الموضوع: الزيت بقى طحينة .. مشورة عاجلة

انتا كنت مزود الزيت أوووى

ده للاسف جوان وش سلندر

المشاركة الأصلية كتبت بواسطة ahmed tarek 00

انتا كنت مزود الزيت أوووى

ﻻ ابدا الزيت تمام ... انا بحط ال 10000 ليكو مويلى ... بقاله معايا 4000 .. يعنى لسة بدرى ومكانش بينقص وﻻ زيادة

المشاركة الأصلية كتبت بواسطة eng f3lix

ده للاسف جوان وش سلندر

تسلم ياباشا مانا عارف ..بس انا اول مرة اعمل الحوار دة وعايز اعرف يتكلف كام تقريبا ..وايه الصح علشان اشتغاﻻت الميكانيكية

ده ملف كنت عاملة كوبى و شايلة عندى عالجهاز
منقول طبعاً و الشكر لأصحابه (للأسف مش فاكر مين)

اسباب تلف جوان وش السلندر

سبب تلف جوان وش السلندر الاصلى هو نقص المياة بشكل ملحوظ واستمرار دوران المحرك مما يؤدى الى ارتفاع درجة حرارة المحرك , مما يؤدى الى تلف الجوان , واذا استمر عمل المحرك اكثر يؤدى الى عمل اعوجاج فى وش السلندر


ارتفاع درجة حرارة المحرك بصورة مفاجأة , وذلك نتيجة لوجود قصور فى نظام دورة التبريد فلا تستطيع تبريد المحرك بصورة كافية , فالجوان يتلف بصورة مفأجاة بعض مثلا الضغط لفترة على المحرك للتسارع وهذا السبب يكون نتيجتة تلف الجوان فجأءة بدون سابق انذار


كيفية معرفة اذا كان هناك تلف فى الجوان ام لا

نقص مياة بصورة واضحة حتى وانت واقف على السلانسية مش لازم تتحرك بالعربية , وطبعا مؤشر الحرارة بيرفع عن الطبيعى ودية بتبقى اخر مرحلة للجوان الجوان جاب اخرة خلاص

المكنة بتتعب على ماتدور بدون سبب اخر , ودة راجع بسبب كبس المحرك

فية عندك تسريبين من الجوان ( مياة - زيت ) بمعنى

- ان ممكن الجوان يضرب ومش شرط , يدخل الزيت على المياة او العكس , لان كدة الجوان ضرب من ناحية مجرى المياة , ودة لما بيضرب بيسرب المياة
على البساتم فالمياة بتنقص بسرعة جداا
- ان الجوان يضرب من مجرى الزيت ودة اللى بيعمل خليط بين الماء والزيت , وبيكون طبعا اثرة واضح جدا ( على غطاء وش التاكيهات - القربة - الزيت - مياة الردياتير ) بيعمل لون بنى فاتح او زى مابنقول طحينى

فى اول بدايات الجوان بتيجى عند سرعة مابعد 100 كم وتلاقى العربية رفعت بدون سبب , حتى بعد تنظيف الردياتير

نقص فى مياة الردياتير , والمياة ثابتة فى القربة , ودة طبعا راجع لان مع ضعف الكبس الموجود فى الدورة , فلا يستطيع ان يضغط على فالف غطاء
الردياتير حتى يغلق ويسمح بمرور المياة بداخل القربة ليتم التخلص من الضغط الزائد والحرارة واعادتها مرة اخرى للمحرك لتأخذ الدورة مرة اخرى وطبعا دة بيحصل مع التأكد من عدم وجود تسريب او تلف فى غطاء الردياتير

بعد الوصول لدرجة الحرارة الطبيعية وبالتحديد بعد مرور 20 دقيقة , من تسخين المحرك , اذا تم الضغط على الخرطوم العلوى وتم ايجادة طرى ويسهل الضغط علية بكل سهولة , وعند التأكد من عدم وجود عيوب فى دورة التبريد ( تنفيس ) يبقى كدة دة جوان وش سلندر تالف


كيفية اصلاح تلف جوان وش السلندر

يتم تبريد السيارة تماما حتى تكون درجة حرارة المحرك اقل من 35 درجة مئوية

فك وش السلندر والذهاب بة اللى الخراط , للقياسة والتأكد من سلامتة وعمل تنظيف لة اذا تم التأكد من سلامتة , ثم عمل معاينة لبلوكة الماتور للتأكد من سلامتها ايضا وتنظيفها من اثار الجوان

فى حالة وجود اعوجاج فى وش السلندر يجب تغير الوش بواحد اخر استيراد وذلك لعدم التأثير بعد ذلك على اداء السيارة لا افضل بأى حال من الاحوال تركيب جوانين

بعد ظبت وش السلندر والتأكد من سلامتة هو والبلوكة , يتم تنظيف كامل لدورة التبريد , والكشف على ترس طلمبة المياة , وسلامة ثرموستات الكوعة , وثرموستات المروحة , يجب مراجعة كل خراطيم دورة التبريد واى خرطوم يكون طريا حين الضغط علية يجب تغيرة فورا لان مع احكام الكبس بعد الجوان يجب ان يتحمل الخرطوم قوة الضغط القوية

يفضل تغير مسماير جوان السلندر لانها مع الحرارة اللى تعرضت لها ممكن ان تفقد صلابتها

يجب تغير جوان السلندر ( يفضل الاصلى ) او اليابانى

بعد تركيب وش السلندر والتأكد من عدم وجود تسريب , يجب عدم الضغط على السيارة لمدة اسبوع او ( 500 كيلو ) ايهما اقرب , والسير بدون سرعات عالية او حرق على الغيارات حتى يتم تطبيع المكونات الجديدة وتوافقها مع بعضها

بعد مضى اسبوع او 500 كيلو يجب ان تذهب مرة اخرى الى الميكانيكى ليتم ربط مسامير الجوان مرة اخرى لاحكام ربطها بعد عملية التطبيع

عمل كبس لدورة التبريد للتأكد من سلامتها

تغير البوجيهات

يفضل تغير الزيت والفلتر فى حالة اختلاط الماء والزيت

او تغيرة مع الفلتر بعد 500 كيلو من تغير الجوان فى حالة تلفة من مجرى المياة



المدة التى تستغرق فى اصلاح جوان وش السلندر

المدة تكون من يوم الى يومين على الاكثر
******************************
التليين بيتعمل للنص عمره(شنبر)او عمره كامله
اللى انت عملته لا علاقه له لا بالنص ولا بالعمره
يعنى مفيش اى تليين مجرد جوان وقشط خفيف حتى مغيرتش اويل سيل صباب وروديه
وحبسطهالك اكتر اين اجزاء المحرك اللى حتحتك ببعضها(الجديده) اللى حتحتاج تتلين (كل اللى اتعمل تم ربط الوش بالبلوك)

التكلفة فى ال128 حوالى 250 ج مصنعية و خامات (بدون زيت)
معرفش فى اللانوس كام


أعانك الله

حدث ذلك الموقف معى مرتان فى الريجاتا و كل مرة كان السبب عطل مفاجئ فى ترموستات مروحة التبريد
مما يدفعنى لتركيب مفتاح خاص للمروحة واصل على البطارية مباشرة حتى يتم تشغيله فى حالة ملاحظة إرتفاع الحرارة كما هو حاصل فى معظم السيارات ال 128