الزملاء الاعزاء عند سؤال التوكيل على الصيانة قال ان اول صيانة عند 5000 كيلو وهى صيانة بدون تغيير زيت مع اننا عند شراء اى سيارة جديدة يتم اول صيانة عند ال1000كيلو الاولى مع تغيير الزيت والفلاتر فيها فهل هناك تفسير لذلك
عرض للطباعة
الزملاء الاعزاء عند سؤال التوكيل على الصيانة قال ان اول صيانة عند 5000 كيلو وهى صيانة بدون تغيير زيت مع اننا عند شراء اى سيارة جديدة يتم اول صيانة عند ال1000كيلو الاولى مع تغيير الزيت والفلاتر فيها فهل هناك تفسير لذلك
بص حضرتك رينو طول عمرها مختلفه شويه في الموضوع ده عن العربيات التانيه و بتبقي صيانه ال ٥ الاف دي تربيط عفشه و كشف علي سوائل السياره و هي مجانيه اما اول صيانه بفلوس هي بتاعه ال ١٠٠٠٠ كيلومتر و دي فيها تغيير زيت لأول مره و تغيير بوجيهات و بعد كده الصيانات بتبقي كل ٥ الاف كيلومتر الفرديه مجانا و الزوجيه بفلوس. السنه اللي فاتت كانوا عملوا اختراع كده انهم بقوا يعملوا صيانه الالف زي العربيات التانيه بس علي كلام حضرتك معناه انهم رجعوا لنظامهم القديم. علي العموم الموضوع بسيط حضرتك كلمهم علي 16202 و اتاكد من المعلومه في صيانه ١٠٠٠ للفلوانس و لا لأ. لو عايز نصيحتي عن الفروع ارشح لحضرتك فرع ابو رواش كنت فيه قريب و الخدمه فيه جيده جدا و المكان ظريف و الدنيا منظمه . مشكلته الوحيده في موقعه لانه في حته مقطوعه يعني في الاغلب هتقعد مع العربيه لحد ما الصيانه تخلص لو مكنش في حد هيرجعك
اول صيانه زيت عندك عند ١٠ الاف كم
انا لسه عاملها من يومين ... زيت ٥ لتر + فلتر زيت + فلتر هوا + مصنعيه و كشف + غسيل السياره
اجمالى بضريبه المبيعات ١١٥٠ جم
تحياتى ...
شكرا يا باشمهندس