برجاء المساعده في حل المشكله

**Dr.sheikh** · 25-01-2015 04:53 PM

عندي شوية مشاكل في شيروكي ٢٠٠١ كامله وبحاول احلها بس الموضوع باين هيبقى مكلف :اول حاجه الباور تقيل جدا ولازم ازود بنزين عشان ينعم ،٢-لما بكسر الدريكسيون يمين في كده صوت طقه لكن الشمال مفيش المهم٣- العربيه ناشفه جدا بترد المطب فيك ٤-صوت مزيكا جوه التابلوه تقريبا حاجه مكسوره ٦- صوت وروره كده في الكردان لما تشيل رجلك من عل البنزين او تعمل الفتيس على N &&&بعد كل هذا الفيلم اعمل ايه واروح فين و لمين الموضوع شكله مكلف بس المشكله في الضمير العربيه اتعملها عفشه في صقر قريش و ممشيتش ١٠٠٠٠ ك وحصل الي حصل المهم لو في حد يقدر يرد عليا بالتفصيل في كل نقطه يبقى جزاه الله خيرا ،انا مش عايز اكره العربيه بحاول معاها للاخر ....

**احمد فهمى** · 25-01-2015 09:01 PM

تقل الدركسيون ده طرمبة باور ضعفت او انسداد فى خراطيم الباور وده مستبعد شويه ﻷن العربيه من 2001 فى الغالب عمر افتراضى والطقه فى كسر الدركسيون محتاجه مراجعة عفشه كويس امامي جلب وبيض وبارات علبة الدركسيون ...
الطابلوه عندك اكيد فى مشكله حاجه مفكوكه او بوابه مكسوره ودي محتاجه تشخيص صح من واحد عندو ضمير وممكن اوصفلك واحد تروح تراجع الكلام ده عندو بس تبقى فاهم العيوب الاول والصوت ممكن يكون كرونه او نقص زيت بس ده ظهر فجآه؟ والشيروكى اصلآ ناشفه هي معاك من الزيرو والا استعمال وعامله كام كيلو؟

**احمد فهمى** · 26-01-2015 11:26 AM

المشاركة الأصلية كتبت بواسطة dr.sheikh

شكرا يابشمهندس هي فعلا استعمال وعامله ١٧٠٠٠٠ وياريت تدلني عل حد كويس وموضوع قطع الغيار برده لو في حد كويس

ده رقم واحد اعرفو فصقر قريش اسمو احمد زغلول كلمو وخد العنوان وروح اعرف عندك ايه وقولو انك من طرفي هبعتلك رقمو على الخاص

**Dr.sheikh** · 26-01-2015 02:45 PM

تمام يابشمهندس ان شاء الله هكلمه وارجع ارد عليك اقولك حصل ايه ومتشكر لاهتمامك جدا

**Mecha** · 10-02-2015 01:51 PM

فعلا في الشيروكي تقل الدركسيون طرمبة باور ومفيش اسكترا ,والطقه بتيجي من بيض الدركسيون خصوصا بيضه في نص البار ,عاملين شكالات مختلفة فيها لو شحمتها هتلاقي الصوت اختفي بس هيرجع تاني.مهم تراجع صلايب الكردان وتحل غطا الكرونة ,الشيروكي ناشفه زي ا.احمد اتفضل بس ممكن المساعدين انتهوا .الشيروكي بتغري الناس بالقرص والافترا وبتبهدل العربيه