الموضوع: استفسار بخصوص صيانة ال10000 عند ميكانيكي للماروتي

المشاركة الأصلية كتبت بواسطة elpilot

السلام عليكم
ان شاء الله قررت ابتعد عن التوكيل للحفاظ علي وقتي وفلوسي وعربيتي زي ما كل الناس نصحتني
فان شاء الله هعمل صيانة ال10000 عند ميكانيكي هنا في الزقازيق ومحتاج ارائكم
انا جبت جدول من علي النت بيقول ان صيانة ال10000 زيها زي ال15000 وبنعمل فيها الاتي
تغيير زيت +فلتر
كشف علي زيت الفتيس وزيت الفرامل
تنظيف فلتر الهواء
تنظيف الكربراتير
كشف علي سير الكاتينة وسير الدينامو
ضبط التاكيهات
تربيط عفشة وشاسية وقواعد ماتور
تشحيم الفتيس وسلك الدبرياج ومفصلات الابواب والشنطة والكبوت
كشف علي مية الريداتير ومية البطارية ومراجعه علي القربة والخراطيم
الاستفسارات بقي
1-هل دي كل الحاجات اللي هتتعمل ان شاء الله ولا فيه حاجه نسيتها؟؟
2-اجيب زيت نوعه ايه وفلتر نوعه ايه وهحط كمية 3لتر الا ربع زي ما الناس قالت ولا احط3زي ما التوكيل كان بيعمل؟
3-هل كل الحاجات دي اللي بيعملها الميكانيكي ولا هروح لكهربائي وميكانيكي وعفشجي وكده يعني ؟؟
4-كم تكلفة الموضوع ده بالمصنعية عشان اعمل حسابي ومخليش الصنايعيه يضحكوا عليا؟؟
وشكرا جزيلا لكم علي نصايحكم الغاليه جدا

عزيزي
كل اللي انت كاتبه سليم بس في حاجات مبتتعملش فعليا وفي حاجات اجباري تتعمل وفي حاجات هتتاجل...
هتغير الزيت والفلتر بزيت لزوجته 20w 50 سواءا موبيل او كاسترول او ليكوي مولي...
الفلتر هو هو فلتر الكورولا
زيت الفتيس مش وقته انما انصحك على 20 الف غيره
زيت الفرامل كذلك مش وقته
تنظيف الكربيراتير مش وقته انما عال20 الف
كشف عالكاتينه لسا بدري قوي دي كل 4 سنين او 30 الف تشييك وحتى سير الدينامو يتكشف عليه عال20
ظبط التاكيهات مش وقته خالص برضو دي تتظبط كل 50 الف

في حاجات حضرتك مجبتش سيرتها زي الترصيص وتدوير الاطارات بعمل الكروس
الحاجات دي هتتعمل عند الميكانيكي
الزيت كميته 3 الاربع بالفلتر مش اكتر
مش هفتي بالتكلفه لاني بره مصر من فترة
تحياتي