حيرة شراء اول سيارة و الميزانية 50 الف
بسم الله :3_3_102[1]:
حيرة حيرة حيرة.... معنديش خبرة فى العربيات ومعايا 50 الف عايز عربية أسريه تستحمل مشاوير طويلة......................
وعندنا خيارين اما مستعمل واما جديد
الجديد انا مستبعده عشان مقدرش اقسط حاجة عاليه و اللى ينفع يتجاب بال خمسين اما ماروتى او اتصرف و ازود حاجة بسيطة واجيب التو او شانجان بينى مينى و مش شايف انا اى واحدة منهم مناسبة ليا.
المستعمل عندنا فيرنا و لانوس واكسنت بس مش عارف الاقى عربيه عدله
ده غير عدم الخبره بيخليك تتردد جدا فى الشراء خوفا من اللبس فى الحيط و اعرف بعض الناس اللى ممكن يساعدوا بس محدش فاضى لحد طول الوقت ربنا يكرم كل من ساعدنى. ده غير الناس ع النت بيكدبوا يكتبلك فبيركه جوه وبره تروح تلاقيها رشه دواخل!!!1:I_angr1[1]:
وبحس الاسعار ع النت الناس بتبالغ فيهم جدا وبرضه مش عارف اقييم العربيه تستاهل كام فعلا دون بخس الناس حقهم.
مش عارف اعمل ايه تعبت وبقالى 4 شهور بدور ومحتاج العربيه جدا:11::11::11:
هل فى حل :fdsa::fdsa:او حد يعرف معرض مستعمل ثقة اخد عربيه وانا واثق فيها تماما ولا كل التجار بيغشوا؟
حاسس ان مفيش امل غير من المعارف ولسه مفيش حاجة ظهرت لى للاسف.
واخر سؤال ايه رئيكم ابعد عن الفيرنا و اللانوس و الاكسنت و ادور فى حاجات مش منتشره و معلهاش طلب عشان اعرف اطلع بحالة محترمه بس برضه تكون قطع غيارها موجودة وخلاص مش نادرة (مش لازم يعنى تكون منتشرة جدا زى الفيرنا وكده) ومش مهم لو غاليه شوية بس مش غاليه جدا كمثال زى البولو و السيريون :B4_048: وحتى بكده الواحد يركب عربيات افضل.؟
شكرا لكل اللى هيساعد برأيه
