الموضوع: حد اشترى من موقع bodybuilding قبل كده ياجماعه

احنا عاملين مشروع كدة بنجيب اى منتج انت محتاجه من امريكا خاصة المنتجات الخفيفة - صفحتنا على الفيس بوك (Fitness shop for vitamins and supplements in Egypt) - المنتجات بتوصل من 5 الى 15 يوم - كلمنى لو محتاج حاجة .

المشاركة الأصلية كتبت بواسطة amrelsha3er

فهمنى ياباشا معلش اكتر؟!
انا بدفع ازاى اولا؟ وانا اللى بروح الجمارك استلم؟! وبستلم ازاى وميناء ايه ؟ ولا ايه النظام؟
ماشى مش هجيب بودر مع انه لازم بس مش مشكله طالما مخاطره

انت بتدخل على الموقع ةبتسجل عادى وبيكون فيه زى سلة للمشتريات بتدخل تختار المنتجات وبتدفع بالفيزا مسبقة الدفع ممكن تعمل فيزا من بنك كريدى اجريكول ب 20 جنية اعتقد بتدفع كل شىء حتى الشحن لحد مصر فى خلال 4 ايام الحاجات بتوصل قرية البضائع فى مصر

فيديكس هتكلمك او تبعتلك ايميل هتقولك فى شحنة ليك وهتقولك تعالى علشان فى تصريحات من وزاة الصحة لازم تخلصها بنفسك

هتروح ثرية البضائع هناك لفيدكس وتاخد الورق بتاعك وهتروح الصيدلية هتقابل دكتورة صيدلة هتعملك الاذن بحوالى 10 الى 15 جنية وتروح تانى لفيدكس تديهم الورق وهما يوصلوا الحاجات لحد باب البيت وخلص الكلام على كده

ده سيناريو البرشام


ام بقى سيناريو البورد هتتفشخ فيه ليه

علشان البورد هيدخل عرض اغذية وهياخدوا عينة مش فاكر المكان متهيالى القصر العينى مش فاكر والله الاسم هو عند مجلس الوزراء جنبه المهم هتروح هناك بعد 10 ايام وتدفع الرسوم التحليل كام يا باشا انت وحظك يعنى ايه انا وحظى يعنى ممكن مرة تلاقيها 400 جنية ومرة ممكن تلاقيها 900 جنية انت وحظك

وبعدين بتاخد الوصل توديه لفيدكس وكل سنة وانت طيب

فى كلام سمعته من مدير الجمرك قالى لو البورد كيلو كنت عديته ليك

مشكلة البورد عرض الاغذية
يعنى انا جبت مرتين مرة البورد فى الصحة قالولى عايزين 950 جنية والبورد اصلا ب 350 جنية سعره قولتلهم خلوه عندكم مش عايزة


ومرة تانية 450 جنية رسوم ولما سالت قالولى انت حظك كويس ان العينة دخلت معمل واحد شوف الفشخ بقى


دى الطرق القانونية يا باشا

فى طرف تانية من تحت الترابيزة ابحث عنها بقى

المشاركة الأصلية كتبت بواسطة midnightman_74

الأسعار هنا مبالغ فيها جداً
جرب موقع سوق او موقع jumia

مواقع تعبانه وناس كتير بيشتكوا منها بلاش احسن والاسعار هتتفشخ فيها بردوا

المشاركة الأصلية كتبت بواسطة assassin

مش معنى انها ب 15 دولار انك تشتريها ب 120 جنيه , لما تشترى من امريكا فى شحن حوالى 13 دولار لكل نص كيلو ده غير ضرايب فى امريكا , كل ده بسيط , هنا بقى جمارك و ضرايب و تخليص يعنى لما تجيب الحاجة اللى ب 15 دولار دى هتوصلك هنا من 300 ل 450

ياباشا الشحن داخل امريكا ببلاش ومفيش ضرايب ده بالنسبة للمكملات

المشاركة الأصلية كتبت بواسطة cooltarroka

احنا عاملين مشروع كدة بنجيب اى منتج انت محتاجه من امريكا خاصة المنتجات الخفيفة - صفحتنا على الفيس بوك (fitness shop for vitamins and supplements in egypt) - المنتجات بتوصل من 5 الى 15 يوم - كلمنى لو محتاج حاجة .

يعنى الراجل بيقول انه قرف من التجار بسبب الاسعار العالية تجى تقوله تعالى اجبلك

طيب ما تقوله بتجيب ازاى انت لان ده الغرض من المووضع

المشاركة الأصلية كتبت بواسطة lolnk

يعنى الراجل بيقول انه قرف من التجار بسبب الاسعار العالية تجى تقوله تعالى اجبلك

طيب ما تقوله بتجيب ازاى انت لان ده الغرض من المووضع

الطريقة واحدة زى بقية الاعضاء ما شرحوا - الفكرة اننا بنخلص احنا كل حوارات الجمارك دى فهيبقى اسهل بالنسبة له

المشاركة الأصلية كتبت بواسطة lolnk

ياباشا الشحن داخل امريكا ببلاش ومفيش ضرايب ده بالنسبة للمكملات

لا , من bodybulding في مصاريف شحن داخلي