-
لا حول ولا قوة الا بالله
ربنا يخلف عليك
-
صلح حاجات كتير جدا عندك فى الوكالة والحرفيين وارخص واحسن من بورسعيد
والحكاية ان شاء الله سهله
والله عربية ما تتعوض والحمد لله انك بخير ومعلش بس متضيقش نفسك
هى حاجات كدة بتحصل يمكن كان لا قدر الله هيحصل حاجة اسوء وربنا فداك
-
الحمد لله على السلامة
قدر الله ما شاء فعل
و حسبنا الله و نعم الوكيل
لا امشي ورا تصليحها عشان تقلل خسايرك قدر الامكان لأنها لو اتباعت بالمنظر ده متهيأ لي هاتبقى خسارتك اكتر كتير من لو صلحتها و مشيت بيها او صلحتها و بعتها
-
قدر الله وماشاء فعل
الف سلامه لحضرتك
وانصحك تصلحها ... لانى شايف من الصور انها بسيطه بإذن الله
-
ألف حمد الله على سلامتك وربنا يستر طريقنا جميعا و ينتقم من المسؤلين الفاشلين فى البلد دى
العربيه ان شاء الله من الوصر ممكن تتصلح
هتحتاج صدر امامى و طقم تبرد كام سربنيتنه تكييف و ردياتير و مراوح و اكصدام كام و فانوسين و شبكه اماميه و تابلوه بلايرباج وممكن تلزقه مؤقتا
هتبص على الماتور و ان شاء الله يكون متضررش و كذلك فرد الكاوتش و الجنوط و العفشه الامامية
و تسمكر الحته البسيطه الى فى الكبوت و الرفرف
-
المطب ده عبارة عن ماسورة صرف تحت الطريق بتوصل بين طرفين بحيرة الملح اللي على الجنبين بيتوع الطريق.
طبعا.. ولإننا في مصر بنستسهل كل حاجة ..
ولإن مفيش ضمير لا عند مهندسين شركة حسن علام اللي نفذوا الطريق ولا عند أي استشاري شاف الطريق وهو بيتعمل وما قالش حاجة..
فاللي حصل إن الطريق عمال بيهبط كل يوم والماسورة دي ما بتهبطش.
المطب ده .. أو الماسورة دي اتسببت في حوادث كتير شفتها بنفسي قبل كده...
وأحد أصدقائي توفى في حادثة منهم.. من حوالي 5 سنين... الله يرحمه
كان رايح الشغل الساعة 8 الصبح في اتجاه برج العرب... وفي المقابل جاية عربية لانسر بومة لونها أزرق سايقها شباب .. وواضح إنهم كانوا جايين من الساحل في اتجاه اسكندرية..
وعند المطب ده.. اللانسر طارت (يبدو إنه كان جاي بسرعة فوق الـ150) ونزلت عدت للطريق المقابل وقابلت سيارة صديقي... وكان قضاء الله وقدره..
طبعا كل اللي في العربيتين توفاهم الله.
نصيحتي لكل اللي بيسوق على أي طريق لأول مرة... ما تتغرش بالطريق المفتوح... احتمال كبير يكون فيه أفخاخ ما يعرفهاش إلا اللي ساق على الطريق ده قبل كده.
...
-
حمدلله على السلامة وفداك أى حاجة
قدر الله وماشاء فعل ..
رأيى وديها تتصلح من غير ماتغير نص لو المكنة كويسة
وبعدين بيعها علشان تنسى اللى حصل
-
مليون سلامة عليك وقدر اللة وماشاء فعل
-
أنا حقيقي من قلبي متشكر وممتن لكل واحد رد هنا وتمنالي السلامة وبدعيلكم جميعاً ربنا يستر طريقكم ويحفظكم من كل سوء أنتم واهاليكم وأصدقائكم وأحبابكم اللهم لا ترينا مكروها في عزيز لدينا يا أرحم الراحمين .
انا من بعد اللي سمعته من الناس سواء هنا او حتي أصحابي والسواقين اللي بيسوقوا على الطريق ده مش هسكت وبفكر أصور فيديو للمطب ده الناس وهي بتطير عليه لو في كامير بتصور المطب ده يوم كامل هتصور بلاوي ولازم اللي عمل الطريق ده يتسجن والمسئول عنه وعن صيانته كمان يتسجن .
بكرر شكري وتمنياتي للجميع أن ربنا يحفظهم ويحميهم من شر الحوادث وأهم نصيح يا جماعة متنسوش
أربطوا حزام الأمان
هو ده اللي قلل الخساير بعد لطف ربنا ورحمته بينا
-
حمدلله على سلامتك وبشكرك على التحذير
انا بقول احترس من كل شارع فيكى يا بلد ...... عبال ما المسؤلين يصحوا من نومهم .
Content Relevant URLs by
vBSEO 3.6.0 PL2