قائمة انتظار التوكيل فى مصر طويله قوى.
طب ما نشترى من المانيا, اكيد هتبقى اسرع بكتير.
غير ان الوحد يطلب على مزاجه, c250 مثلآ.
حد عنده معلومه ضمانها يبقى سارى فى مصر ولا التوكيل هيعمل عبيط؟؟
عرض للطباعة
قائمة انتظار التوكيل فى مصر طويله قوى.
طب ما نشترى من المانيا, اكيد هتبقى اسرع بكتير.
غير ان الوحد يطلب على مزاجه, c250 مثلآ.
حد عنده معلومه ضمانها يبقى سارى فى مصر ولا التوكيل هيعمل عبيط؟؟
الموضوع مش بسيط اوى زى ما حضرتك متخيل ... لكنه ممكن :)
و لو على الضمان فهو سارى لانك شارى من المانيا ...
اولا مش حتعرف تجيب العربيه بالسعر الى الوكيل بيجيب به ... لانك حتشترى كزبون customer بسعر السوق فى المانيا مثلا شامل الضرائب المحليه و ربح المصنع و الموزع !!! لكن الوكيل فى مصر هو شريك مع مرسيدس المانيا و السعر بيبقى سعر تسليم المصنع ... الجزئيه دى لوحدها فيها متوسط ٢٥٪ من القيمه ...
ثانيا علشان تدخلها مصر ... لازم حضرتك تكون مقيم فى المانيا و المالك الاول لها هناك ...
عندك مصاريف صادر فى بلد المنشأ و شحن ثم تخليص فى مصر .... الوكيل بيشحن مركب كامله بها ٣٠٠ عربيه ... فالتكلفه بتقل طبعا مقارنه بعربيه واحده فقط ...
الجمارك تقريبا واحده على الجميع ... لكن كما وضحتلك فاتوره الوكيل الى حيدفع عليها الجمارك حتكون اقل بكتير من فاتورتك للشراء ...
الكلام بيبقى واقعى لاستيراد فقط ال ١٦٠٠ سى سى ... لكن التكلفه حتكون اعلى ...
لكن فى حاله c250 الجمارك فقط عليها لانها ١٨٠٠/٢٠٠٠ س س حتكون عاليه جدا ... و ممكن توصل سعرها الاجمالى ٨٠٠ الف !!!
يعنى حضرتك توفر ٢٠٠ الف و تجيب e زيرو او تزود عليهم و تجيب s400 زيرو من الوكيل :)
تحياتى ...
شكرا جدا على التفاصيل رائعه.
موضوع الجمارك ده طلع زياده قوى, ده كده بعد التخفيضات الجمركيه الاخيره ؟؟!!
بس مختلف مع حضرتك فى شوية حاجات بسيطه.
اعتقد مش لازم اقامه فى المانيا, ده بالنسبه للقانون المصرى طبعآ, القانون الالمانى معرفش.
ضريبة المبيعات هتتردلك من المانيا,على حد علمى حوالى 19%, بتقدم اصل الفاتوره للجهه المختصه هناك و بيردو الضريبه, الموضوع ده حصل معايا فى مشتريات عاديه فى فرنسا و تم رد الضريبه .
تحياتى ...
متابع
ارخصها ليه ؟؟
انا اشتريها و اشحنها على مصر.
الكلام ده لو عايز انزلها نمر جمرك, مش ادفع جماركها عادى, و ده من حق اى حد, زى العربيات الخليجى اللى مغرقه مصر, لو عربيه واحده مش محتاج حتى بطاقه استيراديه.
بس الصراحه سعرها فعلآ هيضرب فالسقف, زى ما حضرتك قلت هيبقى سعرها قريب من ال E-Class
تحياتى ...
من الواضح ان الامور مش واضحه لحضرتك ...
مش حتقدر اصلا تشتريها من هناك ... تشترى بصفتك ايه ؟؟؟؟
للمره التالته ... علشان تشترى لازم تكون معاك اقامه او مواطن ... غير كده مينفعشى ...و الموضوع ده فى اى بلد ...
و لكى تدخل العربيه مصر بصفتك الشخصيه ... لازم تكون المالك الاول لها ... ده يعتبر السند/الموافقه الاستيرادى لك ...
و علشان تكون المالك الاول لها ... لازم تشتريها بنفسك و تبقى ملكك سواء رخصتها و لا لا ....
و بما انك مش معاك اقامه او موطن ... مش حتقدر تشترى اصلا ...
نمر الجمرك ده موضوع اخر اسمه trip ticket ... لا تدفع جمارك و ايضا لازم تكون المالك لها و رخصه العربيه باسمك ... و
العربيه بتقعد فقط ٣ شهور و لازم ترجع تتصدر تانى او يتحجز عليها ...
العربيات الخليجى ايضا نفس الفكره ... لازم تكون المالك الاول لها ...
ارجو ان اكون وضحت ...
تحياتى ...
بخصوص موضوع ال trip ticket او التربتيك حسب لغة السوق فهل حضرتك بحكم شغلك متاكد انه مسموح بنمر الجمارك ٣ شهور فقط و لا ممكن تتجدد ٣ شهور كمان و بعدها لازم تخرج العربية من البلد.