الموضوع: تجربتى مع تصليح فتيس النوبيرا الاتوماتيك

المشاركة الأصلية كتبت بواسطة viper12345

الفتيس عندى كان دخله مياه من الريداتير وباظ والعربيه مبقتش تمشى خالص سحبتها للميكانيكى قعد يغير زيت كذا مره للتنظيف والعربيه مشيت بس السحب كان ضايع قلت خلاص هغير الفتيس واشترى دماغى رحت جبت فتيس ليجانزا وركبته وطلع بايظ بينقل الغيارات بدرى جدا وساعات بتطلع على الغيار الاول رجعته ودورت فى النت لقيت واحد بيصلح فتيس اى عربيه اتوماتيك كلمته واتفقت معاه انى هروحله فك الفتيس حته حته لقبنا ال 21 اسطوانه اللى جوه الفتيس بايظين غيرناهم وغيرنا كمان الجريفنور المسئول عن تنظيم النقلات مع السرعات وتم التركيب والتجربه العربيه كانت بتنقل على 3.5 rpm رجعتله تانى ظبطنا كابل الكيك داون وغيرنا الزيت ونضفنا الفلتر والحمد لله بتتظبط مع المشى دلوقتى النقل مش بيعدى 3 rpm
الخلاصه محدش يقلق من تصليح الفتيس لان العمليه مبقتش زى زمان مكنش فى ناس متخصصه ولا قطع غيار موجوده دلوقتى التصليح بقى احسن من انك تجيب فتيس استيراد ويبقى زى البطيخه ياسليم يابايظ وتدفع مصنعيات فك وتركيب كتير
اللى عايز يصلح الفتيس الراجل اسنه عاطف انيس فى ميدان لبنان خلف مؤمن وتيبستى وده رقم تليفونه 01001067461

شكرا يامحترم والله
طب ما تعرفنا التصليح خد كام؟؟ مش تشرح وتفسر لنا خد في التصليح كام
والمصنعية اد ايه
طب اية رايك ان الحل الوحيد لفتيس النوبيرا اﻻوتو.. فتيس بيجو406
اﻻوتو ب3200ج

وحمار شغل بصراحة

وشكرا لطرحك رقم الموبيل

المشاركة الأصلية كتبت بواسطة viper12345

التكلفة 1200 بالمصنعيه بالزيت + 110 سلك كيك داون جديد

لو 1200ج بسسسسس
شاملة مصنعية وتروس وكاﻻتشات وزيت .. يبقى يابﻻش والله

ﻻنه كان من عامان فقط كان بتمن فتيس ال ليجانزا اﻻوتو
ب950ج

و ب1200
اﻻن قالك غلى تمنه .. ليه ياحج.. قالك ﻻن الطلب عليه كتر
ﻻء يبقى يتصلح احسن بالمصنعية بلزيت بالتروس الجديدة بالفلتر ب باكو وميتين ج يابﻻش والله

المشاركة الأصلية كتبت بواسطة nfs rivals

وعهد الله انت بن حلال

اقسسسسسسسسسسسسسسسسسسسملك بالله انت بن حلال مصفي

مش بجاملك يا باشا

بس عشان السربنتيته عند اى حد وعندى انا كمان كانت ألامونيوم
مش نحاس

المهم السربنتينه لما باظت بدل ما تبردلي الفتيس بقت بتنزل مية عالفتيس

الله يحرق كدة,,, المهم رميت فتيس العربية بتاع الشركة الفابريكة و جبت فتيس استيراد

ب11

يعنى علي 1100ج

خلص بالفصال علي 950ج وتركيب 350ج

المهم

وحجر الفتيس وطلع الميكانيكي بالعربية عشان يحجر الفتيس و يمشية بالعربية

كل حاجة تمام الحمد لله ,, وبما انى من المحلة و جمبي طنطا باصاين فيها برضو عادي ومرات المنصورة
وبحكم ان طنطا و المنصورة مش بعاد عني زي القاهرة و اليكس

مكنش فيه حد ومكناش نعرف ان فية حد متخصص فى تصليح الفتيس الاوتوماتك لاي عربية


وعشان محدش يتعب من ملاك النوبيرا الاوتو

حالالالالالالالالالالالال الا
او بكرة الصبح

تغير السربنتينه الالومنيوم الى عندك وتغيرها ب سربنتينة نحاس
ب200ج بس فى داهية مش مشكلة ودة عند اى حد بتاع ريداتير فى بلدك

عشان النحاس عمره ما بيصدي وهتلاقيها صناعة مصري اشتيرها وانت مغممممممممممض

وشكرا يا صاحب الموضوع علي رقم التليفون

شكرا يا نايل موتورز

هوا فعلا النحاس مش بيصدي ولا الالمنيوم الي راكب عندنا كمان
بالعكس النحاس بيتأكسد ويتحول للون الأخضر مع الوقت
استخدام الريداتير النحاس تلاقيه في العربيات القديمة بس ولايتناسب مع سياراتنا
ثانيا الريداتير النحاس الي يركب علي النوبيرا ده حتلاقيه تفصيل ومتضمنش معامل الانتقال الحراري بتاعه لانه معمول بلدي