الموضوع: استفسار بخصوص فتيس جولف 5 موديل 2005

انا ناوي اشتري جولف 5 موديل 2005 واسمعت عن مشاكل في الفتيس وانه لما بيتغير سعره استيراد من 15000 الي 20000 هل الكلام ده صحيح وكل موديلات جولف 5 كده ... وهل في مشاكل في الكومبيرسور برده ... نصحية هل اشتري اتوماتيك ولا اجيب الجولف او باسات او a5 مانيوال وريح دماغي

معايا جولف 5 موديل 2005 والحمد لله رب العالمين زى الفل الفتيس بتاعها
اهم شيئ انك لما تشترى يكون العداد اقل من 60 الف عشان تغير انت زيت الفتيس فى معاده
ولو كانت عامله اكتر من 60 الف يبقى اكشف عليها فى التوكيل او عند هانى عصمت فى جسر السويس عشان تتأكد ان مفيش مشكله فى الفالف او ما يسمى عقل الفتيس
ومفيش عندى مشاكل فى الكومبروسر الحمد لله
والعربيه هى هى الاوكتافيا a5 لكن الاوكتافيا اعلى عن الارض شويه وشنطنها اكبر
بس الجولف دى عربيه رياضيه اكتر فى الاداء والشكل
يعنى انا بحس الاوكتافيا عواجيزى شويه مع انى 32 سنه يعنى مش صغير لكن شايف الجولف اجمل وان كان اصلا الفروق بسيطه جدا لدرجه انى بجيب قطع غيار الاوكتافيا واركبها عندى عادى
زى ماستر الفرامل اللى دوخت عليه وفى الاخر واحد ابن حلال قالى خد بتاع الاوكتافيا هو هو الماستر وطلع فعلا نفس الماستر