عايز اعرف رائيكم في حاجة مهمة بخصوص مستقبلي !

**maio_do** · 28-01-2015 03:58 PM

سرعه الجواز مطلوبة وده الدين طلبوا مننا علشان تحافظ على نفسك وعلى غيرك
بس فيه فكرة صغيرة كده الناس قالتها ان تفكيرك بيتغير ودى حقيقة استنى سنة بالكتير ولو لسه مصمم على نفس المزه اخطبها او اخطبها ومعاك سنتين تقرر فيهم
مبروك مقدما يا كبير

**abdulkhaleq** · 28-01-2015 03:59 PM

شغلك ؟ وظيفتك ؟
تقدر تتحمل مسئولية بيت وست وعيال ؟
ولا ابوك اللي هيشيل الليله ؟؟
هتخش على ابوها تقوله ايه ؟
محوش كام ؟؟؟

لو كل اللي فات ده مش مشكله اتجوز اول ماتخلص كلية طبعا
لو كنت راجل قد المسئوليه
مش قصة تغيير رأي في البنات
بس لو عينك فارغه النهارده
هتبقى عينك فارغه برضه كمان 50 سنه وهتبص بره

كل ما تكون صغير كل ما فرصك في الجواز (انك تنقي على مزاجك يعني) بتكون اعلى

**Secret-Man** · 28-01-2015 03:59 PM

استخير ربنا فى الاول طبعا ثم مشوره الناس العاقله القريبين منك

ثانيا رايى الشخصى ممكن يكون صح او غلط ولكن انا مع اتجاه متستعجلش لان فعلا ياما هتشوف واصحاب ليا كتير اتجوزو بدرى بس هى مش قاعده فى منهم المبسوط ومنهم الندمان فكل واحد ليه وضعه وحياته تختلف عن التانى

ولكن الى اقدر اقهولك برضه ان البنت كل مايتقدم بيها العمر تجاربها بتزيد للاسف وهيبقا الاختيار وقتها اصعب من دلوقتى فففكر تانى لو مقتدر اعمل بالدين واتجوز لو مش قادر وهتعافر وهتعيش حياه الكفاح فخليك بطولك احسن لان هتندم انك دخلت بيت حد وارتبطت بكلمه معاه

**إنسانة** · 28-01-2015 07:45 PM

اعتقد إنك تأجل الزواج كام سنة لإن حتى البنت تفكيرها هيتغير وهتقارنك كتير باللي حوليها وهتحس إنها استعجلت وضعيت حياتها وهتكون تعيسة غالبا

لما تكبر شوية افضل

بالتوفيق

**إنسانة** · 28-01-2015 08:02 PM

المشاركة الأصلية كتبت بواسطة hitman235

لو قادر دوس لأن الحاجه الكويسة ما بتستناش و بعدين فى عصر الاندرويد و التابلت صعب تلاقى بنت مأنتمتش مع حد قبل كده و كان ليها تجارب عاطفيه مع موجه الانحلال الاخلاقى فى البيوت حاليا
خلاصه الموضوع الى انا فعلا بمر بيه دلوقتى فرصتك الوحيده انك تاخد زى ما انت بتتمناه هو و انت صغير كل ما بتكبر كل ما الموضوع بيبقى اصعب 25 لو ما خطبتش هيبقى الموضوع اصعب لأن هتلاقى الى فى سنك الكويس فيهم اتجوز و الى فى السن الاصغر 20..21 بيبقى مأنتم ومصاحب و مش هتعجبه لأن البنات دلوقتى بتصاحب من سن 18...19 بالكتير

18 و 19 و 20 و 21 البنت مش بتبقى ناضجة في اختيارها وهتحس غالبا انها مكنتش صح لما اختارت في الفترة دي

ودا لو حد في سنها مابالك لو البنت في السن دا هتتزوج واحد معدي 28 او اكبر هتبقى حياة كئيبة بمعنى الكلمة

اللي بتتزوج صغيرة حتى لو اختارت بكامل حريتها غالبا مش بتكون سعيدة

**hitman235** · 28-01-2015 08:53 PM

المشاركة الأصلية كتبت بواسطة إنسانة

18 و 19 و 20 و 21 البنت مش بتبقى ناضجة في اختيارها وهتحس غالبا انها مكنتش صح لما اختارت في الفترة دي

ودا لو حد في سنها مابالك لو البنت في السن دا هتتزوج واحد معدي 28 او اكبر هتبقى حياة كئيبة بمعنى الكلمة

اللي بتتزوج صغيرة حتى لو اختارت بكامل حريتها غالبا مش بتكون سعيدة

اغلب البنات بترتبط فى السن ده 18..21 و فى الغالب الى ما بترتبطش فى الرينج ده بيبقى الطلب عليها قليل او مش مرغوب فيها ثانيا انتى شايفه ايه السن المناسب للبنت للارتباط اغلب البنات دلوقتى على سن 21..22 بتكون مرت بتجربه على الاقل...
ثانيا انتى بتتكلمى على انهى نوعيه من البنات لأن الاغلب ابيبقى عايز يتجوز و خلاص

**إنسانة** · 28-01-2015 09:36 PM

المشاركة الأصلية كتبت بواسطة hitman235

اغلب البنات بترتبط فى السن ده 18..21 و فى الغالب الى ما بترتبطش فى الرينج ده بيبقى الطلب عليها قليل او مش مرغوب فيها ثانيا انتى شايفه ايه السن المناسب للبنت للارتباط اغلب البنات دلوقتى على سن 21..22 بتكون مرت بتجربه على الاقل...
ثانيا انتى بتتكلمى على انهى نوعيه من البنات لأن الاغلب ابيبقى عايز يتجوز و خلاص

24 - 25 سن مناسب وقرار ناضج

وبتكلم عن الوضع الطبيعي

مابتكلمش عن البنات المعرضة لضغوطات المجتمع أو الاهل بتكلم عن وحدة حرة مستقلة بقرارها

اما اللي معمولها حد معين وسن محدد للإرتباط ورضيت على نفسها تعيش مع اي واحد والسلام " دي حتى لو تزوجت عن اختيار هتكره عيشتها وهتفضل نادمة طول حياتها حتى لو ماصرحتش"

غير كدا اللي وصلت لسن 25 سنة بدون زواج وماتقدملهاش اللي شايفها مابيقتش مرغوب فيها ... دي امها داعيالها انها موقعتش في المقبرة دي

اما بخصوص المشاعر اللي مرت بيها البنت طبيعي تمر بتجارب لو مجتمع فيه شباب ويسمح بالتعارف , دي حاجة خاصة بيها ... المشاعر لا سلطان عليها .

**hugan** · 28-01-2015 10:33 PM

اوعي
خلي في فرق بينك وبينها علي الاقل 5 سنين
ومش اول واحده تشوفها تفتكرانها حب حياتك و فتاه العمر ولن تعوض
انسي
ولو عرفت توصل الفرق ل10 سنين
تبقي برنس
الكلام ده مش من فراغ
43 سنه ومتزوج من 17 سنه

**ESO101** · 29-01-2015 12:54 AM

المشاركة الأصلية كتبت بواسطة amr nasir

!!!!!!!!!! ديه قد اخويا الصغير و ابويا ٤٨ !!!!!! ..... اول مره اشوف حد كده الصراحه:b4_611:

الرجل كما فهمت يقصد المدة
مدة زواجه 17 عامًا
وأرى 5 سنوات حد أقصى للفرق بين الزوجين ..... 10 سنوات جيل آخر

-

الموضوع: عايز اعرف رائيكم في حاجة مهمة بخصوص مستقبلي !

LinkBack

أدوات الموضوع

عرض

-

-

-

-

المواضيع المتشابهه

عايز اعرف حاجة مهمة عن الاسبورتاج 2014

عايز رايكم فى حاجة مهمة ؟؟

عايز آخد رأيكوا فى حاجة مهمة

عايز اعرف حاجة مهمة

الكلمات الدلالية لهذا الموضوع

المفضلات

المفضلات

ضوابط المشاركة