتصلحت كلها فى الفلونش لإستخدامهم موتور و فتيس يابانى
انا راى الفلونس اقيم و افضل من الالنرا
بص حضرتك هو بعيد عن الصيني اي عربيه هتجيبها وتهتم بيها وبصيانتها فى الميعاد وتعاملها كويس
هتعيش معاك زي الفل 10 و 15 سنه
انما اى عربيه هتهمل فيها اكيد هتتعبك وتيجي بعد سنتين تبدا تفتح بقها
الهيونداي شغال من 99 و 2000 واللانسر زيه بس اهم حاجه المحافظه على العربيه والصيانات الدوريه في ميعادها من غير كسل
يا راجل 128 بقالها 40 سنه ولسه شغاله 000 زي مقال صديقنا الاهتمام بمواعيد تغير الزيوت والسيور ومتابعه اي مشكله تظهر في وقتها والاهتمام الدائم (زي بنتك ) تبقي معاك زي الفل ومتقلش معاك ابدا
انا رايي الشارك افضل
الهيونداى ميزتها ان الاعطال الميكانيكيه قليله
لكن البودى ضعيف وبيتبهدل بسرعه والكماليات بتاعتها بتبوظ باستمرار
كان معايا فورد مونديو 98 قعدت معايا 5 سنين
دلوقتى معايا اكسنت 2015 اتبهدلت من اول 6 شهور
الصناعه الالمانى والامريكى هى المعنى الحقيقى للعربيات المعمره
طالما بتتكلم فى 10 سنين وانت شاب لسة 18 سنه يبئة بلاش تشترى كورى وفكر فى الاوربى واليابانى هم افضل من الكورى فى العمر الافتراضى مع العلم ان كل سيارة بتحتاج للعناية والاهتمام وعدم الاهمال عشان تعيش معاك فترة طويلة ونصيحة بلاش حكاية 10 سنين فى مصر لان فى مصر اتخن عربية هتيجى ارضا من الشوارع والبنزين وقطع الغيار المضروبة ومن الناس الى ماشية فى الشارع فا نصيحة بلاش هيونداى او كورى عموما لان الكورى صاجة خفيف وبيبان علية الاستهلاك والبهدلة بسرعة جدا ودا عن تجربة فى هيونداى ix35 موديل 5/2013 العربية بان عليها انها قديمة واتبهدلت
موضوع مهم لكل مقبل على شراء سيارة جديدة
اعتقد ان الميتسوبيشى هل الافضل
بص يا باشا انا عندي 20 سنه و ظروفي من ظروفك بردوا الوالد متوفي و الوالده في الخارج و انا و اختي بندرس هنا , من سنتين والدتي جابت لاختي النترا و جابنلي اكسنت , الالنترا اتسرقت من تحت البيت و الاربي لسه مجالهاش نصيبها للاسف عربيه سيئه بكل ما تحمله الكلمه من معني مفيش ثبات و لا عزل ولا وسائل امان ولا فرامل ده غير انها عربيه ورق و بتتبهدل بسرعه. قريب اختي جابت الفلوانس اعلي فئه من غير فتحت سقف ب 165500 بظبط و بفرق 15000 بس عن الالنترا بس في مشكله في العربيه دي للاسف و المشكله دي انها مجابتش الفئه اللي فيها فتحت سقف ! عربيه خرافيه بمعني الكلمه عفشه و ثبات و موتور و فتيس مشوفتش زيهم ده غير العزل و الاضاءه و السمارت كارد بتاع رينو ده لوحدوا اختراع و الفرامل انا مش هتكلم عليها عشان مابكيش علي حالي و علي فرامل الاربي التحفه الفنيه اللي بتزحف 20 متر علي الاقل والفلوانس كمان نفس سعر قطع غيار الاربي في التوكيل كمان يبقي ايه اللي يخليك تجيب هيونداي ؟؟