محتار بين تويوتا كرولا 2015 و بين هوندا سيفك 2015

**eslam_safwat** · 27-01-2015 03:29 PM

السلام عليكم سؤال لو سمحتم وارجو الافاده ايهما افضل تويوتا كورولا 2015 وللا هوندا سيفك 2015
العربيتين فى نفس السعر تقريبا يعنى انا لو معايا المبلغ وهاشترى اشترى مين فيهم واشتريها ليه ومين فيهم افضل من ناحية التحمل والاداء
انا قريت كتير وفى ناس بتشكر فى التويوتا وفى ناس تانيه بتشكر فى الهوندا وبحس ان اللى معاه عربيه متحيز ليها اوى
فياريت حد يفيدنى يكون جرب العربيتين

**shifoo68** · 31-01-2015 11:42 PM

المشاركة الأصلية كتبت بواسطة eslam_safwat

السلام عليكم سؤال لو سمحتم وارجو الافاده ايهما افضل تويوتا كورولا 2015 وللا هوندا سيفك 2015
العربيتين فى نفس السعر تقريبا يعنى انا لو معايا المبلغ وهاشترى اشترى مين فيهم واشتريها ليه ومين فيهم افضل من ناحية التحمل والاداء
انا قريت كتير وفى ناس بتشكر فى التويوتا وفى ناس تانيه بتشكر فى الهوندا وبحس ان اللى معاه عربيه متحيز ليها اوى
فياريت حد يفيدنى يكون جرب العربيتين

شوف انا معايا سيراتو 2013 الشكل الجديد وكيل اعلى فئة تقفيل ممتاز وخامات عالية وشكل وصالون وقبل السيراتو كنت حاموت واجيب التيوتا كورولا من اول ما نزلت كانت واطية قوى ووشها من قدام واطى جدا لحد الان واتفرجت على السيفيك 2014 زيرو تحفة التحفة ولا تقولى تيوتا ولا اى حاجة تقفيل شيك جدا وصالون تقفيلة عالى وحط تحت كلمة تقفيل كزا خط وعلشان تعرف افتح شنطة الكورولا وافتح شنطة السفيك فرق رهيب مع ان الاتين تركى بسسس الهوندا تكسب بمراحل صالون تابلوة شيك جدا جودة تقفيل عالية

**adaghma** · 01-02-2015 12:17 AM

بص يا عم اسلام عايزك في يوم تنزل كايرو فيستفال سيتي هناك توكيل هوندا لازق في تويوتا
طبعا لو انت بتتكلم في اعلى فئة يبقى التالي
عندك السيفيك اللي بيميزها الجنط و الكاميرا الخلفية و فتحة السقف
التويوتا ممكن افضلها على شان داخليتها احلى بالنسبالي بس مافيش فيها فتحة سقف و منتشرة اوي عكس السيفك
طبعا بالنسبة للعلو الاثنين تمام التويوتا في اخر دفعات عدلو ارتفاعها
و بالنسبة للتقفيل لو كان معاك سيفك ياباني و ركبت تقفيل تركي حتحس بفرق لو انت بتدقق
كمواتير السيفك تكسب مع انه هوا هوا نفس المتور من 2008 بينزل لتركيا و روسيا و مصر 1600 سي سي
خدلك تست درايف و صلي استخارة
:)

**crazy car** · 02-02-2015 03:38 PM

من الأخر كقوة وأداء الهوندا بلا أدنى شك ولكن التويوتا بردوا لا غبار عليها لكن انت بتختار بين رهيب جدا ورهيب :) يعنى في كلا الحالتين موش هتخسر

لكن ارجحلك التويوتا أسعار قطع غيارها وانتشارها واعادة البيع لصالح التويوتا طبعا

**bluemail** · 03-02-2015 01:34 AM

السيفك اعلي في كل شيئ
ماعدا : سعر اعادة البيع
قطع الغيار في التوكيل

يعني اللى بيركب هوندا لازم يكون غاويها
التويوتا حافظه سعرها جدا
فلو مش فارق معاك النقطتين دول يبقي هوندا
وعموما زي ما قال اخونا فوق : تيست درايف واستخاره وشوف هترتاح لايه