الموضوع: انثى تبحث عن عربية :')

المشاركة الأصلية كتبت بواسطة zing0

طيب بعيد عن الفيمنست و المايلست و ليلة هبلة و عبيطة و بيضحك عليا بسهولة و الكلام ده .... أكيد حضرتك مش كده, و لا أى حد كده, الموضوع موضوع معلومات و أستشارة الغير و توفيق ربنا قبل كل حاجه

الناس هنا بيرشحولك حاجات أفضل من البيجو 301
يعنى الأكسنت و المتسوبيشى شارك و الكيا ريو من وجهة نظرى أفضل
مش مسألة شكل و أوبشنز فى الأول أد ما هيا خدمات ما بعد البيع بعد كده
يعنى مش كل ما حاجة تبوظ يقولك أستنى نستوردهالك مخصوص من بلاد الواكواك على الفيل أبو زلومة و ثمنها هيبقى $$$$$$
لو ماروتى بس "مريحانى" أفضل من مرسيدس قرفانى
الناس - و أنا منهم - للأسف بنشترى العربية و نكتشف مع الوقت إن إحنا إللى بنخدمها مش هيا إللى بتخدمنا

أضم صوتى لصوت الأخ اللى رشحلك المتسوبيشى لإن - رغم سعرها - تعتبر زيرو أعطال تقريباً
و دى أهم حاجة خاصة "لأنثى بيتضحك عليها"

أعانك الله

هو للاسف حضرتي كدة فعلاً عشان كدة لجأتلكو انتو لا بتعملو دعاية ولا هتكسبو من ورايا .. عامةً انا هاخد ب نصيحتكو واشوف الشارك

المشاركة الأصلية كتبت بواسطة Mamoud salah H

لو مش فارق معاكي الكماليات اوي هاتي لانسر شارك 2015 فئة تانية

هشوفها شكراً ليك

المشاركة الأصلية كتبت بواسطة mr.moustafa

الريو جميلة و ارتفاعها كويس و الوانها جميلة جدا و شيك من الخارج و الداخل هاتعجبك ، بس فيه منها شكوى من بعض الاعضاء ان استهلاك البنزين فيها عالي شوية
انصحك تتفرجي عليها

لو استهلاك للبنزين فيها عالي فعلاً يبقى بلاش منها بس عامةً انا هقرى المواضيع اللي عليها وشكراً لحضرتك

المشاركة الأصلية كتبت بواسطة pepo2011

بصي يافندم مبدئيا نصيحة بلاش البيجو والصني -- فكري بقي في عربية اولا تكون عاجباكي شكلا الاول وبعدين تسالي عنها

لانك انت اللي هاتركبيها مش هاتشتريها عشان خاطر رأي الناس فيها لكن ممكن تفكري في اللانسر والالنترا

انا شايلة الصني من حسباتي من زمان
شكراً

المشاركة الأصلية كتبت بواسطة eng.mark

البيكانتو عربية كويسة للستات عموماً و أوبشنز الهاي لاين معقولة ... لو الميزانية أعلي من كدة شوفي سيات ابيزا مثلاً أو ريو هاتشباك أو ياريس ... الشارك تاني فئة برضه عربية لا غبار عليها و مفيهاش أي مشاكل غير العزل السئ !!!
ممكن برضه تشوفي بيجو 208 أو نيسان تيدا

المشاركة الأصلية كتبت بواسطة mecha

ماروتي العربية الحريمي الاشهر

مبدئياً انا جيت سألتكو هنا عشان حكاية "العربية الحريمي" دي :)
انت عايزة عربية محترمة مش عربية حريمي والكلام اللي بتقولوه دة
البيكانتو استحالة افكر فيها شكلها لوحدة بيستفزني ، الميزانية ف حدود ١٥٠ وشكلي هبدأ افكر ف الشارك
شكراً ليكو

المشاركة الأصلية كتبت بواسطة marwanragab

لانسر شارك أو تويوتا يارس على حسب امكانياتك وأفضل من الريو والبيجو وكل الكلام دة كقطع غيار وإعادة بيع

الشارك مكتسحة

المشاركة الأصلية كتبت بواسطة horas3000

في راي الشخصي
شوفي سوزوكي سياز الجديده
و بعديها اللانسر
و بعدين البيجو
و بعديهم الاكسنت او الريو

شكراً