الموضوع: أنا محتاج نصيحة في التعامل مع هذه الإستشارية

المشاركة الأصلية كتبت بواسطة إنسانة

ربنا يخليهالك يارب طبعا صدمه

افتكر حضرتك بعد ما الدكتور بشرك ان البنت بخير تخطيت الصدمه

فدلوقتي فكر بهدوء في الموضوع و حاول تنحي اسلوب الدكتورة شويه "اللي بتفق معاك انه كان فظ وهمجي جدا"

مش ممكن يكون الفيروس دا محتاج عزل فعلا ؟ و مش ممكن تكون الدكتوره خلال المده دي قدمت الرعاية المطلوبة لبنت حضرتك ؟ ليه مفترض انها كدابه

زوجتي قالت لي هذا الكلام و صدقيني إفترضت فيها كل حسن الظن وأبعد من مايخطر على أي بال , يوجد الكثير من التفاصيل التي لم أذكرها في الموضوع
هذه الإستشارية لم تقدم شيء يذكر لإبنتي ومنعت الأطباء الموجودين في العناية من الحديث معنا
لإن دكتور مصري كان موجود في العناية ضميره لم يقبل ما قبله ضميرها و أشفق علينا وهي تمنعنا حتى من لمسها وعندما سألته قال لي مالم تقله هي
قال أنهم لم يقدموا لها أي جلسة أوكسوجين منذ دخولها
ولم يقدموا أي علاج أو دواء
كل مايفعلونه متابعة فقط ومساج للصدر
وسألته هل هذا الفيروس قاتل ؟ قالي ( دا زي البرد ) قلتله الإستشارية قالت قاتل ( صدم وكان وجهه مستنكر جدًا ولكن لم يتكلم )
والإستشارية لم تقل لنا حتى ماهي نسبة التحسن عندما نسألها تقول أنها في حالة تحتاج العناية الفائقة

فدخلت زوجتي وسألته هل يمكن أن ألمس إبنتي ؟ قالها ممكن تشيليها وكان منهدش من أسئلتنا

هذا الدكتور لم أجده من بعدها ...وبعدها لم أستطع معرفة حالة إبنتي من أي دكتور متواجد وجميعهم يرفضون الحديث ( وكلهم نفس الرد اسأل الدكتوره فلانة )
وكانت تنوي إبقاء إبنتي في العناية 15 يوم كما أخبرتني
وإتضح في آخر الوقت أنها تستغلني ورفضت أن تتحدث مع أي دكتور من الأطباء خارج المستشفى

ولما جيت آخد بنتي قالتلي كدا اليوم الخامس إتحسب قلتلها اليوم بيخلص الساعة 7 وكنا الساعة 4 قالت لاء بيخلص الساعة 12 وراحت تتأكد إن اليوم الرابع إنتهى ولكن كانت الصدمة لها أن يومنا ينتهي الساعة السابعة مساءً !
فقالت قولي الحساب كم صار ؟
هذه المؤشرات واضحة جدًا وأنا لم أذكرها في الموضوع
فأنا فكرت في هذا وعلى قناعة أني لم أظلمها

ألف سلامه لبنتك
بس لو الاستشاريه شغاله فى المكان اللى هتقابل فيه المدير يبقى المدير نفسه وصاحب المكان هوه اللى مخلى الدكاتره تعمل كده فالأفضل تعمل شكوى فى نقابة الأطباء.

قدم شكوى فى الاداره الصحيه
اللى عملته ده بزنس حتلاقيها متفقه مع مدير المستشفى بنفسه
ابعت الشكوى بالايميل

المشاركة الأصلية كتبت بواسطة dr_smart

حمدالله على سلامة بنتك وزوجتك ربنا يحفظهم

ساعات بيكون فيه حالات فيها عدم وضوح في التشخيص ومن باب الحيطه بنفضل بقاءها في الرعاية تحت الملاحظة ٢٤ ساعة وعمل الفحوصات اللازمة لكن اللي حضرتك حكيته ده نصب وسرقة مع سبق الاصرار

ورأيي ماتسيبش النصابة دي وحاول تاخد اجراء

مقابلة المدير معتقدش انها هتفيدك واكيد هيطيب خاطرك بكلمتين و( يبنجك ) سوري في الكلمة يعني .. لان المستشفيات الخاصة هدفها الاول الربح ثم الربح .. الا من رحم ربي .. يمكن يطلع محترم وياخد معاها اجراء حفاظا على سمعة المستشفى

حاول عن طريق معارفك الاطباء بالتقارير اللي معاك والفحوصات اللي اتعملت تشتكي في جهة رسمية حكومية بس أمن نفسك وادرس معاهم الموقف كويس بدل مايغلطوك انت وربنا يوفقك

آمين ربنا يبارك في حضرتك .. أنا رحت للمدير وكان محترم جدًا بصراحة
وسمع كل كلامي وإعتذر وقالي لو حابب نعملك خصم
طبعًا أنا كنت بتمنى مايتكلمش عن الخصم أو أي تعويض مادي ويشوف أي إجراء محترم مع الإستشارية اللي عنده
لكن يبدو إنه مش هيكلمها مع إنه إداني موعد تاني بس أنا خلاص مش هروح تاني
للأسف عديت على العناية المركزة عشان آخد صورة من التحليل تاني لقيت أب وأم قدام الباب إفتكرت وقفتي أنا وزوجتي
يارب بس متكونش هيا المسؤولة عن حالة إبنهم أو بنتهم !

المشاركة الأصلية كتبت بواسطة amr_8800

ياراجل والله دمي اتحرق ربنا يكون في عونك انت مستحمل ازاي يا فندم اكتب اسم ابمستشقى واسم الدكتوره وافضحها في كل مكان عشان متعملش كده مع حد تاني

لو مقدرتش أوصل لحل قانوني هكتب كل حاجة