صوت تصفير ورجرجه و خشانه فى الفرامل .. واتحل الحمد لله .. فيكترا بى

السلام عليكم يا شباب .. عذرا الواحد كالعاده مقصر .. بس لسه حالا عملت حوار ظريف كيفنى قولت اعرضه يمكن حد يستفيد من اى ناحيه..

الفرامل كانت غريبه شويتين من ساعه ماغيرت التيل قريب جدا "ريمسا .. و عرفت بعدها انه اتضرب و دا واضح وكان ب 130 " فى رجرجه ... و رصصت و الدنيا ظبطت شويه بس لسه فى بردو..

النهرده راجع من الشغل عديت على ميكانيكى كدا شكله رايق قلتله يشوفلى الكلام و نغير زيت الفرامل كمان عشان كنت شاكك فيه و للحفاظ على ال abs زى مافادى بك كان بينصح دايما ..

الراجل فك الجنط ولاحظ ان المسمار اللى بيبات فى الدوشمه بيحك فى الجنط من جوه ومصنفره كدا ..اول حاجه ظبطه بالبنسه و بعده عنه شويه .. بعدها بدا ينزل الزيت من الخراطيم و فك القربه و غسلها غسله متينه اوي بضغط الهوا .. بعدها جبت علبه زيت فرامل اللى فى صفيحه زرقا دا " النص كيلو ب 40 بلبل " و بدأ يملا لحد مابدا الزيت الجديد ينزل يبقى الدوره كلها نضفت .. قام مقفل و مظبط و خد هوا و كان حط زى شحم كدا على الطنابير " مش عارف دا صح ولا لأ " قالى عشان التصفير و كدا و هو للامانه قالى دا حل مؤقت ممكن شويه و الصوت يرجع .. وقالى لو لسه فى رجرجه يبقى طنابير عاوزه تتمسح ع المخرطه وكدا ..

طلعت اجرب لقيت الدنيا تمام الحمد لله مفيش رجرجه ومفيش تصفير و مفيش صوت الخشانه بتاع الاحتكاك مع الجنط دا ..الحمد لله ربنا يديمها .. و خد 40 جنيه .. اى جديد هتابعكم ان شاء الله

وتوته توته ..

يعني كدة مفيش مشاكل من التيل؟؟؟؟؟

مشكور ما قصرت

اقتباس:

---

المشاركة الأصلية كتبت بواسطة اميرالعمده

السلام عليكم انا اخوكم امير عندي قطع غيار كامله اوبل فكترا 97 وكورسا وبي ام دبليو 320مو95 وجولف 3 و2 ومرسيدس سي كلاس 180سي ومازدا 323 مو 95 وماتور شاهين 2000 سي سي السيارات وارد المانياوإن شاء الله اسعار اقل من الحرفين واي حد الي عاوز يتفضل يتصل بيا ويشرفني 01026467794

---

عنوانك ايه

لحد دلوقتى مفيش مشاكل الحمد لله غير ان الفرمله مش جامده زى ما كان التيل بيبقى فى اوله بس مازالت محترمه جدا.. ممكن يكون لسه فى تصفير بسيط جدا بس الباقى خلاص لأن سببهم فعلا كان الحك مع الجنط من جوه

للافاده ..صوت التصفير رجع بقوه وده بيأكد ان المشكله من التيل المضروب زى ما كنا متوقعين .. لما ربنا يكرم كدا ان شاء الله هابقى اغيره و اتابعكم بردو